Lettre Jerrsiaise Dimanche le 2 d'Mai 1993

 Lettre Jerrsiaise Dimanche le 2 d'Mai 1993

Bonjour a toups tché-coute la lettre a matin, chés Clifford Lainsney tch'al pliaisi d'vos addrechi.

Premiethement une announce. Si ch'est qu'ou s'etes en vos prom'nons dans la contrée d'la Trin'té aniet entre les heuthes de 10.30 et 4.30, ne mantchez pas d'visiter la Salle Paroissalle de Trin'té, car y'a une magnifiqe exhibition d'Otis d'ferme en minniathuthe construits pas le Sieur Steve Pinel. J'vos r'commande d'y payi une visite. Les procées sonts en faveur de Leukemia et Jersey Mencap, et y m'assuthe qui a'sont a servi de bouons Thées d'Crême a ch't l'evée. L'entrée sont 50p.

Ch'tait un pliaisi acquo une fais de vais tant d'gens se reuni dans la Chapelle d'Ebenezer Dinmanche passé pour le service anuel de L'Assembliée D'Jerriais. J'eumes l'opportunite d'entendre un service conduit en Jerriais, auve des cantiques bein connues, et la congregation avaient l'air de s'réjoui en participant la Glouaithe de Dgieu. Y faut espether que j'pourrons continué chutte celebration speciale dans notre ancienne langue.

Achteu, j'voudrais vos r'cité un p'tit accompte d'une visite que j'primes Veronica et mé y'a tchinze jours. J'vos d'mande extchuse car y'a tchique mots que j'menvais prononcer en anglais a cause de facilité. Pour une dgiexiene d'années un vingtaine de membres de la congregagion de not eglise a St. Ouen ont passé une s'm'naine normallement dans les temps d'pâque a "Spring Harvest". "Spring Harvest" represente une assembliement d'gens tchi cherche a augmenter lus position comme chrêtiens. L'endrait de chutte reunion est situé sus iun des fanmeux empliachements a Butlins Holiday Camp a Minehead. Minehead est situé sus la cote du canné d'Bristol.

Pour tchiqe anées plusieurs membres nos ont tempetés d'les joindre, mais j'avais trejours la meme extrhuse. "Chès pour les jeunes, pas des veillards comme nous. Enfin ch't'année j'avons cèdé, et comme tchi que je sommes contents d'y'avait té.

En arrivont a Eastleigh j'primes un moto a louage auve deux anmins et dans l'cououthant dé tráis heuthes et d'mie j'avaimes arrivé a not destination. Y'avait envers 9 milles gens sus l'camp et j't'aimes acc'modés dans des chalets. Pas exactment le luxe de l'Hotel Horizon, mais acceptablye. Ch'tait une affaithe pour nous novices de trouver not c'm'nin parmi chu fliochet, mais j'reussimes et dans p'tit temps j'avaimes trouver la tente principal, le restaurant.

Pouvous envisagi 4 Milles personnes assis dans l'restaurant, servis et en route dans l'couothant d'une heuthe. Le service est incriyab'le et l'mangi bouon. Quouqiqu' j'primes des p'tites tournées s's'arlevées dans l'moto, la principal raison pour not visite 'tait not concerne envers le peuplye du monde, nos fanmillyes, et l'envithonnement dans tchi que r'vivons. J'voulons que tous-que Dgieu a créer escait preserver et soigni, en ordre que les generations tchi nos suive authont un hethitage de tchi tch'ils ont sethont fiers et ermercient.

Toutes les conferences futes condites par des experts auve l'experience dans lus sujet, et y nos assuthites sans autchune doubtance que pour le Chrêtien, la mort n'est pas la fin, et qu'el ciel est une pliaiche réal. J'viyons l'avenin d'une diffethente veue qu'el sien tch'in vit que pour le jour. Duthant l'cououthant de deux sethées, une collection fut prinse et l'montant de £49000.00 fut collecté pour etre partigi parmi differentes charitées.

Le pays est p'tetre en recession, mais quand la tchestchion s'presente pour aidgi a son prêchain, les gens ne manque pas d'respondre auve lus gènéthosité.

En tout, j'passimes une raide bouonne s'm'naine, et malgré aver presque perdu nos vouaix a cause d'aver chanter thchoueuthuesement dans les celebrations, j't'aimes hardi contents d'aver 'tait a "Spring Harvest". Jie r'tour'nons.

J'vos souhaite une bouonne journée,

A La Prèchaine.

Clifford Laisney