Lettre Jèrriaise 26 Nov 1989

 

Bouonjour Bounne Gens. Chais Clifford Laisney d'la Forge a St. Ouen qua l'plaisi d'vos addréchi acquo une fais aniet Dimanche le 26 Nov 1989.

 

Chais trejous un pliasi d' rencontré des gens chi sont pleins dérmérciements, et chi appréchisses les alentours et la vie en general. Malheutheusement, au'jourd'aniet ch'nais pon trejous l'cas. Avous prins d'avis comment chi y'a des gens qu'ons l'air tréjous miserablye aumoins ch'il ont chicchose a lus pliaindre autour.

 

Prénais pour examplye le journal du sé, et ou's'avez qua liéthe les lettres a l'éditeur pour comprendre chais'que j'entends. Si y'a une suggestion de bati des maisons dans un certain coin d'l'ile, la majorité du peuplye sonts bein d'accord. Oh oui, mais batissez les dans un autre contrèe, j' avons déja trop d'traffic par siez nous, la terre est trop bouonne pour bati d'sus, quouaiqu dans bein des cas y'a d's'années qu'ou na pas 'tait labouaithée. Auchune chose pour une exchuse. Combein d'temps chi nos a prins d'vant decider d'construithe le reservoir Queen's Valley. Y'avait toutes sortes d'éxchuses. Des gens disaient que je 'sait mus d'renforchi le reservoir au Val de la Mare, d'autres pensaient que la Vallee du Mouthi escait pus convenablye. D'autres gens 'taits d'l'idée que la Vallée d'la Reine serai perdue pour trejous, et que les belles marches et p'tites routes alentou seraient extinct. J'comprends meme qu'une partie des gens chi 'taits tellement contre la construction du reservoir n'avez jamais entendu pasler de chutte vallée.

 

Y'ont a meme chi d'mandées les directions pour s'y trouver. Y faut que'je confesse que j'sis un jerriais de plusieurs années, mais j'navais jamais visiter la contrée d'vant que toute chutte herchinnie c'mmenchisse,

 

L'étchel chi vos pliait l'mus, la fumée d'charbon ou la fumée d'huile? Quand a mé ch'la n'me geines pas d'trop. Je'eune craits pas que je s'sonts trop affectées d'lécrin ichin a St. Ouen, mais les gens chi d'meuthe autou du Havre des Pas auront p'tetre cause de grondre. Bouonne Gens, si ou chouaississez d'habiter dans la compagne y faut etre prepathées d'accepter l's'odeurs et un certain inconvenience. La meme chose si ou d'meuthez en ville et l's'alentours, toup n'est pas rose. Y'a l'pourre et l'contre.

 

La prosperité d'nout ile est une chose bein envieuse par bein des gens d'autres pays. Les discours dans l's'états, les lettres au journal, les rapports sus l'radio et television nos l'disent, mais y'a trejous des gens chi lus pliaignes envers les maisons occochupées par des travailleurs classées Essentiel, d'autres lus pliaignes envers le traffic sus les routes surtout duthant l'été, et j'avons étout un certain classe de gens chi n'sont pas trejous les beinv'nus. Pourotant j' avons bein des bénéfices pour en etre érmercieant, et j'crait que si j'voulons d'meuther dans une ile coumme j' avons, y faut etre prepathée d'ajuster n'out vie a un certain montant d'inconvenience. Pour examplye, y faut les touristes dans l'été, et m'n'opinion est qui faut que'je cedons d'temps en temps. J'eun pouvons pas trejous prendre sans erdonner en échange.

 

Drainement, j' avons lut plusieurs lettres dans l'papi du jour envers les jeunes chi travaille le samedi, et delivre la gazette du sé aupres lus jour a l'école. Criyous que chais mousses la ont tort d'éprouvé a gagni chique herpins pour lus donner un mio d'independence. Janmais n'out s' entendpliaindre envers yeux, et j' crait chi devraient etre encouragis de poursuivre lus p'tite occupation. A la fin 'tout, y'n font ma a personne, au contraithe ils aidge a bein d's'anciens c'h'in peuvent pas sorti l'sé pour cherchi lus gazette. Quand j't'aimes mousses, j'eprouvaimes tous a gagni, et j'eun crait pas que je'en soummes piethe pour autant..

 

J'voudrais acquo une fais érflaichi sus la bounté des gens de n'out ile de Jérri. Je savons bein que je soummes une ile de prosperité. Accordant au President d'la Finnance, il est proposé que la taxe sus l'ervenu escait dimunuée pour l'année chi vint. Chi bounnes nouvelles. Mais douchement garcons,. La manniethe que nos Etats depense nos sou coumme si lus s'n'allaient hors de fashion, i'n faudrait pas bein d's'années d'mauvais menage d'vant que'je s's'aimes a gratté le fond du baril.

 

Jérri est un p'tit pays bein erconnaissant envers les pays etrangers chi ont besoin de support, et j'admithe nos Etats pour largent et main d'ouvere chi'l envie a chais pays tuous l'ans. Quand j'avons un appel, pour que je s's'ait aidgi es pauvres, le Baté d'sauvetage, l'appel du Earl Haig, ou n'importe ch'il appel d'importance, les gens d'Jerri n'sont jamnais driethe la porte quand l'occasion s'arrive de mettre la main dans sa pochette, et pour chenna y faut etre bein erconnaissant.

 

Assez d'mes ermerques et suggestions.

 

Achteu j'voudrais vos faithe rammethouaithai acquo affais le service de noué chi aura lieu Samedi 1'9 de Decembre a l'Egliyse de St. André a 7.30 du sé, suivi par souper.

 

Etout, coumme bouon tresoryi d'l'Assembliée, j' voudrais prendre l'opportunité d'vos rammethouaither que les souscriptions pour l'année sonts echues et je s'sais hardi content d'les erchever.

 

Mes pensées sonts auve tuous d'vous chi ont souffert des décés dreinement, et auve tuous les malades. Que Dieu vos soulage duthant v'out tristesse.

 

Mercie pour aver prins l'temps d'mecouter.

                                   A La Prochaine.

 

Clifford Laisney