1988: Lettre Jèrriaise

 Dimanche le 16 d'Octobre 1988.

Bouounjour Bouonne Gens. Ches Clifford Laisney chi vos présente la Lettre Jerrsiaise acquo une fais anniet Dimanche le 16 d'Octobre 1988 Quand l'sieur De Gruchy m'inviti d'la présenté y'a chiq'temps, j'eu'm gratti la tete d'vant arrivé a mon chouaix 'discours.

 

Premierement j'voudrais aplogi a tuous vous Jerriais chi counnaise l'ile cououmme le 'dans d'lus pouchette, car j'veurt vos 'r'cité un p'tit accompte sus l'ile.

 

JERRI la perle des iles, la pus grande des iles de la manche est située dans la Baie du Mont St. Miché. L'ile est 14 milles d'la cote de la Normandie a l'est, 30 milles d'la Bretagne au sud, 90 milles de L'Angueterre au nord, mais au ouest chais tout mé j'usqu'a la cote de la Terre Neuve.

 

En general le terrain est assez pliat, avec de belles vallées chi couourre dans une direction du nord au sud. Dans l'est et l'sud, les terains descendes es baies sabiounheuses, ou'esque en paix couomme en guerre les ports et fortifications ont 'tait de garde d'importance. J'avons acquo des fortifications chi date de l'année 1200 j'usqua 1945. La cote du nord est érconnue pour ses belles falaises esctchérpées, avec de belles havres de bord en autre. Quand es couleurs du granit si vivantes, et la bieauté d'la mé, et l's'autres iles dans la distance ch'est un spectacylce chi faut vraiement vaie pour en apprecie.

 

L'ile est envers 45 milles carrée, divisée en douze paraisses, la pus grande etant St Ouen avec une etendue de 8344 vrégies, et St Clement la pus p'tite avex 2349. En toup le contenu d'l'ile est 64800 vrégies ou 28900 acres cououmme chi qui disent en angiais.

 

N'oum dit que la population d'Jerri est comprinse 45% seulement de familles avec certaine connection d'l'ile, et 'l'restant est contenu d'étrangiers. Bouonne Gens il est grand temps d'resérver une pieche a la menag-gie pour la conservation du crapaud.

 

Autrement qu'el Baillyi et ses officiers, la Grand Court est composée de 12 Juges. J'Souoummes bein erpresentées dans l'ile par 68 Avôcats, et 21 Hoummes d'Affaires, c'h'enna erpresente un houmme d'affaire pour 900 personnes et j'comprends chi touche tous un moyen salaithe. (Y'n y'a pas auchune raison qu'vos affairres n'éscaient pas en ordre.

 

Les Etats sont composées par 52 membres avec Monsieur l'Baillyi cououmme president., 12 Senateurs, 29 Deputés, et 12 Connétabyles. (Par c'h'enna qu'nous entend y pathait q'les jours des connetabyles dans 'l'etats sont numéthottés. Chi vivtha vetha. En toup la Maison est composée de 29 comités avec 7 membres sus chaque.

 

J'Soummes bein servis avec 35 Architects engristrées en court, et quand es Banques y'en manque pas, j'en anons 44. Toup plein d'chouaix si ous avez des sou a pliaichi.

 

Des Hotels et Maisons d'Pension y'en a 495 d'engristrés, pas d'trop quand l'ile est invadée de passant un million d'touristes chaque année. J'Souoummes bein servis d'pharmacies etout, au moment j'en avons 21.

 

Si par malheur ou souffrais d'mal es dents, n'y restez pas, car y'a 33 pratiques de dentistes, et quand es docteurs le nombre est 85. J'eun comprens pas coumment ch'il gagne lus pais dans un paradis si sein.

 

La Taxe d'ervenu est contenue a 20%, et les trais sources d'ervenu les pus importantes, sonts la Finance, le Tourisme, et l Agricole. La patate est acquo la pus importante recolte d'export, suivis par le Brocolli et L'Calabreuse., et pis y'a les flieurs etout chi ramenne un certain ervennu. La Vaque Jerrsiaise erconnue parmi l'monde continnue a servi sont role si important, mais malheutheusement la p'tite ferme dispathe en faveur de grands entreprinses.

 

A m'suthe qu'el l'temps s'vanche, tant pus qu'els affaithes change, N'os v'la ach'teu que l'ile se ragrandie dans l'sud au cououtage de la cote du nord. Les routes ne peuvent pus conteni la volume de traffique duthant les mais d'été, et la population crais pus vite qu'je pouvons bati des maisons. Nos Etats ont vraiement un probleme. C'h'atait un pliaisi de vos paslé a matin, et j'espethe qu'ous avez réjoui d'mon p'tit discours. Malgré s'l'avantages et d's'avantages de d'meuthait dans une ile cououmme n'out bieau p'tit Jerri, j'sis bein certain qu'in y'on a pas y'un d'vous chi voudrait d'meuthé ailleurs.

 

Une petite achteu announce concernant la prochaine reunion d'l'Assembliée. C'h'ais une bordée d'Nierre Beurre chaura lieu a Glencoe, St. Louathains Vendredi le 28 d'Octobre. La sethée est restrictée es membres de L'assembliee seulement, et tous d'vous chi peuvent epagni l'temps pour aidgi a plé les poummes sont priés d'lus rencontré a Glencoe a c'menchi Jeudi l'27 a 10 heures du matin et tout l'jour vendredi. Vos pliait ti apporté v'out couter. Y autha un ciné camera a prendre des portraits.

 

J'vos r'merci pour m'aver ecouter.

 

A Bétot et que Dieu vos Benis tous.

 

Clifford Laisney