Tuesday 6 October 2015

La Pathol'lie - Connections: Jersey Festival of Words 2015



La Pathol'lie
Les rînmeurs flianquent lus flianné à la frouque;
i' piquent lus poésies en jouant ès tchil'yes
à seule fîn d'rouôler l'audienche dé chouques,
qu'i' les faichent dormi ou qu'i' les rêvil'yent.

Parmi les chuchot'rêsses et les bueûleurs,
y'a touos les sons dé consonnes et d'vouaiyelles,
des murmuthes, brais, ronnais, épis des teurs,
des clyîns dg'yi et côn'nies d'ouothelles.

Pouor fouôt' bas tout chein qu'nou-s'a espéthé
il' ôsent dêliéthe les règl'yes pouor en gângni;
i' jouent ès tchil'yes en fliantchant lus flianné,
i' piquent lus poésies à la Pathol'lie.

(Connections: Jersey Festival of Words 2015)

No comments: