Man Toppeur

La Section de la langue Jèrriaise has chosen Man Toppeur by Jean Picot as its proposed piece for this year's Eisteddfod.

Tch'est qu'était à la mode y'a trente-sept ans?
Tch'est qui n'est dêhalé qu'pouor entèrrements?
Et à tch'est qu'nou n'èrcounnait pon lé drièthe du d'vant?
Man Toppeur

Tch'est qui n'èrlithe pon comme quand i' 'tait neu?
Tch'est mèrtchi, coumme dé vétheule, quand i' plieut?
Et tch'est qui m'donne eune job à l'èrsitchi au feu!
Man Toppeur.

Dans tch'est qu'eune fais en l'dêhalant d'l'armouaithe,
I' sé trouvit eune grôsse Reine toute prête à y faithe
Dans un couain du lining sa vêpriéthe!
Man Toppeur

Tch'est qui m'donne du travas et dé l'êpoustéthie,
Pour lé clièrgi dé ponsi et dé tailes d'irangnies,
Et m'fait bliatchinner san d'hors auve d'la sie!
Man Toppeur

Tch'est qu'est un mio côssi - par s'être assis d'ssus?
Qu'a ieu les bords usés en faîthant des saluts?
Ah, jé crains qu'à la mode tu n'èrveindras pus!
Man Toppeur

Quand jé l'acatis, i' 'tait dé toute bieauté,
Neu pouces dé haut, auve un p'tit bord drait,
Mais tes fréthes d'achteu l'ont tout èrcorlé.
Man Toppeur

Enfîn, vièr chapé, j'vieillissons touos les deux,
Tu n'as presqué pas dé pé - mé, jé perds mes g'veux,
Not' fîn veindra pour seûthe, heutheux ou malheutheux...
Est-che pon, vièr Toppeur?

Condor Ferries

With the current delays to the ferries, passengers have even more time to appreciate posters aboard saying "see you next time" in three languages:

• À la préchaine
• À la perchoine
• À la prochaine

(That's in Jèrriais, Dgèrnésiais and French)

Mêfie-Té des Monstres

Sanm'di Tony Scott Warren racontit eune d'mié-douzaine d'nos légendes à eune audienche d's êfants d'touôs âges à la Bibliothèque.

Fascinating! That was the way one of the ladies in the audience described the telling of Jersey legends at the Public Library. Tony Scott Warren presented five or six legends in Jèrriais and English for Literature week and also had a chance to promote the session (and to use some Jèrriais) on BBC Radio Jersey.

Are you experienced?

expéthience = experience
dêhalage = experience of life
dêhalé = promising
i' n'a pon grand dêha = he hasn't got much experience
s'dêhaler = get on, succeed, show promise
au-fait = skilful, competent
faîthant = skilful
êcaloppé = developed

L'Ôque d'Octobre

St Helier skyline -
October sunset
Chèrgi preunmiéthement
par JoStyran

Eune poésie pouor la Journée d'la Poésie - a poem for Poetry Day:

L'Ôque d'Octobre

La câsaque dé ch't' année est vielle, et va sus l'âge.
Au mais d'Octobre, tout tchait - les fielles, la plyie, les sièrs.
Il est d'mêtchi, assa, qué tout s'paque et s'en âge...
et nos v'là à r'garder l'tombé avant ès vièrs.

Et j'avons r'fait eune ôque dans l'trou du bouais dé l'an
pouor r'mèrtchi lé pâssage d'un Êté acouo r'hors.
J'avons r'pêtchi nos prix dans l'fond d'la toube à bran;
si j'n'avons rein gângni - jé n'sommes pon des pus pouôrres.

Les pages tchaient bas sus nous, les mots nos ont lubis,
et châque mais a remplyi eune page du livre ès lobres.
Nos êtchêtes et nos r'tas sont scribliés en poésies;
les pagies lus abrient souos les lotchettes d'Octobre.

Geraint Jennings
7/10/2010
La Journée d'la Poésie 2010

La Journée d'la Poésie - Poetry Day

See National Poetry Day for poetry events in the UK. For Jersey, there's plenty of poetry available on the Pages Jèrriaises - or why not browse a Jèrriais book or magazine?

The first book printed in Jèrriais was Rimes et Poésies Jersiaises (1865), a collection of classic verse collected from newspapers, almanacs and pamphlets.

• Reading Jèrriais poetry

And here are some poems about poetry:

• Rimeux - Plièrcheux
• Salut d'un pouor Rimeux à un Poète
• La Journée d'la Poésie en Jèrri 1999
• La Journée d'la Poésie 2003
• D'vièrs mînniet
• Avis es Cheins qui Voudraient Rimer
• Rimeurs Jèrriais
• Une Rime en "Ant"

Demand increases for Jersey cider

BBC: "Demand increases for Jersey cider"

One might suggest that this is not only connected with the quality of the product, but also the Jèrrification of cider branding!

Watch out and listen out for Jèrriais at La Faîs'sie d'Cidre, La Fête du Cidre, and la séthée d'nièr beurre at The Elms.

(Contact L'Office du Jèrriais for advice on branding in Jèrriais, or why not download the leaflet?)

La Section de la langue Jèrriaise

Salutâtions tout l’monde. La saîson d’s’tembre arrive. Thank you to those who attended last month’s meeting. We discussed the theme of the next composition for Les Nouvelles Chroniques, entitled ‘L’s Habits…Vêtements’ and then tried our voices on our Eisteddfod contribution ‘Man Toppeur (my Top Hat)’ by JP.

The composition piece can include any description or comment on any type of clothing or costume for any occasion which you have worn …or seen and which had importance to you or which has stayed in your memory. The deadline is Hallowe’en.

Our version of Man Toppeur needs improving …..more practice is needed to get our pronunciation correct.

The meeting of the Congrès involved discussion of the arrangements for La Fête Normande next year to be held in St. Helier. More details of the week and the weekend will be given in the next Fieillets. Nominations were also asked for Les Crapauds d’Or awards for last year. On the same note, it was good to see the St. Helier refuse vehicle with Jèrriais written boldly on the side describing its recycling function… Congratulations to Geraint and Lé Conmité d’la Pâraisse.

Our next meeting will be held in the Arthur Mourant Room at 8.00pm on Wed. Oct 6th. for composition ……entouor L’s Habits and for practising Man Toppeur as well as some cataloguing if there’s time.

Cowtentin

Des tee-corsets Nouormands d'siez la compangnie Cowtentin, auve des slogans:

• j'aime bi cha l'cow tentin
• c'est bon c'est biâo

Né v'là chein qu'i' disent:

BI L'BOUJOU
Notre toute jeune entreprise basée dans le Cotentin vient de voir le jour.
Découvrez les premiers logos rigolos de COWTENTIN déjà en vente sur la presqu'île.
Tous nos tee-shirts sont en coton 190 grs, sérigraphiés dans le col et sur la poitrine, coupe standard pour les hommes et cintrée pour les femmes.
Prix de vente conseillé : 22 euros

Bèrlîn, Fèrdinand, Thérèse

DSCN1781
Chèrgi preunmiéthement
par Zilla4390

J'avons trais fêtes ou annivèrsaithes d'întéthêt aniet. Ch'est l'Jour d'l'Unnité Allemande - l'annivèrsaithe d'la r'unnithie d'l'Allemangne y'a 20 ans en 1990.

Three days of note fall today. Firstly, willkommen and séyiz les beinv'nus for the Day of German Unity.

Acouo un annivèrsaithe: lé 3 d'Octobre 1918 l'Rouai Fèrdinand d'Bulgarie abditchit à la fîn d'la Preunmié Dgèrre Mondiale. Pouortchi qu'ch'est d'întéthêt ès Jèrriais? Assa, ch'est en tchi Elie publyit eune poésie L'Abdication du Roué d'Bulgarie dans Les Chroniques de Jersey du 9 d'Octobre 1918, v'là tchi fut la dreine pièche tch'i' publyit d'vant sa mort dans la Grande Achie d'grippe dé ch't'année-là.

With defeat looming for Bulgaria at the end of the First World War, King Ferdinand abdicated in favour of his son, in an attempt to reach a more favourable settlement of terms. Elie wrote a little squib of a poem to mark the news - this poem was the last one published during the poet's lifetime as he succumbed to the great flu epidemic shortly afterwards.

Et l'3 d'Octobre a 'té eune fête d'eune sainte Nouormande, Thérèse dé Lisieux.

Today is (according to whichever calendar one uses) a feast day in honour of Thérèse of Lisieux, a Norman saint. Naturally enough, we have some texts pertinent to these occasions.

