Carte dé Noué

Né v'chîn l'texte d'aniet d'not' auteu du mais, Jean Picot (J.P.):

Here's today's text by our author of the month, Jean Picot (J.P.):

A Elie

Carte dé Noué (en papi)

Man chier Ammin,

Jé té souhaite santè,
Bonheur, prospéritè,
Ov touôs les complyiments dé la saison;
Qu'au fricot d'Noué
Tu faiches tan d'vé
Sans en souffri trop d'indigestion!

Mange à te'nn appétit,
Légumes, viande, ou fruit,
Né manque pon ta part du bouan frico';
Y'ièn éra pour tous,
Et s'ra pus à tan goût
Qu'unn' bédache du vra dé la Rocco!

Qué ta vitaille,
Jambon, volaille,
N'aient pon dé br'it ov lé bouan poddin;
Et qué tu n'aies qu'faires
Dé cherchi tan bère
Coumme au roqui souôs l'tarpaûlin!

Qu'à table tu'oublie
Byiû crayon, copie,
Nier c'ats, Grand Chef, et l'Bureau;
Quoiqu' là, dans l'Salon,
Il y fait bon
Quand j'y jouns ensemble ès dominos!

V'là don les souhaits
Pour té qué j'fais,
Et si mes rimes té font pliaisi,
Jé s'rai content
Lé jour dé l'An
Ma fingre, si t'pliaît, dé r'quémenchi.