Monday 16 December 2013

1953: Lé Jour dé Nouë (4)

(siette et fîn)

Saint Hélyi Jèrri Fête dé Noué 2013 29"La!" s'fit la Merrienne, "je l'savais. Ou faites la mine d'être un roupilleux, mais j'vos ai tréjous connu comme un vrai Saint-Ouennais et un homme de bouon tchoeu. Quand veint Nouë y faut pensé ès p'tiots, et en les viyant heutheux nous est heutheux nous est heutheux sé-mêmes. J'voudrais gagi que si j'entrais siez-vous la séthée d'Nouë, j'vos trouv'thais à joué ocquo à caffou."

Y se l'vit pour s'en r'allé. "Eh bein, v'nez, Missis," y dit, "et man nom n'est pon chein tch'il est si je n'vos attrape pas pour vos embréchi."

"J'voudrais vos y vais," s'fit la Merrienne, mais j'viyais quandmême que l'compliement n'y'avait pas dêpliut.

Ph'lip
Les Chroniques de Jersey 19/12/1953

No comments: