Wednesday 14 October 2015

Ouaithe qu'les achies dé sinne dé jeu aient êcliûthé



Ouaithe qu'les achies dé sinne dé jeu aient êcliûthé
les c'mîns, lé solé êtchuthe les muthâles d'la Ville.
Un dou à dgiamants veint russ'ler sus ta blianche pé;
lé solé affaithé m'êmoûque et m'êvopil'ye.

Né v'là les bliancs trous ès bouôlias et avaû-nos -
un liet à colonnes - nou-s'en dêtâne à matîn;
des slabbes dé leunmiéthe, d'la bliancheu en gouolhos,
les draps du solé atotés en êcliatchîn.

J'sis embliûtré: l'solé s'marmoûthèle dans la rue,
tout aveugliant, un abat d'né sus d'l'iviéthe.
Né v'là lé solé l'vé et vèrsé tch'êgalue!
Eune cliapée d'fraide brûl'lie avaû la Rue d'Driéthe.

No comments: