Les Nouvelles Chroniques du Don Balleine

Èrfliets d'vèrrinne
Saint Hélyi 2010 4
Chèrgi preunmiéthement
par Man vyi

La date lînmite pouor des contributions ès Nouvelles Chroniques du Don Balleine (neunmétho d'Noué) nos tchait sus l'co. Env'yez vos pièches dévant Halloween, s'i' vos pliaît. Lé thème est les habits et les costeunmes. J'avons r'mèrtchi chutte mouontréthie dans ieune des boutiques en Ville. Là dans l's èrfliets y'a l'tou d'preinseu, et les habits sont engibâtrés pouor Halloween. Tchil înspithâtion!

The deadline for contributions for the Christmas issue of Les Nouvelles Chroniques du Don Balleine is approaching. Send in your pieces by Halloween, please. The theme is clothing and costume, and on that theme, there's a nice display in one of the shop windows in Town. And since the apple crusher is (just about) visible in the reflections it caps off our Fête du Cidre nicely.

engibâtrer = dress up bizarrely
jîntchi = dress badly
s'habilyi = get dressed
s'appathilyi = get dressed
attifer = get dressed up
s'palmer = get dressed up
s'touîndgi = get dressed up
s'vailer = get dressed up
palmé = dressed up
fathe dé san tchian = dress up to the nines
s'changi = change into good clothes
s'dêchangi = change out of good clothes

La Séthée d'Nièr Beurre

Making black butter
Chèrgi preunmiéthement
par Jerzzy Journey Boutique

Black Butter Making with the National Trust for Jersey

Once again the National Trust, with the help of many volunteers, will be working to produce approx 350 jars of Black Butter which will be sold, still warm and fresh, throughout the afternoon at the Genuine Jersey Market on the Saturday of this hugely successful event. Enthusiastic and committed volunteers work tirelessly to chop and peel over 1300 lb of apples and continually stir the mixture for 25 hours. The whole event has a fantastic community feel with everyone, no matter what their age, getting stuck in.

• Friday 22nd October, apple peeling/stirring from 10am onwards through the night, evening entertainment and food, Ghost Walk at midnight with Event by Design.

• Saturday 23rd October, jar filling between 11am and 1pm (approx), Market Day 10am to 4pm, Pumpkin Carving throughout the day (until the pumpkins run out) and Story Telling in the Walled Garden.

La Faîs'zïe d'gniër Beurre siés l'F'lip Jourdgniaoûx

Ou viyïs; l'temps pâssët, j'tais accoûotumet a faîthe touôs l'zans eunne boûoyiaîtuthe de poummes, pour not' provision d'hivé, pour mé et ma belle seu, car je n'soummes que daeûs, et en maîme temps j'aîmais bain vés mes vyiërs z'anméins, vnéin lûs diverti deûse-traîes z'heuthes d'ov' mé, car je l'zaimaîs tous, mais maoûgret-mé j'en aî têt à la dupe. Je s'sîs vilannët pour l'réstâns d'més jours. Ne v'chéin coummaîqu' l'affaîthe se fît. J'méîmes la paële, à siés heuthes du matéin, pour la airdévallé de vyiër les siés heuthes le lend'main au matein. J'avons fait boûan feu tout l'jour, et quans veins l'ssé pour faîthe eun myîo d'fann' à nôs z'anméins, tch'avaient yieu la bontët de v'néïn nôs bâsyi eun cou d'main; je changîmes d'habîs mé et Marguérite, j'avais sa robe et san bannétte et l'yi, oull' avët ma k'méinse, braîes, veste et câsaque, chât'-chéun prannët sân tou à moûé, ôssi bain ma belle seu coûmme les aoûtres, mais quand véins mân tou, mé t'chi n'avais pon âccoûo mouët dépis que j'métais chângi, j'résti tout seu à moûé, et j'avais mân bannétte et ma robe, quans l'boûg'édd moûéaûx rompi en daeûs; la taîte têt vermoulûe et kottïe yioûs nôs, et accoûo eun grans boûnhéu pour mé, qué j'trouvi éunne vyiélle bréinge aûpi d'mé, de t'chi que par éun cou d'coléthe, j'yiavais aîrachi touôs les ouiss'keurs le jour de d'vans; Eh bain, j'vôs juthe que sans chu boug'édd ôti la l'paîlon éthët roussi coumme éunne fricachîe d'saoûsîches, quans i restent toutes cl'yïutëts dans l'fôn d'la kass'trolle; mais m'zaîfans ch'nest pas accoûo tout chein qu'jai à vôs raccônté, ch'est chein tchi m'arrivi en oprés.

La Séthée d'Nièr Beurre 2002

Y'avait des temps quand la vielle lav'thie d'la fèrme où'est qu'nou-s'avait mîns la peîle sus l'feu 'tait patchie comme des sardinnes auve la racachie d'gens auve lus caméras et caméras d'vidgo. Nou-s'éthait dit qu'i' n'y'a janmais ieu eune séthée d'nièr beurre si filmée et photographiée!

La pel'lie des pommes fut faite dans l'hangar à côté. Toute la machinn'nie d'fèrme avait 'té sortie et un tapis et des tabl'yes et tchaîses avaient 'té rangies l'long d'eune muthâle. Sus les muthâles y'avait d's êcritchieaux: “Né feunmée pas!”. Ch'est bouôn d'saver qu'les règl'yes d'la santé et d'la seûth'té sont respectés tout en ravigotant les villes couôteunmes.

Une Bordée d'Nier-Beurre

Tout fut ben jusqu'a deux heuthes dé niet, et pis, pan! né v'la l'moueux tchi s'romp a l'enmancheuse! Gasdéouelle! s'fait 'Douard; nos v'la tchuits! l'affaithe s'en va happé! Dèspèch'ous! eun' ôti, vite! tchiq' chose pour moué!...... et nos v'la tous a couôrre d'un bord et d'lautre. Tchiq'un halli les bûches dé d'souos l'trépi pour molli l'feu, yieunne des femmes voulait rèsmoué ov euune tchullyi a tée, et personne né trouvait rin! Dèspèch'ous, tas d'buzards! apportez t'chiq'-chose, tas d'achocres! la pêle s'en va brûlé; tas d'èsmânus! criait 'Douard - tandi qué l'Recteu qui v'nait d'entré en s'en r'vénant du lanchon, l'vait les bras en haut dé m'zéspé! Enfin, tchiq'un trouvi eunne houette dans lé chlyi, et nos v'la sauvés! Rèsmue, mon 'Douard; rèsmue, mon fiston; rèsmue raide! gratte lé fond, m'n'amin; frotte les bords, man couosin; rèsmue a tig-dé-corps! Tchin! bé eunne bollée; bé deux bollées, et rèsmué kédainne!

La Séthée d'Nièr Beurre (1959)

D'vant huit heuthes un fliotchet d'gens s'trouvit là pouor vaie l'feu alleunmer souos la pêle au trépid, les Sieurs D. d'la Haye et G. L'Mâsuthi étant en chèrge. Lé cidre fut mîns à caûffer et nou l'fît bouoilli jusqu'à tch'i' mollisse d'en par la maintchi, pis les pommes y fûdrent ajouôtés, eune cèrtaine quantité à la fais, et les limons, lé ricolisse et l'chucre. Duthant la niet plusieurs des hommes prîndrent châtchun lus tou à mouer (rêmuer l'mêlange dans la pêle), et deux des femmes restîdrent à lus faithe du thée et lus donner à mangi. Chu procès continnuit toute la matinnée du jeudi et l'arlévée et jusqu'à huit heuthes lé sé.

La Bordée d'Nièr Beurre (1962)

Bein dés membres lus y rassemblyîtent dé vièrs deux heuthes car nou-s-attendait eune visite du Gouverneux et sa danme ; malheu­theusement lé Général Erskine 'tait prînt ailleurs, mais Lady Erskine vînt avec plusieurs amis, et fut r'chue par lé Président et sa danme et plusieurs officièrs. Lady Erskine, 'tait bein întéressie dans l's habits du temps passé, et i' faut avouer y en avait des bein belles robes ! La pêle prînt l'attention à Lady Erskine étout et ou mînt un lot d'pommes à tchuithe et auprès fut vaie les danmes à prépather l'mangi.

Eune autre visite qui fut bein appréciée par les membres fut quand M. l'Bailli et Mme. Le Masurier arrivîtent dé vièrs siex heuthes. Moussieu et Mme. Le Masurier lus mîntent tout d'suite à lus aize parmi les membres auprès avait 'té erchus par lé Président, Mme. Gibaut et d's officièrs. La vielle tchuisine fut une grande attraction, et nou viyait l'intéthét qué M. l'Bailli et sa danme ont dans l'Jèrri du temps passé par la manniéthe qu'i' r'gardaient toutes les vielles articlyes ichîn, aussi bein comme dans l'nièr beurre même, quand i' prîntent les deux lus tou' à mouer.

Un rat dans la gorge

Malheutheusement, les c'mîns d'la Ville ont 'té sans poésies (liues) aniet, mais les poésies en affiches sont acouo là pouor l'restant d'la s'maine.

Un rat dans la gorge a gatté le liéthie d'poésie à l'entou des gattes. Ch'n'est pon l'rîncliot mais raîque un rat.

Auve du myi et du jus d'orange, nou-s'espéthe aller sus l'mus d'main et pouver hueûler des poésies!

Jèrriais speakers don't get frogs (or even crapauds) in the throat, but rats. Croakiness of whatever species has, however, unfortunately meant the calling-off of today's poetry in the streets - but at least the weather's fine enough to enjoy the displayed poetry posters and other info.

With the help of honey and orange juice, the rat may be sufficiently vanquished to enable tomorrow's session to go ahead.

In the meantime, another video poem from last weekend's Faîs'sie d'Cidre.

La Fête du Cidre

Out and about with more poetry in Town yesterday. One complaint was received: the posters are too small! One result of the intervention in the public space is that at least some people who didn't know the function of the apple crusher are now aware of it.

Lé tou du tou

Y'a dans les trente ans, la Rue d'Driéthe et la Ruette Hadgais fûdrent pavées, et nou-s'embellit la carre en y pliaichant un tou d'preinseu. D'pis mil neu chents septante-huit lé tou d'preinseu a 'té là, mais combein qu'i' y'a d'gens et d'vîsiteurs tchi l'èrconnaîssent achteu? Et chenna sustout quand ch'est tout plianté atout des flieurs.

About thirty years ago, King Street and Ruette Haguais were pedestrianised, and this corner was enhanced with an apple crusher. This crusher has been here since 1978, but how many passers by recognise it nowadays? Especially when it's all planted up with flowers.

La Fête du Cidre

La mouontréthie est montée dans l'marchi, et j'fînmes d's èrcitâtion d'poésies entouor l'cidre en Ville hièr l'arlévée.

The display is up in the market, and we did some poetry performance in the street yesterday afternoon.

J'avons chèrgi deux-trais vidgos d'la Faîs'sie d'Cidre.

Some video clips from the weekend are now available.

Quand tchi qu'Noué c'menche? - When does Christmas begin?

Christmas lights in St Helier
Chèrgi preunmiéthement
par Up Your Ego

Nou 'tait à monter les veues d'Noué dans la Rue d'Driéthe aniet.
They were putting the Christmas lights up in King Street today.

Diton:
À forche dé crier Noué i' veint.
(Shout Christmas long enough and it'll turn up)

Quand tchi qu'Noué c'menche?

Quand tchi qu'Noué c'menche? Dévièrs la fîn d'l'Êté
Quand les dêcorâtions sont haûlîndgies
Dans les c'mîns d'la Ville. J'ai-t-i' ieu assez
D'chu train et ches quat' mais d'prépathâtis!

La Mouaie - La Moye

I' n'y'étha pon d'clâsse à La Mouaie chutte sémaine (i' n'y'a pon d'maît' pouor couvri la clâsse).

Due to lack of staff cover, there will be no Jèrriais class at La Moye this week.

Small quiz: which do you think is the biggest - eune mouaie, un mouaine or eune mouaithe?
P'tite d'vinnâle: létché est l'pus grand, criy'-ous - eune mouaie, un mouaine ou eune mouaithe?

