Radio Jersey Lettre Jèrriaise. Dimanche le 2 d’Aout 1987

 Radio Jersey Lettre Jèrriaise. Dimanche le 2 d’Aout 1987

Bon jour Bouannes Gens. Chez Clifford Laisney d'la Forge à St Ouen chi vos addresse chu Dimanche matin le 2 d'Aout.

 

J'Voudrais vos raconter une petite histouaithe qui nos arrivit y'a chic temps chi montre comment q’nous peut es erconnu n'importe éouque nou viage.

 

Pour en c'menchi, Veronica et me j'sommes hardi en peine des d'lices du mangi chinnouais, et pour pusieurs annees j'avions frequenté un certain restaurant dans Halkett Place y'ouque auve le temps j'veims a nos faire connaite auve une p'tite chinnouaise. J'l'vitimes siez nous un jour, et ou nos dit que c'htait la prémier fais qu'oulle avait mangi auve une famille angiase. J'en pouvaimes pon nos empechi d'rithe quand l'temps vint pourmangi la salade auve une frouchette et couté. C'h'tait certainement different que d'mangi auve deux p'tites buchettes. Y vint l'boun jour quand noutte P’tite hardelle s'decidi d'seu marrié, et j'umes l'honneur d'etes invitées es noeuces qu'eutes ieu en Leeds. Y s'adonne que C'h'taimes pour prende nos vacances en Galle et j'vos assure que j'umes un hardi bouan temps a viagi dans les vallees et montagnes ayont print n'out vêture.

 

J'nos reunimes a Leeds pour les noeuces a la fin d'nos vacances, et j'fumes ercus par la famille de Gawai , comme la jeune fille s'appelle et j'fumes traitée comme des V.I.P.s. Le jour c'mmenci auve un r'pas a un restaurant qu'appertenait es parents d’Gawai et apres j’f'ilime pour la Reception, car le jeune couppyle avais 'tait marriés le jour de d'vant. J'nos trouvimes Veronica et mé les deux seuls biancs parmi 250 Chinnouais, mais heuresement j'avaimes 'tait fournis d'une chaperone chi nos traduisit tout chi s'arivait en angiais. Y y'avait douze differents courses de mangi, et j'vos assure que j'fumes pus que rassagiers. Y faut que j'vot dit‘che que tuous les presents qui tes d'largent chi futes données devant les noeuces allais pour couvri les frais d'la reception, et pit tuoc’he qui tait donné apres 'tait ertennu par les nouvieaux marriés. Si y'on a chich'zun d'vous quont des filles en lus marriont ou serrais bein chi faire.

 

Enfin pour coppé l’histouaithe a cause du temps que j’ai sus Radio Jerri a matin, j’nos mimes en route pour Weymouth. Tout allait bein, j’taimes sus la M5 dans la route du miton et j’suivaimes uncar quand tout d’uncoup la vethure qu'allait l'avont a nous passi sus une bare en fer qui s'etait trouvée sus la route, et d'vant que’je savaimes ch'ec s'était arrivé la bare fut soul'vée, tappe dans le d'vant d’ma véthure, tappe le windscreen et senvole par dessus la bonnette

 

A séptante milles a l'heure j'vos assure que c'h'nest pas du fonne, et j'soumes bein ermércions a Dieu qu'la bare nos tappi pas pus haut car j'en crait pas que je s'sais a vos raconter c'histoiare a matin. J'arraitimes a Walsall pour une heure ou'eske j'umes des raffraichissments auve le Rev Colin Hayes et sa dame qu'avais tai en charge de n'out chappelle ichin en Jerri.

 

C'hest a c'hteu l'point dans m'n'histouaithe que j'veurt vos raconter comment chi q'n'ounes peut pas viaigi ien dans l’monde sans ete e'rconnu.

 

Nos v'la arrivees au roundabout comme ils s'appelle en Angieterre, et j'taimes en train d’décidé si c'htait le preumi ou'la deuxieme a la gauche c'h'il fallait prendre et j'me trouvais aucout un miot enervé apres m'nexperience d’une heure de d’vant quand tout d'un coup j'entendimes sus un LOUD HAILER, "TU N'EST PAS SUS LA ROUTE DES CHIN MILLES ICHIN". J'navais pas prins davit qu'avait un car d'police chi m'suivait. Evidament c'htait un policier chi connaisait Jerri et il avait erconnu le numero d'mons motor car.

 

I'm passi, et j'nos entre l'vimes la main en nos entre souh'tant l'bonjour. J'arrivimes a Jerri sans pus dembarrass, seulement que des frais de £300.00 louis pour la r'reparration d'mon car, mais acoua une fais j'ermercimes Dieu pour nos avé preservees.

 

Ma priére a matin est que Dieu accompagnera tuousd’vous chi sortironts d'lile pour vos vacances et qu'ou r'touarnais ciez vous erfraichis et prets pour fachi l'avnin que Dieu seulement connais.

 

A la prochaine, et mercie pour avait ecouter.

 

Clifford Laisney