Eune arlévée d'affaithes

 Eune arlévée d'affaithes.

 

Caracthetes.

 

 

Mait Philip Lenfaisté:                  Un Fermi.

Alice Lenfaisté:                           Sa Femme.

Nancy Lenfaisté:                         Lus Fille.

Filo Lenfaisté:                             Lus Fîs.

Tom Renouf                                 Le jeune Homme a Nancy.

 

Scene.

La tchuisine siez Mait Philip Lenfaisté.

Nancy est prete pour alle se promene.

 

 

Filo.                     Ten vas tu apprendre a cachi anniet?

 

Nancy.                  Oui.

 

Filo.                      J'apprendrai etout me quand je s'sai vi assez. Et pis tu pasle que j'ithai sept noeuds dans la biase.

 

Nancy.                  Quand tu s'sas capablye de cachi mon vi, et bein les couochons ethont d's'alles.

 

Filo.                      Tu verras valet.

 

Nancy.                 Ah tait te et va aidge a p'pee a gratte des suediches.

 

                            (Alice entre).

 

Alice.                   Tu n't'en vas pas happe la bus, Depeche te don.

 

Nancy.                 Je n'm'en vaie pas par la bus.

 

Alice.                   Bon.

 

Nancy.                 Nan. Tom Renouf s'en veint me cherchi dans son moto.

 

Alice.                   Tchi Tom Renouf?

 

Filo.                     Tu sais bien m'mee, chut maniethe de chiffre en pate la, qui veint prendres les ordres pour du guano.

 

Alice.                   Mais coumment qu'ch'la s'fait. Tu n'le connais presque pas.

 

Filo.                     Ch'es la tout ch'qu't'en sait.

 

Nancy.                 Tait te Filo.

 

Filo.                     Nannin dja, j'vos ai veues pus d'eune fais me (I rit) Tu pale qu'il a l'air bete quand il est la a la cattine.

 

Nancy.                 Filo, man manniethe de ptit ……

 

Alice.                   N'en v'la assez, Filo va aidgi a ton pethe. Tchi qu'tout chonna veurt dithe Nancy?

 

Nancy.                 Ah bien, depis que Filo n'a pas tout taithe sa becque j'peux aussi bien te dithe. J'allons nos mathier Tom et me.

 

Alice.                   Tchi.

 

Nancy.                 J'allons nos mathier.

 

Alice.                   Combein longtemps qui y'a qu'ou vos pressez en semblye.

 

 Filo.                    Sept ou huit mais, dit Nancy.

 

Nancy.                 Filo, fiche me l'camp (Ou pousse Filo qui s'en va en riant).

 

Alice.                   Mais tchi qu'ton pethe s'en va dithe.

 

Nancy.                 Je n'sais pas, maîs j'ai m'n'idee faite, et arrive tchi pliante, j'men vais mathier Tom.

 

Alice.                   Oh mais Nancy. Je sis toute boulversee de oui ditet. Tchi qu'ton pethe j'tha sans te. Tchi qui l'y'i'aidra a traithe et a soigni les vacques.

 

Nancy.                 Les vacques sont t'i pus importante que me?

 

Alice.                   Nannien maîs …….

 

Nancy.                 Eh bien faudra que peppee se despianque du mus qu'i pourra. Je m'en vais pas rester ichien toute ma via a rouallye dans l'establyes aloutou des fichues vacques.

 

Alice.                   Tchi qu' pepee s'en va dithe.

 

Nancy.                 N'te gene pas jpeut bien soigni d'l'i. Tu verras i nos douanna son consentement, devant saver par iou qu'il en est.

 

Alice.                   Mais coumment qu'tu pale. Est che que tu n'as pas d'respe pour ton pethe.

 

Nancy.                 Oui dja, peppee est un chier. Mais y faut admettre qu'il est chent ans driethe les temps. Ergarde combein qui fallu tormenter devant pouver aver la tchuisine mînse a la mode et d'vant qu'i'c mandi le moto.

 

Alice.                   Peut etre mais I'adi et du dev'thais avec un mio pus d'ergard pour l'i.

 

Nancy.                 Va faithe eune tassee d'thee ch'la'te r mettre sur tes pids et Tom pourra en aver ieune quand il arrivtha.

 

Alice.                   Pense bien tchi qu't'est a faithe.

                            (Alice s'en va).

