Friday 14 August 2015

L'Amouoreux (3)

Né v'chîn l'texte d'aniet d'not' auteu du mais, Messire Robèrt Pipon Mathet (Laelius):

Here's today's text by our author of the month, Sir Robert Pipon Marett (Laelius):

(siette et fîn)
I' faut qu'ou m'ait enchorchélé,
Car ben ou pas, i n'y a pon d'soin,
Tout chen qu'ou dit, tout chen qu'ou fait,
Me contente, et me paraît ben.
L'aut' jour ou m'pili drait sus l'pi',
Eh ben! j'en étais tout réjoui!
Ouij'en sis là,
Qu'ou m' ravit même' quand ou m'fait ma. (bis)

La drôle de chose que c'hest
Quand nou-z-est amouoreux,
Ah ha! Ah ha!
Chla vos fait ma',
Mais ch'est un ma' qui pliait,
Et qui vos rend heureux!

Je n'gagn' ren d'aller à l'église,
Dans l'état d'minsère ou'est que j'sis,
Car s'oulle est là, faut que je l'dise,
Je n'lis pon fort ma liturgie.
Ou si j'y r'garde quiqu's instants,
Je n'sai pon comme-est que j'my prends,
Tréjous la page,
Comm' par exprès, s'ouvre au mariage! (bis)

La drôle de chose que c'hest
Quand nou-z-est amouoreux,
Ah ha! Ah ha!
Chla vos fait ma',
Mais ch'est un ma' qui pliait,
Et qui vos rend heureux!

V'la déjà trop longtemps qu'chla dure,
I' faut que j'sache enfin man sort,
J'irai ly dir' tout ch'que j'endure;
Je pri'rai et pliaid'rai si fort,
Qu'ou finira par m'écouter.
Ah! mais - s'oulle allait me r'fuser!
Hélah! Hélah!
Je crai-mai que je n'irai pas! (bis)

La drôle de chose que ch'est
Quand nou-z-est amouoreux
Ah ha! Ah ha!
Chla vos fait ma',
Mais c'hest un ma' qui pliait,
Et qui vos rend heureux!

No comments: