Des buts en Jèrriais d'la Bibl'ye pouor l'annivèrsaithe d'la vèrsion Angliaîche d'la Bibl'ye dite du Rouai Jacques, ou Autorisée:Jèrriais Scripture snippets to mark the anniversary of the English translation of the Bible known as the King James or Authorised Version:
Duthant la brûl'lie d'enchens, lé monde 'taient à prier en d'houors quand i' vit un ange du Seigneu mâté du dêtre d'l'auté. Quand Zacharie vit chennechîn, il eut frémeu et fut êffrité. L'ange lî dit, "N'ai pon d'peux, Zacharie, car l'Bouan Dgieu a ouï tes priéthes et ta bouannefemme Lîzabé s'en va porter un êfant et tu lî donn'nas l' nom Jean. Tu s'sas rêjoui et tu s'sas heutheux et à sa naîssance y'étha d'la jouaie siez bein des gens. Car l'Bouan Dgieu vèrra coumme tchi qu'i' s'sa un grand houmme; i' n'bétha pon d'vîn ni d'litcheu; et i' s'sa remplyi d'l'Esprit du Bouan Dgieu même dédans la bielle. Et par li, hardi d's êfants d'Israël èrveindront au Bouan Dgieu, lus Seigneu. I' s'en va aller l'avant au Bouan Dgieu atout l'esprit et l'pouvé d'Élie à seule fîn d'èrconcilier les péthes et lus êfants et d'èrcondithe les dêriés dans la raie ès justes, d'èrgraie un peupl'ye espéthant pouor lé Seigneu." (Luc, 1:10-17)
And the whole multitude of the people were praying without at the time of incense. And there appeared unto him an angel of the Lord standing on the right side of the altar of incense. And when Zacharias saw him, he was troubled, and fear fell upon him. But the angel said unto him, Fear not, Zacharias: for thy prayer is heard; and thy wife Elisabeth shall bear thee a son, and thou shalt call his name John. And thou shalt have joy and gladness; and many shall rejoice at his birth. For he shall be great in the sight of the Lord, and shall drink neither wine nor strong drink; and he shall be filled with the Holy Ghost, even from his mother’s womb. And many of the children of Israel shall he turn to the Lord their God. And he shall go before him in the spirit and power of Elias, to turn the hearts of the fathers to the children, and the disobedient to the wisdom of the just; to make ready a people prepared for the Lord.
No comments:
Post a Comment