L'Êcrouôl'lie d'Muthâles

Mais y'a des muthâles - par exempl'ye, les muthâles tchi divîsent les commeunautés - qu'nou-s'aime bein vaie dêmolies. Mé, j'tais à Moscou au mais d'Novembre mille neu chents huiptante neuf quand la Muthâle dé Bèrlîn tchit, et j'eus à viagi par la ville fraîchement rêunnie justément tchiques jours auprès la tchête d'la Muthâle.

Nou peut înmaginner la tchête d'aut's muthâles avaû les siècl'yes. Quand les chent'nièrs et légionnaithes Romains tchittîtent la Grande Brétangne, y'avait-i' des Picts à danser sus la Muthâle à Hadrien dé même qu'les Bèrlinniens fîtent y'a quatorze ans? Et ch'est seux qu'nou n'vait pon les muthâles dé Jérico d'l'espace d'pis qu'Josué et ses trompettes les fîtent êcrouôler.

L'Abdication du Roué d'Bulgarie

Ferdinand
Fiche-le-camp!
“Ferdinand l'Félon,” les Français l'appellent,
Car il est Maître ès Félonies,
Et sa condite est tout l'contraithe de belle;
Ch'est un touanne-casaque; un vilain rebelle;
Ferdinand l'ex - - de Bulgarie!
Ferdinand
Fiche-le-camp!

Jé f'thai tchaie des roses

Un rotchi couvèrt d'baînis, les gliajeurs
Sus un lief dé cauminne, méthitent eune pause.
Et ches patholes étout d'eune fil'ye tchi meurt:
“Auprès ma mort, mé, jé f'thai tchaie des roses”.

2 d'Octobre 1811

Dialogue entre Jeanneton et Nainai, des Paraisses de Ste.-Marie et St.-Ouen, le 2 Octobre 1811

JEANNETON.
Et ben, ma pouore couzine, ou v'nez donc d'vos promnai?

NAINAI.
Vez guia, ma chiéze êfant, j'vains d'la Graive de Lai.
Quand dgem sie veue su l'Nor, et qu'tout a tai fini,
J'm'en siez allée vaie tout chen qu'nou zia bâti.
Oh grand doux! s'tu vivais comme ch'la est ben grais:
Vraiment, nou zy mangegeait gusque sus les pianchais.

JEANNETON.
P'tête ben, mais quêque tuas fait sus l'Nord ta matinée,
Et pis à chez Bairrex toute téne arlevée.

NAINAI.
Grand doux! ma pouore êfant, je gnai fait aucun ma!
Et guenne tais pas toute seule - vot'e belle seu étai là.

(...)

JEANNETON.
Vaize guia, j'la r'connais ben, chais Me. Ph'lip La Perrelle
Oh grand doux, quaiche chonna, une maison faite de téle.

NAINAI.
Et ben, nan v'la d'un autre! j'conte que tués vescasiée.
Tu t'moquais autant d'mé, et faisais une rizelée,
A cause de ma mêprinse, mais la quiène est benpiêze:
Là, g'nen mentizai pon, mais j'en sie don ben fièze.

JEANNETON.
A ch'teu que j'man r'souvains, chê t'une tente, m' n'êfant
Gu'en ai tant veu aut'efais, quand guallion vais chez cams
......Appréche don, ma Nainai, véten par ichin bas:
Et occouoze, oprès tout, i'n nouos mangegeons pas.

(...)

Octobre - October

Le Jour Mémorable

Le jour que l'ofici du Connétabyie se mathyi
T'chet le preumi d'Octobre par un Maiscredi,
Y se l'vi d'bouanne heuthe pour vais le temps
Mais vraiment y n'tet pon encouothageant.

Onze Trin'tais an lanchon

Vendredi au sé le preumi jour d'Octobre,
J'étions onze Trin'tais bein sobres,
Tous en fête pour allé à la pêque an lanchon,
Un p'tit pûs llien qu'la p'tite Avithîzon.

Les Douze Mais

Au mais d'Octobre ch'n'est pus l'êté,
Trop souvent si l'temps n'est sus l'bé
Ch'est d'la fraîcheu et brousse et bliâse -
Il est d'mêtchi d'mett' ses caudes drâses!

Les Meis et les Saisons

Octobre vain êcoué lés pouôr's fiéles breunies,
Qui tchaient bas sans pouvé . . .