1973: Deux têtes valent mus qu' ieune!

 Deux têtes valent mus qu' ieune!

 

Ottawa, Ontario,

Cannada.

 

Lé 17 novembre, 1973.

 

Moussieu l'Rédacteu,

 

“J'ai tréjous pensé qu' les femmes sont drôles.” Ph'lippe Taupîn dîsait à Papa un jour dans la forge quand j'tais mousse.

 

“Eh bein,” Papa lî dît, “tu n'es pon l'seul dé ch't avis-là, mais i' n'faut pon oublier tch'i' y'a d'drôles d'hommes par les c'mîns étout!”

 

“P't-êt' bein,” s'fit Ph'lippe, “mais au mains nou n's'en apèrche pon tant, car i' n'ont pon tant d'becque comme les femmes!”

 

1980: À l'êcole

 À l'êcole

 

Moussieu l'Rédacteu,

 

"Tch'est qu'tu'as apprîns à l'êcole aniet?" Papa mé d'mandit quand j'tions assis au pid du feu auprès l'thée.

 

"Pon grand' chose qué jé n'savais pon d'vant," j'lî dis.

 

"Ch'est drôle, pourtant," i' m'dît, "car même quand nou-s-est vièr nou-s-apprend tchiquechose touos les jours. J'ai apprîns dans la forge à matîn qué v'là tchi n'paie pon dé donner à crédit à un ivrouangne, car quand il a tchiques sou dans sa pouchette i' les met à acater eune boutelle dg'ieau-d'vie pûtôt qué d'payi san compte dé forge."

 

"Véthe," j'lî dis, "jé l'sai bein, mais les maitrêsses à l'êcole sont pus bête qué poule. I' n'savent pon comment d'mander des tchestchions raîsonnabl'yes. À matîn la maitrêsse m'a dit: 'Viyant qu'tan P'pèe et tan Papa sont forgeurs et fétheurs dé j'vaux j'm'en vais té d'mander des tchestchions qu'tu peux rêpondre aîsiement. J'veurs qué tu prenge avis à chein qué j'té d'mandes, car lé Canon Luce, Recteu d'St. Sauveux, s'en va êt' l'Înspecteux tchi veindra la s'maine tchi veint, et j'té d'mand'dai les mêmes tchestchions quand i' s'sa là à înspecter la clâsse. Né v'chîn la preunmiéthe: Si tan P'pèe prend vîngt minnutes à féther l'pid d'un j'va, combein d'temps tch'i' lî faudra pour féther les quat' pids?'

 

1979: La R'ligion

 La R'ligion

Le Ménage ès Feuvres,

St. Ouën

 

Lé 21 dé juilet, 1979

Moussieu l'Rédacteu,

En liêsant les "Tableaux Historiques de la Civilisation à Jersey" par John Patriarche Ahier, j'vai, dans san "Tableau" au sujet dé l'organnisâtion rèligieuse, qu'à la maîntchi du dgiex-neuvième siècl'ye (san livre fut publié en 1852) y'avait tchînze mille "sectes dissidentes" en Jèrri – ch'est à dithe des gens tchi n'fréquentaient pon l'Eglyise Anglyicanne. Les tchînze mille 'taient: 6,580 Catholiques Romains – Français et Irlandais; 4,500 Méthodistes et Calvinnistes, 3,920 Israëlites, Mormons, Quakers, Swiedembergistes, Vrais Croyans, Baptistes etc.

Ché s'sait întérêssant d'vaie combein tch'i' y'a d'ches sectes-là au jour d'aniet. Jé n'sai pon tch'est tch'était les "Vrais Croyans" mentionnés par l'auteur Ahier dans san Tableau. I' faut penser tch'il 'tait li-même membre dé ieune des "sectes dissidents" car dans san Tableau i' prétend qué ché n'tait pon juste tch'i' fallait qué les dissidents aîdgîssent à maint'nîn l's églyises Anglyicannes en payant des dgiêmes ès minnistres. I' pathaît qué trais-quarts dé la populâtion d'chu temps-là 'taient Anglyicans, "parmi lesquels se trouve les plus riches propriétaires" nouos dit l'auteur Ahier.