La Faîs'sie d'Cidre

A successful and warm weekend over. At Hamptonne, the stall was visited by Jersey people, both Jèrriais speakers and non Jèrriais speakers, and an international crowd. The poetry and singing was kept lubricated by l'pur jus, sales were made, questions were answered and information given out to young and old.

All this week, Jèrriais poetry continues in Town - posters are up, and Jèrriais will be recited daily (weather permitting) at selected spots between 4.30-5.15pm approximately. And, you never know, this poem fresh off the (cider-) press today might just find a place in the repertoire.

La Faîs'sie d'Cidre 2010

Les vêpres dgêpent sus l'nièr beurre et la g'lée d'pommes;
lé bieau solé d'Octobre caûffe les muthâles;
les vîsiteurs à êss'mer, nou les somme
atout la boul'lie d'la meule, ouôth-en-châle.

Nou rôtit des châtaines; nou d'bite du lard;
les fliambes en font eune fouée à enfuntchi;
du pain auve eune modgie - nou couoche lé mar,
et les vêpres font des vars ensolilyis.

La feunmée fliotte et feunque et crouaîse lé bel;
Dans l'gardîn, sus la bliête, nou-s'est à tcheûrre;
les mèrvelles fliottent à bouoilli dans dé l'hielle;
les vêpres dgêpent sus la g'lée d'pommes et l'nièr beurre.

Geraint Jennings
Hamptonne, 17/10/2010

La Faîs'sie d'Cidre

Eune journée ag'vée à Hamptonne. Souos un bieau solé, j'avons chanté, r'cité, vendu des livres, admithé les bieaux tee-corsets du pèrsonnel dé l'Héthitage d'Jèrri, et s'i' y'a ieu du cidre dé gouôté, ch'n'est pon ravissant.

J'avons distchuté si les mârrons au fou dévthaient êt' des châtaines rôties ou des châtaines tchuites...

Et j'allons r'faithe tout, Dînmanche.

La Faîs'sie d'Cidre

V'nez nos vaie à la Faîs'sie d'Cidre! Come and see us at the Faîs'sie d'Cidre!

Ma Modgie d'cidre

Ma femme et mé j'd'meuthons touos seurs
Dans eune maîson parmi les flieurs,
J'bai du cidre et lyi du thée
Et j'sommes tréjous heûtheurs et dgais.

Ha, ha, ha! - ma modgie d'cidre,
I' m'en faut un bouôn lèrmîn,
Ha, ha, ha! - ma modgie d'cidre,
Vite, acouothe un p'tit gouttîn!

Mr St Helier doesn't like poetry

The BBC Jersey blog explains: Why Mr St Helier doesn't like poetry.

Wayne Stewart perhaps hasn't had enough exposure to the delights of Jèrriais poetry. Never mind, there are some opportunities coming up to hear some Jèrriais poetry being read at La Faîs'sie d'Cidre and during La Fête du Cidre in Town. Plus, there's no shortage of material!

Elie commented on similar attitudes in Jersey in 1918:

Je sis surprins que les Jerriais, en général, es'saient si p'tit portès pour la littérature. De vrai, je n'soummes pas de grands lectuthiers. J'ai counnu des hoummes qui disaient que dès qu'il avaient un livre entre les mains, i' s'endormaient.

Ch'est dommage. Les deux-trais Saithèes Jerriaises que j'avons yeu à la campagne ont pourtant montré que le vièr lingo est tréjous bein apprécié. Et occouo, n'y'a quasi persounne qui se d'mente de l'êcrithe!

La campagne est pourtant plienne de sujets qui f'thaient des p'tits buts d'rime tout à fait acceptabl'yes si seul'ment nou' pensait à la chose un p'tit mio.

D'la tuit'tie - Twittering

Nou tuite: Radisson Blu

The Economist discusses the multilingualism of Twitter. In order to be helpful, here's the grammar of tweet en Jèrriais:

tuiter = tweet
tuit'tie = tweeting
fail whale = baleine falléraine
j'ai tuité = I've tweeted
j'tuitis = I tweeted
èrtuiter = retweet
èrtuité = retweeted
tuiteux = twitter(er)

Et l'ouaîsé? Ch'est un tui-tui.
And what about the picture of the bird? It's a wryneck (Jynx torquilla).