Assa, j'avons mîns à jour lé site dé L'Office: j'avons un nouvieau portrait et eune r'arreun'nie d'la page d'siez nous, et acouo d'l'înfo biographique et d's adresses. (Coumme tchi qu'nou dit "geek" en Jèrriais?)
An update on the main website: new photo, and biographical info with contacts, plus a rejig of the layout on the front page.
Thursday, 14 October 2010
La Faîs'sie d’Cidre
La Faîs'sie d’Cidre: Hamptonne, Saturday 16th October 2010 - Sunday 17th October 2010Live music - Jèrriais choir singing on Saturday at 12.30 pm. Jèrriais poetry 1pm. Jèrriais stall.
As well as last year’s vintage cider, speciality ciders and perries from the CAMRA tent plus La Robeline’s locally made Cidre dé Jèrri.
La Batâle dé Hastings - Battle of Hastings
Aniet ch'est l'annivèrsaithe d'la Batâle dé Hastings en 1066.Today's the anniversary of the Battle of Hastings in 1066.
La date oubliée
Tchiques-uns d's arbalêtchièrs Saxons s'èrtithîtent, mais sans hardi d'êffet. L'înfanterie assaillit la muthâle d's êtchussons et lé combat, main à main, c'menchit, châque armée briochant ès autres auvec sâbres et haches, criant et sâbrant ès êtchussons. Tchiques soudards dé touos les deux armées tchîtent, et 'taient laîssis là où'est qu' i'tchîtent. Lé grand brait d'bataille des Saxons fut "Ut, Ut," tandis qu'les Nouormands criîtent "Dex aie" (Dgieu, aîdgiz-nos); Wace, notre poète êcrivit ches mots dans san Roman de Rou.Not' Destinnée
L's arbalêtchièrs Nouormands env'yitent tchiques hommes pouor r'mâsser l's èrchelles faites servies. La lîngne Nouormande èrtouônnitent ava l'mont et les grands rouaux, "Ut, Ut" haûchitent des Saxons driéthe lus muthâle d'êtchussons. Deux fais acouo, chutte mannoevre s'pâssîtent; au c'menchement, l's arbalêtchièrs, pis l'infanterie avanchit mais la c'val'lie restit en pliaiche. Dé pus en pus soudards 'taient morts ou bliessés, et duthant les arrêts, piêtons dé châque armée avanchîtent et traînîtent lus bliessés driéthe lus rangs. Lé Duc allit à j'va parmi ses soudards, souvent nueue-tête pouor lus montrer qu'i'n'tait pas mort, qu' i'tait acouo vif.
J'avais raison d'm'en rappeler, j'vai bein a ch't heu,D'scendante du Contchérant
Dé Dgilliaume et s'n armée qui crouaîsitent la mé,
D'St. Valéry dans dgiex-sept chents batchieaux dgerre,
Pour lus battre dans l'pays êtrange d'Angliéterre;
Et don, nous, les membres d'L'Assembliée d'Jèrriais, au preunmié rang dans nouot' Jèrri dé chutte race fiéthe dé Contchérants, j'pouvons penser qu' j'avons acouo pus drouait d'l'atchilyi du moment qu' j'èrprésentons les traditions tchi fûdrent emportées en Angliétèrre par l'anchêtre illustre dé la reine - Dgilliaume lé Contchérant - et ses gens.La Tapiss'sie
Né v'là la mort, la victouaithe et la vie.La Cathédrale de Coutances
Les soudards pâssent et lus banniéthes nos freûlent.
S'pathés dé toute chutte tchuthieuse tueûthie,
Nous, coumme les lions, j'gardons les coues ès dgeules.
J'ai r'gardé partout pour des Giffards, mais j'n'en ai pas veu. Pourtant ch'est seux qu' ch'est un vièr nom Normand, car l'y'en avait iun à la Batâlle de Hastings, mais i' taient probablyiément parfénés un mio partout comme i' 'taient en Jèrri.
Wednesday, 13 October 2010
A correspondent writes...
A correspondent writes: "...is there no translation for the expression "PO Box" you can use in your address?"Indeed, we use Jèrriais addresses as a matter of course. We list our Department's PO Box number in English as a reasonable compromise for ease of communication. But we could always use:
Boête Postale
or
Bosc à la Poste
(B.P.)
So, feel free to Jèrrify "PO Box" if you're writing to us!
More postal vocab here.
micRomania
micRomania 74 a eune pièche en Nouormand par l'anmîn Marcel Dalarun "La joulie pole neire", eune pièche en Picard "Inne ébluite" par Michèle Descatoire, un texte "Fàetes daus écoules" en Pouaitevîn-Saintongeais par Michel Gautier, un texte en Ouallon "On m'lomeut bouneûr du djoû" par Nadine Modolo, eune pièche en Francoprovenchais "Moman de via" par Raymond Vautherin, des nouvelles entouor des vèrsions du "P'tit Prînce" d'Antoine de Saint-Exupéry - et acouo des textes en langues Romannes minnoritaithes et régionnales.