San doute la populâtion d'au jour d'aniet est bein pus nombreuse qu'ou n'l'était en mil huit chent chînquante. Lé Sieur Ahier n'tait pon fort hors d'la vaie quand i' mentionne les dissidents comme étant tchînze mille, et l's Anglyicans trais-quarts dé la populâtion, tchi nouos donne un total dé souoxante mille, car La Chronologie d'Jèrri par l'Avocat Edmund Toulmin Nicolle et Ralph Mollet donne la populâtion d'Jèrri en 1851 comme étant 57,020. En 1901, chînquante ans pus tard, oulle 'tait 52,636.

I' m'sembl'ye tch'i' y'avait pus d'enthousiasme pour la r'ligion dans chu temps-là tch'i' n'y'a d'nouos jours. Un tas d'nouos chapelles sont freunmées, et il a 'té tchestchion d'freunmer d's églyises étout et l'nombre d'minnistres pour Jèrri a 'té raptichi. Heutheusement qu'les congrégâtions d's églyises dé St James, St Simon et St Matchi lus sont r'bînfrés contre l'idée d'êt' freunmées. 

1910: "La s'maine passèe, j'r'venais de faithe unne p'tite touannèe dans la Cohue"

 Eune articl'ye du Caouain (dans La Chronique de Jersey 5/3/1910)

 

 La s'maine passèe, j'r'venais de faithe unne p'tite touannèe dans la Cohue et j'mé muchi dans un creux souos les pids de King George pour yaidgi à l'y cauffer l'ortés et l'dèslâssé un miot, car dépis tchique temps le pouor balloc est obligie de se t'nin sus un pid et pour qui s'en âlle pas dans le biau bâtisse de Broad Street, ils l'on amathé.

J't'ais là depis l'moment quand un houmme s'en vint avec un èstchèlle et unne bringe. De peux d'êtes collé avec les posters iou qu'est écrit "l'ami du peuple," bein vite j'm'èscapi et j'men fut tout drait me muchi dans ma niche à la gâzette, au haut du vièr marchi, mais pas iou qu'unne sardine est à conté un tas de menties et de sornettes jusqu'au temps qu'ou s'sait happèe par un maquereau.

Y-avait tchique temps que j'tais là quand je vit sortir du Halkett deux ou trais messieurs que je connais bein. Iun d'ieux dis : T'en vas tu allé au meeting siéz Mac à ces sé.

Bein vite, me v'là hors de ma niche et j'men fut sièz Mac, iou que j'me muchi dans l'creux du portico.

Deux'trais - a few, a couple

Posted at Languagehat: How Many Is a Couple? - this has minded us to say deux'trais words about the Jèrriais expression deux'trais, which is literally two-three but means a few, or a couple (if a couple can be two or more of something).

As these texts demonstrate by their phonetic spelling: Deux strès cheschions (1910) & Deustrès Histouethes pour Rithe (1890), the pronunciation is not that far off the English dust-tray.

Audio examples:

Vîngt-chîn pîngouîns - 25 penguins

Né v'chîn vîngt-chîn pîngouîns - Here are 25 penguins #jerriais #PenguinAwarenessDay pic.twitter.com/C3QF00WsPF

— L'Office du Jèrriais (@le_jerriais) January 20, 2018

Un tchîmpanzé - One chimpanzee

un tchîmpanzé = a/one chimpanzee
deux tchîmpanzieaux = two chimpanzees#jerriais https://t.co/jhN62EvaXu

— L'Office du Jèrriais (@le_jerriais) November 19, 2017

un marmoûset (Saint Ouën: marmoûthet) = a/one monkey
deux marmoûsieaux / marmoûsets (Saint Ouën: marmoûthieaux / marmoûthets) = two monkeys #jerriais

