Thursday 12 December 2013

1923: Lé Caouain à Noué (4)

(siette et fîn)

Palais des facultés de Caen, cour sur la rue Pasteur.En pâlant d'félicitâtions, sinon que j'sais que Moussieu l'Baîlli ne lièt jamais les sottises que l'pouore Caouain se pliaît à êcrithe, je voudrais li adressi mes pus humblyes respés et l'féliciter du fond d'man tchoeu sus l'grand honneur que l'Université de Caen vaint d'li faithe duthant la s'maine qui vaint de s'passer.

Tout ch'que je r'grette ch'est que l'Caouain ne fut pas invité à assister à la cérémonie et au bantchèt. Mais je crai bain que tout fut aussi bain comme s'il avait 'té la. Et pis d'ailleurs, je sommes si embarrassès que je crai bain que l'Chef ne m'aithait pas laissi y aller.

Eh bain, mes chiers lecteurs et lectrices, me v'là bétôt au bas d'ma colonne et i'n'me reste pus que d'sièthe la règlye générale et d'vos souhaîter à tous un bouan Noué et une belle et heutheuse année.

Comme je vos ai dit pus haut, les bouans souhaits ne couôtent rain, et pis quand même, ch'est tout que l'pouôre Caouain a à vos offri.

Caouain
Les Chroniques de Jersey 22/12/1923

No comments: