1888: Le Rêve de Saint Toûmas

 Chanson Jèrriaise.

Le Rêve de Saint Toûmas.

 

 

Sur lair du tra.

 

J'avons un p'tit buonhomme qui s'appelle Saint Toûmas,

Q'ui s'crai rempli d'esprit, depis lé'haut jusqu'n bas

Un Ecrivain marron, Avocat empirique

Qui voudrait que tout l'monde chantetai sus sa musique.

            Sur l'air du tra la la la, sur l'air du tra la la la,

                        Sur l'air du tra de ri de ra la la la.

 

Mais j'usqueichin personne n'ont pon tait prins d'envie

D'chanté sus sa musique sa vilaine chifournie

Un homme faux et jaloux ou un vilain despote

S'amuse et chante tout seu comme faisait Jean d'la Cotte.

            Sur l'air du tra, etc.

 

C'hest un vrai radical ès idées avanchies

Comme Jow Arch et Maîte Jean, Parnell et compagnie

Et pour c'hla ses ammins, qui veule ou qui n'veule pas

Vont l'nommé Deputé, pour chanté dans L'Setats.

            Sur l'air du tra, etc.

 

Et là si gnia personne qui piesce faize une b'uonne loi

N'ou dis qui s'crait capable d'pouvé lus montrer

Mais si r'va les trompé et qui n'lus faiche rein d'bon

Y dancesca avec Jow et sa vaque en ballon.

            Sur l'air du tra, etc.

 

Le Grant'homme a drainnement fait un divers bieau songe

Y rêvi qu'iltai iune des sept merveilles du monde

Quand y s'viyai braqui sus un grand piédesta

A chanté ses vertus en Marquis d'Carrabas.

            Sur l'air du tra, etc.

 

Quand chu puorre vier busard, se vit si bein plianté

Et s'y criait sans doute, pour une eternité

Sans même l'en averti, a peine au but d'quinze jours

N'ou l'en d'esgringoli sans trompettes ni tambours.

            Sur l'air du tra, etc.

 

Q'uand y svit êtravelé, au pid d'chu Monument

Y strouvis êbahi, suos sans tro comme Vennement

Quand il eut rprins ses sangs et qui r'fus rêvilli

Y briai de coléze la tête sus snuozilli.

            Sur l'air du tra, etc.

 

 

U.D.D.'

 

1888.