Here's today's text by our author of the month, Sir Robert Pipon Marett (Laelius):
A M'n Amin. **
Tu étais gros, tu étais gras
Tu aimais la bouonn' compagnie,
Tu marchais drait, d'un hardi pas -
Et avais l'air de joui d'la vie.
Ach't'eu nou n'te reconnait pon
Coumme-est qu'chla s'fait man pouôr' garçon!
Ta casaque, te pend sus l'dos,
Coumme si ou n"tait pas fait' pour tai
Tu n'as de vrai, qu'la pé' et l's os!
A vaie tan teint, je dithais, mai,
Tes r'pas ov'tai n's'accordent pon,n-
Coumme-est qu'chla s'fait man pouôr' garçon!
Nou t'vait parfais qui dans les ruettes,
A tan tout seu' vas te traînant
Les mains coulées dans tes pouchettes,
La tête baissie, et marmottant
Coumm' si tu perdais la raison -
Coumme-est qu'chla s'fait man pouôr' garçon!
(à siéthe)
No comments:
Post a Comment