 

Nancy.                 N'ou dithait que ch's' sait un crime de voule se mathier, je n'sai si memmee avait d'l'e'gard pour son pethe quand ou'tait en train de mathier pepee. (Ergardant l'heuthe) Tom ne devtha pas etre longtemps. (Ou va a la f'netre et vait Tom dans l'bel). Oh le v'la. (par la f'netre) Tom j'sis prete venton ichin. Bon tchi qui y a?

 

Tom.                    (A la f'netre a l'air gene). Ch'es fichu Nancy.

 

Nancy.                 Tchi qu'est fichu? Tu as la fache longue comme un violin. Tu' n'as pas ieu l'sa par chance.

 

Tom.                    Nan.

 

Nancy.                 Oh occous bein, tchi qui y'a don?

 

Tom.                    Et bein j't'avais dit que j'n'en allais d'mandet au boun homme de hautchi mes gages.

 

Nancy.                 Vethe.

 

Tom.                    J'ai d'mandet a matin.

 

Nancy.                 Et tchi qu'i't'a dit.

 

Tom.                    A' c menchi i n'voulait pas en oui paler.

 

Nan.                     Oh le vie j sai bein tchi? L' Y'as tu dit que ch'tait pour te mathier.

 

Tom.                    Oui et i' m' a d'mander tchi sorte d'pouppette que j'm'en allez mathier pour ne pouver pas managi sus cla' que j'gagne.

 

Nan.                     Tchi sorte d'pouppette? J'voudrais t'i' l'aver ichin, j'l'i' motrerthais bètot tchi sorte d'pouppette que j'sis valet.

 

Tom.                    Heh arrette une minute?

 

Nan.                     Tchi d'autre qu i' t'a dit?

 

Tom.                    Pour en fini i' m'a dit que si j'pouvais vendre eune machine a traithe sus ma ronde annier, qu' i' m' hautchithart mes gages a' c'menchi la s'maine tchi vient.

 

Nan.                     Et en as tu vendu ieuine?

 

Tom.                    Ch'es la l'noeud. La pus grande parties des fermiers par ichin en ont deja et les autres ne veulent pas en entendre paler.

 

Nan.                     Tchi qu' tu t'en vas faithe?

 

Tom.                    Je n'sais pas. Crait tu qu' t'en pethe en eccatai ieune?

 

Nan.                     Oh pas l' i' (Ou pense) arrette dja y vaut bien la peine d'eprouver. Veten il est tchi' qu' bord dans les bels. Ches daller l' i' d'mander.

 

                            (Nancy sorte par eune porte, et eune secgonde aupres, Mait Ph'ilip entre par l'autre).

 

Ph'lip.                   Iou qu' i' sont?

 

                            Alice, Nancy, Dgaitre d'matin y n'ya jamais personne a trouve dans chutte maison ichin. Alice?

 

                            Alice entre.

 

Alice.                   Secours de la vie, tchi qui y'a.

 

Ph'lip.                   Tchi qu'est tout chu niolin ichin?

 

Alice.                   Tchi niolin?

 

Ph'lip.                   Le Filo veint d'etre a m'racontie un tas d'bavin entourne. Nancy et l'Tom Renouf.

 

Alice.                   Oh minséthe.

 

Ph'lip.                   Estche vrai qu'oulle veurt se mathier?

 

Alice.                   Ne v'la qu'oulle a' dgix neuf ans tu sait.

 

Ph'lip.                   Ch est qu' eune mousse.

 

Alice.                   Te d'souveins tu bein quand tu me d'mandit de t'mathier. Tche l'age que j'ava.

 

Ph'lip.                   Oh ma fe?

 

Alice.                   Dgix sept ans.

 

Ph'lip.                   Oh mais ch'tait diffethent chonna.

 

Alice.                   Pas du tout. Et tu n'eut pas d'paix devant que mon pethe dis oui. I tas matha a l'age a Nancy, biau qui n'voulez pa siez nous.

 

                            ( Filo entre).

 

 Filo.                    P'pee Nancy est a rgarde pour te.

 

Alice.                   Dit l' i' de v'nin ichin.

 

                            ( Filo la tete par la porte).

 

 Filo.                    Nancy, hey Nancy p'pee est dans la tchuisine. Veter ichin.

 

                            (Dans la tchuisine).

 

 Filo.                    Tom Renouf est avec l' y' e. I crai bein qu' i' n'est pas tant piethe, mais i' fait trop d'si faches pour me.

 

Ph'lip.                   Mele te d'tes affaithes.

 

                            (Nancy et Tom entre).

 

Nancy.                 Veten Tom. Peppe, n'e v'chin Tom Renouf pour te vais.

 

Tom.                    Bonjour mess Lenfaiste. Du biau temps exlepon.

 

Ph'lip.                   Vethe mais tu n'est pas v'nu ichin pour pale du temps, si ch'qu j'entends est vrai.

 

Alice.                   Ph'lip ergarde bein tche qu tu dit.

 

 Filo.                    Ni pour vendre du guano.

 

Tom.                    Nan dja, mais ou voulez tchi que engrais je s'sai bein aise de prendre vot ordre.

 

Ph'lip.                   Et bien tchi qu'tu vews don? si tu n'est pas en train de vendre du guano.

 

Tom.                    Ous avez dit qu'ous en avez deja oui pale de meme, tchi qu ous en criyis. Allous dithe oui.

 

Ph'lip.                   Nannin.

 

Tom.                    Mais Mess Lenfaiste.

 

Ph'lip.                   Nannin y'te dit. Veint me r'demander dans deux or trais ans si tu peux arettes mais j'ne dethai pas oui devant.

 

Alice.                   Ch'est hardi a li d'mandé tu sais Ph'lip. Et pis pense a Nancy, la pouorre garce.

 

Nancy.                 Tu s'sais bein mus tu sai.

 

Tom.                    Ou êthaites bein pus d'aise, pas besoin d'être l'vai si bouan-heuthe au matin.

 

 Filo.                    Les vacques se traithons toute seules j'crai bein.

 

Tom.                    Pas justement.

 

Nancy.                 Mais pense au temps qu'tu sauvethez.

 

Alice.                   Pense a ton jeune temps Ph'lip, tu ne'éthez pas laissi ton pethe te ramasser d'la sorte.

 

Ph'lip.                   Tchi qu'est tout chut bavin ichin. J'pourrais rester au liet au matin, les vacques se thraithonts toutes seules. Y'sauvthai du temps. Êtes-ous tous fôs ou est che mé qui perd la tete. Coumment qu'tout chon-chin m'etracarce.

 

Tom.                    Si t'accathe une machine a traithe bein serieux.

 

Alice.                   Eune machine a traithe.

 

Nancy.                 Vèthe.

 

Ph'lip.                   Sapresti. Etes ous a vos fiche d'mé.

 

Tom.                    Mon doux nannin.

 

Ph'lip.                   Pourtant le Filo ma conter un tas d'bavin entourre té et Nancy et pis tout cha'qu'tu veurs chès de m'vendre eune machine a traithe.

 

Alice.                   Mais j'n comprends pas.

 

Ph'lip.                   J'comprends bein mé chut fichu mousse là, a fait eune bête de nous. Arrêtte man vi, iun d'ch'es pours ichin. …

 

 Filo.                    Mais ch'es vrai p'pée, Nancy a dit. …

 

Alice.                   Filo, n'en v'la assez.

 

Tom.                    Eh bein, tchi qu'en est. Nos machines sont raide bouannes, garanties pour un an. Avec toutes vos vacques ou n'pouoraites pas faithe mus, que d'an accaté ieunne. Ch'est eune chose qu'est essensieule au jour d'anniet.

 

 Filo.                    Il a l'filet bein coppé valet.

 

Alice.                   Oh mais Filo.

 

Ph'lip.                   Y m'semblye que tu as oublié la chose la pûs importante.

 

Tom.                    Tchi.

 

Ph'lip.                   La prix de chutte merville ichin.

 

Tom.                    Oh chonna, avec la bouanne saison d'patates ch't'année.

 

Nancy.                 Et les tomates en deuxieme.

 

 Filo.                    Et la g'niche que tu as vendu pour L'Afrique. Tu dait être quasi millionaithe.

 

Ph'lip.                   Sapresti! Avous idée de m'mettre sus la route.

 

Alice.                   Mais, n'pâsle pas d'même Ph'lip.

 

Ph'lip.                   Je m'en vais pas acater de machine a traithe, j'vos dit. Ch'est occou ichin de ton travas, Nancy.

 

Nancy.                 T'est trejours d'même jamais n'ou n'peut avai rein ichin.

 

Ph'lip.                   Ch'est trejours dépenser des sous, n'ou m'les ramasse pas coumme des éscales de bénis. Si ou cryis que j'sis a m'crévé l'ventre pour mettre des sous dans la pouchette és marchands, ou vos trompez bein.

 

Nancy.                 Tu n'est pas l'seul qui travaille par ichin.

 

 Filo.                    J'pourrais t'aidgi si t'avez une machine.

 

Alice.                   Tu pourrais bein y'affordé Ph'lip et …

 

Ph'lip.                   J'ai depensé assez d'sous derniethment. Ou n'pensez pas. Ergardeés les frais que j'ai fait ichin d'dans.

 

Nancy.                 Y'a d's'annees que la tchuisine avait besoin d'être grais, et tu l'sait bein.

 

Ph'lip.                   Ch'est pas la l'affaithe, quand ieu tchestion de faithe tchi qu'chose ichin d'dans j'nos n'allaimes justement peindre, mais pour en fini, tout fut changi. Il fallait chon-chin et pis chonna. Savous bein que j'ai dépensé pus d'trais chents louis. J'en si malade quand j'y pense.

 

Nancy.                 Memée tait piethe qu'eune esclaive devant.

 

Ph'lip.                   Et pis té et ton moto, tchi qui s'en va payi pour.

 

Nancy.                 Ch'est té qui la c'mandai, et tu sait bein, le vier diton. Les siens qui c'mande …

 

 Filo.                    J'pourrai t'i apprendre à cachi p'pée.

 

Tom.                    Ous allez trouvé eune difféthance avec un moto, valet.

 

Nancy.                 Quand tu voudras allé en ville. J'pourrai allé t'y porté et memmée etout.

 

 Filo.                    Et pis mé. Je s'sai l'p'tit tchan j'crait bein.

 

Alice.                   Ah j'avais oublié a t'dithe Ph'lip. Chu charmant jeune homme la qui travaille à La Motte Garage. Tch'est qu'est son nom don.

 

Nancy.                 Vernon Le Riche.

 

Alice.                   Ah justement, eh bein il a tèléphoné pour dithe que l'moto est arrivé, et que tu peux allé l'vais quand tu voudras.

 

Nancy.                 Oh ne v'la du bon.

 

 Filo.                    J'peux t'i'y' allé etout p'pée. Tchi couleur qu'il est.

 

Ph'lip.                   Fallait t'i être bête de la c'mandé ous allez tous voulé être a vos promené a la piache de travailli les prechains jours. Dans men jeune témps nous allé en bike, ou bein a pid.

 

Tom.                    Véthe, mais les temps sont changis, et y faut faithe coumme le restant.

 

Ph'lip.                   Savous bein que quand j'allais vais Alice ichin, que j'marchais de la Ville-au-N'veu jusqu'à l'Eglise de la Trinité, deux ou trais fais la s'maine. J'navais pas d'moto, ni seulement d'bike.

 

 Filo.                    Tu d'vais gardé l'cordouanyi en allant a ton tout seu don.

 

Alice.                   Ch'est pas d'même ach'teu dja.

 

Nancy.                 Fallait t'i en avai du couthage.

 

Ph'lip.                   Ach'teu faut être portées partout. Je n'sai pas tchi qu'les gens ont au jour d'anniet, y faut que ch's'sai la fêamiantise.

 

Tom.                    Ou changeais d'idée quand ous éthez un moto, ch'est coumme toute autre chose ou verrais.

 

Nancy.                 Et tu s'sais la même chose, si t'accatte eune machine a traithe.

 

Alice.                   Tchi prix qui sont les machines.

 

Ph'lip.                   Ch'est inutile j'm'en vais pas en accatté ieune.

 

Nancy.                 Si tu n'veurs pas en aveir ieunne et bein tu peux traithe tes fichues vacques té même. Je n'm'en vais pas avai rein d'autre a y faithe, chute fais ch'est fini. J'peux bein être têtoigne étout mé.

 

 Filo.                    Tu dit trejous que Nancy tchein d'té pour avait eune forte tête, chutte fais j'allons vais la tchelle qu'est la pus duthe des deux. (Riant).

 

Ph'lip.                   Si j'allais avai l'malheur d'accatté eune machine, j'peux justement m'imaginé tchi qui s'arrivtha.

 

Alice.                   Tchi don.

 

Ph'lip.                   La Nancy en s'sai coumme de la tchuisine, y faudrait bâti eune neuve étable pour allé avec la machine.