La Lettre Jèrriaise
The non-appearance of La Lettre Jèrriaise on Saturday (and the consequent non-availability on listen again) was apparently (according to BBC Jersey) due to a technical mishap with the digital recording.Y'a souvent du disteurbé entre l'bé et l'morcé
(There's many a slip 'twixt cup and lip)
Lillie Langtry, the Jersey Lily
Lillie Langtry fut né aniet, l'13 d'Octobre, en 1853Lillie Langtry - "The Jersey Lily"
La Gâzette du Sé nos raconte étout qu'ou fit sèrvi l'Jèrriais au Cannada duthant la Preunmié Dgèrre Mondiale à un concèrt (Evening Post 23/12/1916) - ch'est probabl'ye qu'i' y'a d'aut's histouaithes tchi nos dithaient entouor coumme tchi qu'ou pâlait l'Jèrriais. Mais avait-alle murmuthé tchiques mots en Jèrriais à s'n amouotheux, l'Prînce dé Galles? Nou n'saitha janmais!Jersey Lily
Un tas d'mêssieux d'distînction et d'întelligence avaient eune supèrbe opinnion d'lyi. Par exempl'ye, l'Honorabl'ye W.E. Gladstone, Preunmié Minnistre d'Angliétèrre, dit: "J'sis ordgilleux d'pouver dithe qué Madanme Langtry m'considéthe sén anmîn!" Lé fanmeux peintre John Everett Millais: "I' s'adonne, tout simpliément, qué Lillie Langtry est la pus belle femme dans l'monde!" Lé Président Théodore Rooosevelt des Êtats-Unis: "Oulle est mèrveilleuse, et sa bieauté vouos êgalue!" L'artiste Améthitchain, James Abbot McNeill Whistler: "À la vaie, nou s'crait à rêver. Oulle est si extraordinnaithe qué j'ai même d'la peine à faithe un portrait d'lyi tchi lî fait justice!"Lé Texas - et la belle 'Jersey Lily'
Oulle est gardée en bouan ordre, et est un objet d'întéthêt pour les vîsiteurs et touristes tchi pâssent par-là, et l'annonce "The Jersey Lily" est acouo sus l'haut d'la porte. Ou' pouvez en vaie un portrait, bouannes gens, dans L'Musée d'La Société Jersiaise en ville. Ou' l'trouvethez pendu sus la muthâle dans l'coin tch'est rêsèrvé pour montrer l's êffets tch'apparténait à la fanmeuse et belle "Jersey Lily"!Winnipeg Channel Islanders' Society
Lily Langtry (Lady de Bathe) Takes Part in Patriotic Concert
The above Society held a grand patriotic concert at the Lecture Hall, Industrial Bureau, Winnipeg, on Thursday, November 23rd, half the proceeds to be forwarded to the L.C.I. Fund and half to go to the ladies' auxiliary of the above Society.Koumékéch'na? - Howzat?
The large hall was gaily decorated for the occasion, and a good sized crowd was in attendance. Mrs. Langtry (The Jersey Lily), who was appearing in "Ashes" at the Orpheum Theatre, was approached by the Committee, and kindly consented to appear on the programme, which, needless to say, was easily the feature of any patriotic concert held here this year. The programme was one of the finest seen on local boards this season, and the large audience showed their approval in unmistakable fashion.
Mrs. Langtry, on appearing, was given a great reception, and recited "Verdun," "The Death of Kitchener," and being further recalled, gave a short speech about Jersey, which she finished with some Jersey-French poetry. A beautiful bouquet of flowers was presented to her by little Maud Abel...
Evening Post 23/12/1916
I' pathaît qué quand la janne Lillie tchittit l'Île pouor aller à Londres sus l'stînme, touos les joueurs dé cricket 'taient là sus la cauchie à la saluer auve lus battes – et bein seu qu'quand oulle arrivit à Porchémue, y'avait un troupé d'cricketeurs Angliais à sa rencontre (pa'ce qu'oulle avait dêjà la réputâtion d'êt' la pus belle joueuse dans l'Empire Britannique entchi). Et coumme dé raîson, quand oulle arrivit à Londres ou fut învitée d'jouer à Lords – lé grand tèrrain d'cricket – et ch'fut là qu'lé Prînce dé Galles, assis à s'n aise dans la Boête Rouoyale auve eune vèrrée d'champangne, vit la belle Jèrriaise sportive pouor la preunmié fais. Bétôt, ou d'vînt eune vîsiteuse dé couôteunme ès gardîns du Palais d'Buckingham – et nou dit qu'les gens soulaient rencontrer l'Prînce et la Lillie, touos les deux rouogis et êssoûffliés, driéthe les bouais et les bordeuses des gardîns.
