1987: Lettre Jèrriaise

 Lettre Jèrriaise

 

Dimanche le 8 de Novembre 1987

 

Bounjour Bounnes Gens, Chez Clifford Laisney chi vos addresse chu Dimanche matin le 8 de Novembre. J'pense bein que la majorite d'vous ont prins lus vacances et qu'ou etes bein raffraichis pour fachi les mais d'hiver chi nos attende. Quand a nous j'ervaimes de l'ile de Mayocre y'avait chinze jours hier, apres avait passer d'ges jours dans l'solé, avec la compagnie d'nos amiens Brian et Joyce. C'h'tait la premié fais que j'avions visiter l'ile, mais j'vos assure que j'eun sera pas la derniere. J'taimes a rester dans une superbe hotel chi s'appelle L'Hotel Alexandra et le mangi, (une chose bein importante can nous es en vacance) etait parfait, y'en avait pour tuous les gouts. Au sé y'avait d'la musique et d'la danse et d'toutes sortes d'amusements. Y'avait des gens de bein des nations, des Angiais, Francais, Allemands, une rachachie de Denmarque, et chinque p'tits Jerriais. Duthant l'temps que j'fumes en Mayocre, la temperature'tait envers 23 degrees, et j'passimes une partie d'nout temps sus la greve espethant d'ervinnait avec une couleur pour prouver qu'avions veut l'solé. Y'a bein des beautées a visiter sus l'ile et j'ercommendrais auchun chi veurt une vacance tranchille et interessante de prendre uns s'maine ou deux au mais D'Octobre dans la Mediteranée, apres tout c'hait qu'une heure trais quart de traversée par aeroplane. Un p'tit mot de précaution si ou z'allez sus les Bus. C'hais un p'tit different que d'traversé sus une bus ichin en Jerri. Y mette autant d'gens q'possible assis et d'but, j'en contimes 130 aboard, et chais la chi faut s'méffaithe, car y'a des gens malhonnetes, des pickpockets comme nous l's'appelle. J'Eun eut bein la preuve quand j'ut la valeur de chinq louis denlever d'ma pouchette sans m'n'apperchever. Autant pour nos vacances.

 

Dans sept s'maines j'eut s'soummes a célébré les fetes de Noué, meme le jour de Noué es'tha passé. C'hest un signe que l'hiver s'appreche et y faut esperait qu'ine s'en va pas ete aussi dut qu'les deux chi veinnes d'lus passait. Enfin coumme la fourmie, y faut que j'faisons des preparations. Meme que je d'meurrons sus une ile de beauté et d'prosperité, y'a acquo hardi d'gens chi nont pas les c'moddittées et le necessaire du jour. J'spense es anciens et les gens chi sont incappabyle. Criyous pon que je'sait une bounne idée si chauchun d'nous chi sont capabyle adopterées la responsibilité d'visiter chaque jour duthant l'mauvais temps, une ancienne personne et que j'garderaimes un interét dans yieux, soignant qu'ins souffre pas d'la fraid, et qu'ils ont le necessaire du jour. Ch'nest qu'une suggestion. Pensez-Zi.

 

Anniét l'huit de Novembre, est l'Dimanche erconnu pour nos ramemouaither des deux guerres qu'ons eut lieu duthantl' l'vingtieme siécle et parmi tout l'Royaume Uni nos pensées sonts envers les siens chi donnites lus vie, et d'autes chi futes biessés en d'fendant lus pays contre les malices de l'ennmi. J'pensons es femmes chi devnites veuves et l'efants chi restites orphélins. Meme au jour d'hanier y'a aucuobein des familles chi souffre au resultat d'chez guerres et le p'tit que j'pouvions faire pour soulagi lus minseres par nos dons au fonds du Earl Haig est bein erconnu. Je d'meuthons dans un temps d'tribulation, Chaque fais qu'nou ouvre la gazette, ou qu'nou écoute le radio ou television nous entend des problems chi s'passe dans differents quartiers du monde, chez rare qu'nou s'entend des nouvelles pour nos 'r'lever l'esprits. Mais bounnes gens y faut prende courage, et y nos est promins que si j'mettons noutte main dans la main de Dieu, y nos accompagnerra sus la route inconnue..

 

Mercie pour m'aver ecoutait.

 

A Bétot, J'vos souhaite tous une bounne journee.

 

Clifford Laisney