 

Nancy.                 Ichi gniolin, mais si j'allais m'mathier tu éthais bouanne mine restant tout seu avec toutes les vacques.

 

Ph'lip.                   Tu m'gagne rein de me m'nichi.

 

Nancy.                 Eh bein, j'allons en avai ieune que tu veules ou qu'tu n'veule pon. Tom combein qui faut pour en accatté ieune.

 

Tom.                    Chent quatre vingt louis, enfin a tchi qu'chose prés.

 

Ph'lip.                   Seigneur de grâce, faudrai êtes fos d'allai donnai ch'ès sous la pour ditet.

 

 Filo.                    Quand n'ou peut avai l'travas fait pour rein. Nancy n'couêtte pas tant l'y …

 

Alice.                   Oh mais Filo.

 

Nancy.                 Tom, prends ieune ordre pour ieune machine.

 

Ph'lip.                   Je m'en vais pas payi pour.

 

Nancy.                 N'té fait pas d'bille, j'paiethai pour mé même.

 

Alice.                   Oh mais tu n'peux pas faithe ditet.

 

Nancy.                 Si fait dja. J'ai les sous que j'eu de ma tante Lilian, et quand je s'sai mathiée, peppée pourra avai la machine comme souvenir.

 

Ph'lip.                   Sapresti crait tu que j'men vais t'laissi mettre tes sous a une machine a traithe.

 

Nancy.                 Tom, as tu mins l'ordre dans ton livre.

 

Ph'lip.                   Ch'est bein. J'sai bein quand j'sis battu. Envie m'en ieunne, et met la a nom nom.

 

 Filo.                    La Nancy en r'epathe tréjours.

 

Tom.                    Mercie, Mess Lenfaisté.

 

Nancy.                 Mercie p'pée. (Oulle embrache Ph'lip). Tom, tu as vendue eune machine.

 

Tom.                    Tu l'as vendue tu veurt dithe.

 

Nancy.                 Pense tchi qu'ch'la veurt dithe. 'Oh Tom'.

 

Tom.                    J'sai bein.

 

Nancy.                 Dit a peppée don.

 

Tom.                    Pas anniet.

 

Nancy.                 Si fait, si tu n'te dépèche pas je l'f'thai mé même.

 

Tom.                    Oh l'dgâtre. Mess Lenfaisté. J'voudrais vos d'mandai un piâsi.

 

Ph'lip.                   Es'tche que j'men ai pas fait assez pour un jour.

 

Tom.                    Oh oui - oui - mais ch'est un mio difféthan.

 

Ph'lip.                   Tchi qu'tu veurs.

 

Filo.                     Peut t'i mathier Nancy.

 

Alice.                   Filo.

 

Tom.                    Vèthe Mess Lenfaisté.

 

Ph'lip.                   Filo avait raison don. Pourtchi qu'tu as fait la mine de voulé me vendre eune machine, etes-ous a vos fichi d'mé.

 

Nancy.                 Nannin, y fallait que Tom vendisse eune machine anniet, pour l'amour d'avai ses gages hautchies pour pouvai affordé a m'mathier.

 

Ph'lip.                   Et bein semnage.

 

Alice.                   Tu vai bein Ph'lip. Tu s'sas bein aise d'avai la machine quand Nancy s'sa horte.

 

Ph'lip.                   Peut être, mais as tu pense tchi que ch't'ouaisé ichin a fait. Faut t'en avai du toupé quand même y veurt mathier Nancy, mais y faut vendre une machine de même. Y s'en veint ichin, et entre yieux i m'font en accaté ieune. Je m'en reviens pas.

 

Tom.                    Eh bein Mess Lenfaisté, j'peux ti.

 

Ph'lip.                   Ma fi oui mathyie la man garçon.

 

Nancy.                 Oh mercie p'pée.

 

Ph'lip.                   Mais tu n'est pas fini de la minziethe valet. Nancy t'chain d'mé, et tu n'la f'thas pas faithe che qu'ou n'a pas idée.

 

Tom.                    J'pourrai bein m'en grée n'vos genez pas.

 

Filo.                     P'pée a tréjours sa tête ichin tu sais.

 

Nancy.                 Mais véthe, Il a bein montrai a ch't'arlevée. Je sommes assez a la vielle mode par ichin. Pour que ch'sai l'homme qui porte les braies. Es'che pon péppée.