Monday 23 December 2013

1932: Lé Caouain à Noué (3)

(siette et fîn)

Saint Hélyi Jèrri Fête dé Noué 2013 08N'v'là qui m'alarmi et j'pensi que ch'tait p't'être la fièvre qui l'faisait chantonner d'mètme et je m'dis p't'être bein qu'oprès touot il est malade. Touot d'un coup y s'mint à pousser un brait et s'fit: Oh! ma pouore tête s'en va en sauter!

Ch'n'est pon avec ce qu'il y a dedans, que je l'y dis, mais couomme il n'prenait pon avis à mé et était blianc couomme une chiquette je m'décidi d'aller trouver l'boss pouor saver s'il fallait faithe v'nir le vet.

L'boss était à fumer une grosse cigare, ieun qu'il avait ieut de douonner pour Noué pour seur, car ch'n'est pon ly qui voudrait en acater avec ses sous. J'ly raconti dans tchi triste état s'trouvait l'Sieur Caouain et savous chein qu'y me réponni? J'sis bein aise d'apprendre qu'il est malade, car n'v'la qui l'y apprendra à mettre un p'tit pus d'ieaue.

Caouain
Les Chroniques de Jersey 31/12/1932

No comments: