1965: Un fricot d'colînmachons

 Un fricot d'colînmachons

 

Fort Lauderdale, Florida,

U.S.A.

 

Lé 13 dé d'novembre, 1965.

 

Moussieu l'Rédacteu,

 

Dévant tchitter la France au c'mmenchement d'septembre, j'mangis un bouan fricot d'colinmachons. Quand j'sis à l'êtrangi, j'mange comme les gens du pays, et l'colînmachon est si bouan à mangi qué jé n'sis pon ravi qu'les Français l'aiment tant. J'sis seux qué si les Jèrriais en gouôtaient, i' l's aimethaient étout, et j'm'en vais vouos dithe comment les graie!

 

La preunmié chose à faithe est d'ramâsser les colînmachons! La prêchaine chose est d'les laver dans deux-s'trais ieaux. Quand i' sont bein lavés i' faut les mett' dans un dgichon et les couvri atout eune fiche bouanne couoche dé sé - du gros sé peut faithe - et les châtchi comme i' faut. V'la tchi donne la chance à châque colînmachon d'êt' bein salé. Lé sé les fait dêgorgi et i' faut les laîssi d'ssous au mains vingt-quatre heuthes pour lus bailli la chance dé dêgorgi à tchoeur content! Et pis nou les r'lavent bein dans deux-s'trais ieaux et nou les r'met souos l'sé eune deuxième fais pour vîngt-quatre heuthes (à mains qu'nou-s-est prêssis d'les mangi - dans chu cas-là un d'mié-jour est longtemps assez), et nou les r'lavent acouo deux-s'trais fais.

 

Des ban'ses crouaîsies - Hot cross buns

Traditional Easter foods in Jersey are fliottes (for Good Friday) and mèrvelles (for Easter). Hot cross buns are a more recent arrival as a tradition, but that doesn't prevent us from providing a recipe in Jèrriais:

1991: Un fricot Jèrriais: a good feed in any language

 Un fricot Jèrriais: a good feed in any language

 

Un fricot Jèrriais is such a traditional local treat that in the west of the Island the word has come to mean something savoury and special - a real feast - and is used to describe a 'good feed' of mussels, ormers, fish, new potatoes or any other tasty savoury dish.

 

In the east of the Island, according to the dictionnaire jersiais-français compiled by Dr Frank Le Maistre, it has retained its traditional meaning as a delicious hot vegetable dish of French beans, boiled potatoes and fried onions with a side dish of cucumber.

 

It is also variously known as un fricot des pais d'mai (a feast of French beans) eune pilée (a pile or heap), or eune mêlée (a mixture) for there is nothing subtle about a good, rib-sticking Jersey dîner - the meal served at about 12.30 pm.

 

There are many local variations of this dish and this one was taught to Joan Tapley, of Vallée des Vaux, by her mother-in-law, Elsie.

 

1960: "farinaceous chaos"

While browsing through Jèrriais articles from 1960, we came across this report and recipe for Guernsey/Sark gâche. With the Bouan Appétit exhibition just opened at Jersey Museum, it may be of interest:

How to make Guernsey (or Sark) gâche - official

 

Regarding Guernsey gâche  and how it should be made, there seem to be more ways of making it than Christmas puddings. Each Guernsey and Sark housewife seems to have her own recipe; like their clocks and watches, none just go alike yet each believe their own.

 

At former Sark Garden and Farm Produce Shows the Guernsey judges seem to have had much difficulty in deciding which gâche was the best and this mainly because there were so many different ingredients and so many methods of mixing. Who was to decide which was best? Some housewives use cinnamon; some used nutmeg; some used neither; some used peel; some did not. Some used currants, some used sultanas, some used both, while some used caraway seed. Some used margarine, some used imported butter and some used Sark or Guernsey butter. The results baffled the judges.

 

D'la gâche picotée Gallouaise - Bara brith

 Aniet ch'est la Saint Dâvi, l'jour nâtionna d'Galles

Today is Saint David's Day, the national day of Wales

D'la gâche picotée Gallouaise

(Bara brith)

 

îngrédgeins:

 

• 450g dé flieu
• 7g dé sé
• 20g dé frais l'vain
• 75g dé beurre (et un mio d'extra pouor graîssi la lachefraie)
• 50g dé jaune chucre
• 2 tchullées à thée d'êpices
• 350g d'corînthes et raisîns
• 1 oeu
• 225ml dé caud thée (fort comme un j'va)

 

1979: Les Bulletîns

 Les Bulletîns

Le Ménage ès Feuvres,

St. Ouën

 

Lé 14 dé juilet, 1979

Moussieu l'Rédacteu,

Comme j'l'ai p't-êt' mentionnée d'vant, quand j'ai tchiques minutes dé laîsi j'aime bein touânner les pages dé iun des Bulletîns d'Quart d'An d'L'Assembliée d'Jèrriais, et tant pus qu' j'y' pense tant pus qu' j'èrgrette la dispathition d'chu fanmeux Bulletîn. Heutheusement qu' les quat' voleunmes sont compliets et îndexés et qu' nou pouorra tréjous les consulter.

Nou n'peut rêellement pon s'înmaginner les trésors d'înformâtion au sujet d'la vie d'nouos anchêtres, vrai vièrs Jèrriais, qué l'Docteu Frank Le Maistre, rédacteu d'ches Bulletîns, a dênichi et récordé d'dans. Par exempl'ye, ou-s-y trouvethez 1,055 vièrs ditons ! Pensez, bouannes gens, pus d'mille ditons înventés par nouos anciens ! Lus r'cord dans les Bulletîns veurt dithe tch'i' vivront longtemps auprès qu' la langue Jèrriaise étha dispathu dans l'Ile et qu' les êtudiants lînguistiques dé bein des pays s'sont à l's admither comme étant preuve dé l'întelligence dé la race Jèrriaise dispathue. Et la raîson qu' ches êtudiants les vèrront dans l'couothant d'lus êtudes longtemps auprès qu' j'éthons dispathu est tch'i' trouvethont les Bulletîns dans les biblyiothèques des unnivèrsités où'est tch'il' ont 'té înstallés par l'îndustrie, l'ênèrgie, innitiative et la correspondance du Sieur Frank Le Maistre, Docteur ès Lettres, vis-à-vis des savants et des ''bibliothécaires'' des unniversités. Et quand j'dis 1,055 vièrs ditons j'dév'thais ajouôter un aut' lot de 862 vièrs ditons du temps, des raisons, récoltes, etc. Un r'cord èrmèrquabl'ye !  

En liésant les Bulletîns du c'menchement  du preunmyi voleunme jusqu'à la fîn du quatrième, ou trouvethez l'histouaithe dé la vie, des travaux et des crianches des Jèrrais des vièrs temps jusqu'à ch't heu, mais partitchuliéthement la dreine chentaine d'années. Ou vèrrais les noms Jèrriais d'un tas d'choses, des noms tchi n'sont pon connus par les jannes Jèrriais d'à ch't heu. Y'a-t-i' un janne d'au jour d'anniet tchi peu nommer les noms Jèrriais des pommes et d'paithièrs, des ouaîsieaux, des flieurs et pliantes sauvages ?

1978: J'vouos vèrrai beintôt!

 J'vouos vèrrai beintôt!

Trenton

Michigan

USA

Le 27 dé mai 1978

 

Moussieu l'Rédacteu,

Auve lé prix d'siex ch'lîns pour un pain annoncé dans la gâzette du six d'avri, ch'est eune raide bouanne chose qué les pains d'à ch't heu n'sont pon d'la grôsseu des cheins qu'nouos grand' méthes fouângnaient l'temps passé car i' couôt'taient eune petit forteune à chu prix-là. Les jannes d'à ch't heu ouvrithaient l's ièrs s'il' en viyaient d'même. Les grand'méthes les prannaient à la braichie pour en coper eune tranche. J'en mang'geais bein eune tranche couvèrte d'eune couoche de bouan beurre dè couleur d'or, comme nou s'en régalait dans l'temps. Chu pain-là 'tait fèrme et solide et avait du gout. I' n'tait pon comme lé failli mo pain d'acat d'nouos jours souvent copé en finnes tranches à la machnine quand nou l'acate.

Ch'est bein seux qu' les mousses né peuvent pon adguchi lus dents sus la crôte, et les anciens l'éthaient cèrtainement appelé du pain à pouochîns.

En pâlant d'pain v'là tchi m'ramémouaithe tchiques ditons où'est tch'il est mentionné. Par exempl'ye, pour èrmèrtchi tch'i' faut du temps et d'la pâcienche pour tchilyi des pais d'camp, nou dit: “Ch'est un long pain!” Pour donner eune idée d'la quantité d'mangi tch'i' faut pour nouôrri eune fanmil'ye, nou dit: “Siez Ph'lippe, tch'eûdrent eune fanmil'ye de 21, il' avaient tréjous l'pain au fou!” Quand eune pèrsonne sé trompe en d'visant nou dit: “Ou dit pain quand ch'est gâche!” Pour dithe qué tchiquechose né couôte rein ou n'a pon d'valeu, nou dit “V'là tchi n'mange pon d'pain!”

1952: La Tchuithie d'Pieuvres - Cooking octopus

 La Tchuithie d'Pieuvres

J'tais hardi êprîns d'l'articl'ye hièr au sé entouor l'Assembliée d'Jèrriais, mais ch'tchi'i' m'întérêssit 'tait la tchestchion au sujet d'la tchuithie d'pieuvres. Ch'est dammage qué la r'chette né fut pon donnée dans ch't'articl'ye. Ach't'heu, mes lecteurs, y'a-t-i' tchitch'un parmi vous tchi connaît chutte èrchette pouor prépather la pieuvre pouor la tabl'ye? J'sis seux tch'i' y'en a hardi tchi voudraient saver.

Et des Mannes à Fou

Et, quand j'y pense, tch'est qu'ch'est qu'du "r'lîndîndîn" et des "mannes à fou" et des "p'tits parmafévéthes à pattes jaunes"? Mess Lé Maistre éthait-i' la bonté d'nouos en rendre savant?

Meridian

Evening Post 4/4/1952

1947: Les colînmachons - Snails

 Les d'vis du Bouan'homme George 

 

L'aut' jour, j'mangis un bouan fricot d'colimachons. V'là tch'avait si bouan goût que j'mé mîns dans la tête que v'là tchi valait la peine d'apprendre comment les graie pour mangi, et p'têt' que ma tante Annie m'en graietha en Jèrri. 

 

La prumié chose à faithe est d'ramasser les colimachons! La préchaine chose est d'les laver dans deux'trais ieaux. Quand i' sont bein lavés i' faut les mettre dans un baisînne de tchique sorte auve eune fichue bouanne couoche de sé - du gros sé peut faithe – et les châtchi bein pour que chaque colimachon aie la chance d'ête bein salé. Le sé les fait dêgorgi, et i' faut les laîssi souos l'sé vingt-quatre heuthes pour lus bailli la chance de dêgorgi comme i' faut! Oprés ch'là nou les r'lave bein dans deux'trais ieaux, et nou les r'met souos l'sé acouo eune fais pour un autre vingt-quatre heuthes (à mains qu'nou-s est prêssis d'les mangi, - dans chu cas-là, un d'mié-jour est longtemps assez) et pis faut les r'laver acouo deux'trais fais.

 

La préchaine chose est d'mettre l'ieau à bouolli. Dans l'ieau, faut met' eune pouongnie d'sé, un ouognon, eune carotte et deux'trais fielles de louothi. Quand l'ieau veint au tcherbouollon, il est temps d'met' les colimachons d'dans, et faut les laissi bouolli pour eune dem'ieuthe de temps. Quand nous les halle de d'sus l'feu, nou les laisse èrfredgi et pis nou prend eune adgulle-a-cauches et nou dêhalle chaque colimachon de d'dans sa cruque, comme nou fait en mangeant des v'licots, et nou met les colimachons d'un côte et les cruques de l'aut'.  

 

Eune gâche à thŷmbre - Thyme cake

Jèrriais · Eune gâche à thŷmbre (èrchette)

Eune gâche à thŷmbre

îngrédgeins:

• 125g dé beurre
• 75g dé fîn chucre
• 2 oeux
• 175g dé flieu à bicarbonate
• 4 tchul'lées à thée d'thŷmbre hadgi
• 4 tchul'lées à soupe dé lait

pouor lé sitho:

• 60g dé chucre en poudre
• un nodgîn d'jus d'orange
• (un lèrmîn d'litcheu d'orange, s'nou veurt)

Amolliez l'beurre et d'battez-lé d'auve lé fîn chucre. Ajouôtez l's oeux douochement en dêmêlant. Ajouôtez la flieu, dêmêlez ensembl'ye épis ajouôtez l'lait pouor dêtremper la pâte.

Eune gâche à romathîn et rhonme

Eune gâche à romathîn et rhonme

îngrédgeins:

• 100g dé beurre
• 100g dé fîn chucre
• 80g d'almandes hadgies
• 1 tchullé à thée d'romathîn hadgi
• 2 oeux
• 70g dé s'moule
• 1 tchullée à thée d'bicarbonate

pouor lé sitho:

• 70g dé jaune chucre
• du romathîn
• du jus d'limon
• du rhonme (s'lon san goût)

Laîssiz l'beurre à caûffer un mio à seule fîn d'l'amollier, épis d'battez l'beurre d'auve lé fîn chucre. Ajouôtez l's almandes et l'romathîn hadgi et dêmêlez. Iun par iun, ajouôtez l's oeux en d'battant, épis la s'moule et l'bicarbonate.

Vèrsez l'mêlange dans eune lachefraie et m'ttez la gâche dans un fou caûffé à 175° pouor dans les 40 minnutes. Laîssiz à r'fraidgi un mio, quandi qu'ou griyiz l'sitho.

Dans eune sâsse-paine caûffez l'jaune chucre auve un mio d'jus d'limon, eune vèrdgette ou deux d'romathîn, et deux d'gouts (ou pus) d'rhonme. Quand l'chucre a dêpensé dans l'litchide et l'romathîn a agouôté l'sitho, faites des p'tits creux tout l'tou du haut d'la gâche (atout par exempl'ye eune broche) et vèrsez l'sitho sus.

Du Milk-é-Pan'tch

Milk-é-Pan'tch

Au temps pâssé les jannes gens d'la Ville soulaient atchilyi l'Êté au c'menchEment du mais d'Mai - l'preunmié Dînmanche - en griyant du milk-é-pan'tch. Habilyis en blianc, i' lus en allaient ès côtis auve du lait trait tout frais d'la vaque, d's oeux prîns du poulaillyi, du chucre et du rhonme et y b'vaient lus milk-é-pan'tch. D'aut' bord dans l'Île ch'tait eune couôteunme d'la Saint Jean.

Pouor graie du milk-é-pan'tch au jour d'aniet:

îngrédgeins:

• 500ml dé lait
• eune tchullée (ou deux s'lon san goût) d'chucre
• un oeu
• un lèrmîn (ou pus) d'rhonme
• d'la muscade

Caûffez douochement l'lait - i' dait êt' tchiède coumme s'nou-s'avait justément trait sa vaque! Ajouôtez l'chucre et l'oeu d'battu, épis autant d'rhonme qu'ous en voulez. Grattez un mio d'muscade sus et dêmêlez. Vèrsez dans des vèrres et b'vez à l'Êté tchi veindra!

Milk-é-Pan'tch was a drink traditionally made at the beginning of May (1st Sunday) in Town or elswhere in Jersey at mid-Summer. Young folk would steal (beg, or "borrow") milk fresh from the cow, eggs freshly laid from a henhouse, and with some sugar, nutmeg and rum (or other spirit) sit out on the côtils, dressed in white, to welcome the Summer with this heady drink.

Des mèrvelles - Wonders

Tch'est qu'nou s'en va graie aniet? - What are we going to cook today? #jerriais

— L'Office du Jèrriais (@le_jerriais) April 12, 2017

Né v'chîn l's îngrédgeins - Here are the ingredients #jerriais pic.twitter.com/XLsmcd2xBi

— L'Office du Jèrriais (@le_jerriais) April 12, 2017

Achteu nou-s'a grée la pâte - Now we've made the dough #jerriais pic.twitter.com/6XLHiFUMQ7

— L'Office du Jèrriais (@le_jerriais) April 12, 2017

Man Pâté - My Pie

Man Pâté

Pouor c'menchi, j'graie d'la pâte atout d'la flieu,
du beurre, dé l'hielle d'olive, eune bouoillie dg'ieau;
j'dêmêle tout dans la sâssepaine et achteu
j'sis pouor lanchi la bâtithie d'pâtchieaux.

Un pâté dévthait aver des muthâles
fortes assez pouor n'pon êcrouôler dans l'fou;
coumme un machon ou pliâtreux, ouôth'-en-châle,
j'travâle pouor haûchi la pâte en eune tou.

J'm'êcante à fricachi d's ouognons mînchis,
des champîngnons, du fanon, du pouothé,
dé l'âl, des hèrbes, auve un mio d'céléri:
eune câssetrolée pouor remplyi man pâté.

J'ai du fronmage et d'la patate bouoillie
et j'empouque tout pouor qu'i' sait bein stoffé.
J'rouôle acouo eune ronde dé pâte pouor l'couvri,
et né v'là man pâté bein attînfé!

J'ai grée un pâté à ces sé - I've made a pie this evening #jerriais #PieWeek pic.twitter.com/jkhrWgnJ1D

— Geraint Jennings (@GeraintJennings) March 6, 2017

Un pâté Cornouaillais - A Cornish pasty

Un pâté Cornouaillais

Ch't' èrchette graietha un p'tit pâté Cornouaillais.

îngrédgeins:

• d'la pâte (100g dé flieu, 50g dé beurre, dé l'ieau)
• 100g d'la viande dé vaque (ou 50g dé fronmage pouor eune vèrsion végétarienne)
• 50g dé patate
• 25g dé suidiche
• 10g d'ouognon
• eune pînchie d'sé

British Pie Week

Ch'est la s'maine du pâté!

It's pie week!

pâté = pie

Du Pâté d'Andgulle - Conger pie http://t.co/2GV3FkPv6F #BritishPieWeek #jerriais pic.twitter.com/6uYVK5vbxq

— L'Office du Jèrriais (@le_jerriais) March 2, 2015

Du solyi - Apple layer pie http://t.co/ZhyoLZb98o #BritishPieWeek #jerriais pic.twitter.com/7tyvlrSR8S

— L'Office du Jèrriais (@le_jerriais) March 2, 2015

Du Milk-é-Pantch

Du Milk-é-Pantch - eune èrchette pouor la Saint Jean:

Milk-é-Pantch - a Saint John's Day (Midsummer) recipe:

• un pot d'lait - adouochi atout du chucre -
• y gratter un tout p'tit mio d'muscade (ou eune pétite pînchie d'cannelle)­
• eune démié-vèrrée (ou d'mié-tâssée à thée) d'rhonme, ou pus,
• et au mains siêx oeux d'battus.

Les uns bouoillaient l'lait, d'autres lé faisaient sèrvi cru. Et d'aut's acouo, l'aimaient mus frais trait à sin' dé jeu.

Les jannes gens sustout (fil'yes et garçons) lus l'vaient d'bouon matîn l'jour dé la St. Jean, l'24 dé Juîn, et allaient traithe eune vaque ou deux, à la dêrobée, siez les vaîsîns. Et pis i' s'estchîvaient ès poulaillèrs pouor des oeux. Il' allaient lus tchiaûder et, pus tard dans la journée, il' ajoutôtaient l'rhonme au lait et vèrsaient ch'la sus l's oeux d'battus et pis y m'ttaient l'chucre et la muscade (ou cannelle), et ch'la faisait chein qu'nou-s-app'lait du Milk-é-Pan'tch. I' s'en rigalaient, lus tchoeu content.

Aim'-ous les pais au fou? - Do you like bean crock?

Dans eune articl'ye dé 1978, George d'La Forge racontit des mémouaithes des pais au fou:

In a 1978 article, George F. Le Feuvre recounted some bean crock memories:

Aim'-ous les pais au fou?

Mes pensées s'envolent souvent dans la direction d'Jèrri et j'pense à mes p'tits jours siez Papa à La Forge à St. Ouën. Et j'êprouve à envisagi la vie trantchil'ye dé chu temps-là, et mes visites à ma grand'grand'méthe (né Lîsabé L'Brun, 1806 - 1895), au Ménage ès Feuvres, sustout au vendrédi pour aver eune gâche à fouée toute caude en sortant du fou quand ou fouângnait.

Quand j'vai les tinnes dé "Pork and beans" ichîn en Améthique, v'là tchi m'ramémouaithe qué y'avait pus qué la pâte dé pain tch'allait dans l'grand fou. Y'avait les pais, Nou l's appelait même des "Pais au fou."

Eune êtchuivée d'andgulle - a conger stew

M'n êtchuivée d'andgulle d'à ces sé - my conger stew of this evening pic.twitter.com/LF5XTT6ydK— L'Office du Jèrriais (@le_jerriais) January 20, 2014

îngrédgeins:

• d'l'andgulle = conger
• des patates = potatoes
• d's ouognons = onions
• des champîngnons = mushrooms
• eune tinnée d'tonmates = a tin of tomatoes
• dé l'ieau = water
• du brécolîn = broccoli
• d's hèrbes = herbs

D's ormèrs - Ormers

Eune èrchette d'ormèrs et l's ormèrs dans la littéthatuthe:
Ormer recipe and ormers in literature:

Un Fricot d'Ormèrs

Avant êcovi l's ormèrs et hâlé la tête et l'pitôsyi, nou les scrobe bein iun à iun: pis nou les bat atout eune pétite mailloche pouor les amollier et nou l's enflieuthe.