Tuesday, 12 October 2010
La Fête Nâtionnale d'Espangne
Ch'est la Fête Nâtionnale d'Espangne. En 1492 Christophe Colomb arrivit dans l's Améthiques lé 12 d'Octobre. Bouonne fête ès anmîns Espangnos!La Faîs'sie du Cidre
Les P'tits Crapauds s'en vont chanter ches chansons-chîn pouor la Faîs'sie du Cidre, lé 16 d'Octobre - êcoutez!L’Ordre/chouaix des chansons-chîn
(souos lé bâton du Winston)
La bas dans la feugère (lé Coucou)
Haul Away!
La Gigouilette
I'y avait eune bergère
Chevaliers de la Table Ronde
Les Nouvelles Chroniques du Don Balleine 2011
Les thèmes pouor les préchains neunméthos des Nouvelles Chroniques du Don Balleine en 2011: ché s'sa l'"histouaithe" au R'nouvé, épis "duthant la niet" à la Saint Jean, l's "êlections" à la Saint Miché, et les "dgiêx mots" à Noué.L'histouaithe: ch'est l'1100e annivèrsaithe d'la fondâtion du Duché d'Nouormandie. Bein seu qu'j'éthons du Wace, mais y'a 1100 ans à couvri entre chu temps-là et l'jour d'aniet! Idées: des bâtisses historiques, des châtchieaux, des vîsites à des pliaiches historiques, des camps d'batâle, des clâsses d'histouaithe à l'êcole...
Duthant la niet, ou les rêves et l'dormi: nou-s'est au liet, nou dort (ou ofûche nou n'peut pon dormi), nou rêve, nou ronfl'ye... Où'est qu'nou dort? Tch'est qu'est la pliaiche la pus extraordinnaithe qu'nou-s'a pâssé la niet? Racontez-nous vos rêves! Ou înmaginnez un rêve fantastique! Av'-ous 'té rêvilyis par des brits, d's avathies, ou autcheune aut' chose?
L's êlections et la politique: ch'est la saîson d's êlections. J'avons un tas d'descriptions d's êlections au temps pâssé, mais en av'-ous des mémouaithes? Av'-ous voté tchiquebord hors Jèrri? Coumme tchi amender l's êlections? Tchi qui s'sait l'candidat idéal?
Les dgiêx mots: acouo eune fais, not' calenge populaithe d'êcrithie. Nou propose eune liste dé dgiêx mots, et i' faut faithe sèrvi touos les dgiêx mots dans un texte - eune histouaithe, eune poésie, un rapport, eune description... sus autchun thème, mais i' faut faithe sèrvi touos les dgiêx mots!
Monday, 11 October 2010
Les Nouvelles Chroniques du Don Balleine
Lé neunmétho d'la Saint Miché des Nouvelles Chroniques du Don Balleine s'est dêjutchi et a prîns l'vo pouor les souscripteurs. J'avêmes promîns d'la gâche et y'en a. Sus la couvèrtuthe y'a un portrait d'not' gâche, mais à seule fîn d'pouver admither les couleurs, j'mênagînmes d'en faithe un vidgo d'vant la mangi.
The Michaelmas issue of Les Nouvelles Chroniques du Don Balleine is out of the traps and heading for subscribers. We were not fooling around when we promised cake. Our cover feature is our special celebration cake to tie in with the theme. Since black and white doesn't do justice to our cake, here's a video.
Cake vocabulary:
gâche = cake
gâchinn'nie = cakes and pastries
gâchîn = cakes and pastries
gâche à chucre = iced cake
gâche à fouée = bun
gâche à corînthe = currant cake
gâche amendée = lardy cake
gâche dé lait d'beurre = scone
gâche d'annivèrsaithe = birthday cake
gâche dé neuches = wedding cake
gâche dé pâte = dough cake
gâche à pommes = apple cake
gâche à beurre = plain cake
gâche dé Noué = Christmas cake
sî-tchête = caraway cake
solyi = apple layer cake
gâche fouôrrée = mince pie
Non-cake vocabulary:
gâche au solé = cowpat
gâche dé savon = tablet of soap
The Town Crier
Lé neunmétho du mais d'Octobre du magâsîn d'la Pâraisse dé Saint Hélyi "The Town Crier" a eune articl'ye en Jèrriais "Gaï Faxe, Tondre-Baxe" par Geraint Jennings.
The October 2010 issue of the Saint Helier Parish magazine has an article in Jèrriais about traditional trick-or-treating customs and the rowdiness of Bonfire Night revelries in Town in the past.
The October 2010 issue of the Saint Helier Parish magazine has an article in Jèrriais about traditional trick-or-treating customs and the rowdiness of Bonfire Night revelries in Town in the past.
Subscribe to:
Posts (Atom)