— L'Office du Jèrriais (@le_jerriais) November 19, 2017

Doublier - to double

doublier - to double

Présent

j'doubl'ye

tu doubl'ye

i' doubl'ye

ou doubl'ye

j'doublions

ou doubliez

i' doubl'yent

Prétérite

j'doublyis

tu doublyis

i' doublyit

ou doublyit

j'doublyînmes

ou doublyîtes / ou doublyîdres

i' doublyîtent / i' doublyîdrent

Comptons L's Annimaux - Count the Animals (in Jèrriais!)

Comptons l's Annimaux - a translation to help children learn their numbers in Jèrriais

Mèrvelle, mèrvelle vînt à l'us

Mèrvelle, mèrvelle vînt à l'us
auve quat' têtes et quat' tchus!

Les mousses au Pallion d'Saint Pièrre eûtent du fanne auve ch't' arînmée hièr!

Students at Saint Peter Pallion had fun with this nursery rhyme yesterday!

La Journée d'Pi - Pi Day

La Journée d'Pi - Pi Day

Pouor l's Améthitchains (tch'êcrivent lé mais d'vant la date à tchi qué j'vivons), lé quatorze dé Mar est la Journée d'...

Posted by L'Office Du Jèrriais on Sunday, 13 March 2016

Pouor l's Améthitchains (tch'êcrivent lé mais d'vant la date à tchi qué j'vivons), lé quatorze dé Mar est la Journée d'Pi (π) viyant qu'il'êcrivent 3.14. Et pi est un neunmétho împortant dans l'caltchul: ch'est un neunmétho tchi n'finnit janmais s'nou s'êcanche à l'caltchuler exactément. Mais tout coumme arrondi, pi êgale dans les 3.14. En l'année 2016 l's Améthitchains êcrivent 3.14.16 pouor l'quatorze dé Mar 2016 (14/3/2016) et v'là tch'ajouôte acouo deux chiffres au neunmétho arrondi. Y'a eune pause tchitch'un décidit qu'nou dévthait célébrer l'quatorze dé Mar coumme la Journée d'Pi à seule fîn d'èrconnaître lé caltchul (y'a autrément un tas d'fêtes historiques, littéthaithes et r'ligieûthes dans l'almonnas). Pouor les Jèrriais, aver π pids né s'sait dgéthe conv'nabl'ye!

Americans write the month before the date, so the fourteenth of March is Pi Day since they write 3.14 (a rounded version of the mathematical number pi). In 2016 Pi Day (a day to celebrate maths) can be written by them 3.14.16, which adds an extra two figures to the rounded number. For Jèrriais speakers, having π feet would scarcely be practical!

Des neunméthos - Numbers

Des bouochies d'son auve des neunméthos

Soundclips with numbers

La Lettre Jèrriaise sus BBC Jèrri

La Lettre Jèrriaise:

Lé P'tit Prînce

Chapitre 13

La quatrième plianète 'tait la cheinne d'un marchand. Ch't houmme-là 'tait si affaithé qu'i' n'sé l'vit pon même la tête quand lé p'tit prînce arrivit.

"Bouônjour à matîn," qu'lé p'tit prînce lî dit. "Vot' cigarette s'est dêteinte."

"Trais et deux font chîn. Chîn et sept font douze. Douze et trais font tchînze. Bouônjour à matîn. Tchînze et sept font vîngt-deux. Vîngt-deux et six font vîngt-huit. J'n'ai pon l'temps d'la ralleunmer. Vîngt-six et chîn font trente-tch'ieune. Assa! Épis v'là tchi fait chîn chents-tch'iun millions, siêx chents vîngt-deux mille, sept chents trente-tch'ieune."

Penguin Awareness Day

Né v'chîn vîngt-chîn pîngouîns - Here are 25 penguins #jerriais #penguinawarenessday pic.twitter.com/Ri8tBg88ca

— L'Office du Jèrriais (@le_jerriais) January 20, 2016

Mary Jane sus san chèrvé

Né v'chîn l'texte d'aniet d'not' auteu du mais, Joan Tapley:

Here's today's text by our author of the month, Joan Tapley:

Mary Jane sus san chèrvé
Oulle a UN p’tit rouoge bonnet
Mary a des bieaux blius yeux,
Comptez-les! Oulle en a DEUX.
Oulle a eune câsaque dé v’lous
Tch’a TRAIS gros rouoges boutons.
Lé cat à Mary a des pattes
Et ou les comptent - i’ y’en a QUATRE.
Un paûchi et pis quat’ dés -
Ch’na fait CHÎNQ - èrgardez-les! !
Des gros oeufs ses breunes poules ponnent
SIEX gros oeufs - ou nos les donne!
Dans san bèr y’a des poupettes,
Sav’-ous bein - i’ y’en a SEPT.
Mary ouait HUIT meîl’yes
tchi chantent
Ch’n’est qu’pour mé
tch’il’ font - ou s’vante
Y’a des flieurs dans san gardîn
Oulle en compte NEUF - ch’est qu’ou fait bein!
Mary est presque finnie
Ou peut compter jusqu’à DGIX! ! !

Huiptante-neuf ans - Eighty-nine years old

Huiptante-neuf ans

Huiptante-neuf ans - nou-s'a l'tchoeu neu
quand nou la vait à huiptante-neuf ans.
Ch'est ravissant - nou n'a pon veu
un Duc d'ité, fort et enduthant.

Ch'est d'nos rêjoui auve fliambe et feu,
d'faithe du tinné épis d'faithe d'not' tchian.
Oulle y'est aniet à huiptante-neu;
la Reine, not' Duc, a huiptante-neuf ans.

Eune longue vie d'sèrvice, ch'est pouor l'seux,
et y'en a d'aut's, parmi les mains grands,
tchi nos ont sèrvi jusqu'achteu.
Qu'i' vivent étout, ieux, bein jouaiyeusement!

Eune nouvelle d'la tuit'tie - Tweeting news

Combein qu'j'avons tuité? - How much have we tweeted? #jerriais

— L'Office du Jèrriais (@le_jerriais) January 26, 2015

J'avons tuité pus d'quat' mille fais achteu! - We've tweeted more than 4,000 times now! #jerriais

— L'Office du Jèrriais (@le_jerriais) January 26, 2015

Épis tchi pus acouo, j'èrtuit'tons - And what's more, we'll tweet again #jerriais

— L'Office du Jèrriais (@le_jerriais) January 26, 2015

Nos lecteurs!!

Né v'chîn l'texte d'aniet d'not' auteu du mais, Elie:

Here's today's text by our author of the month, Elie:

Nos lecteurs!!

I'y'a à peu près 52,000 habitants en Jerry, tout comprins - Le Récensement

L'Evening Post de Lundi - ou' rouogissait de l'dithe -
Garantissait qu'chaque jour au mins trente-chinq mille gens
Le lièsent de page en page, quand ils ont bu lus thée;
Mais des noms d'tout chu monde ou' nos laisse ignouothants.
L'Morning News à san tou' - criyiz-le s'ou' voulez -
Disait, hier au matin, pâle de rage et d'envie,
Que ses lecteurs à li (en gros nièrs caractèthes)
Arrivaient jusqu'au chiffre de chinquante mille et d'mie!
Pas chinquante mille - r'mertchiz - et la maintchi d'un mille,
Mais chinquante mille lecteurs et la maintchi d'un autre
I' n'osaient pas l'appeler un lecteur tout entchi
- Il est acouo un long, chu pouorre petit apôtre!

Dictionary addenda

lé sept-sports = pentathlon