Bouônjour, M'sagi!
Ch'est un pliaîsi dé t'vaie
auve eune pagie
êcrite en Jèrriais.
La d'livréthie:
tu'apporte un tas d'bouôns mots
dans eune poésie
êcrite en not' lîngo.
Mais tchi grande boête
qué tu'apporte dans ta vainne!
J'attendons fête
d'la dêpatchi quédaine!
Thursday, 6 October 2016
Bouônjour, M'sagi!
National Poetry Day
Thanks to @jsypost and everyone at Bel Royal School who took part in our #Jèrriais #NationalPoetryDay event today! pic.twitter.com/sD27904uJQ
— L'Office du Jèrriais (@le_jerriais) October 6, 2016
Wednesday, 5 October 2016
Monday, 3 October 2016
Chutte sémaine - this week
Chutte sémaine/this week:
- Mar/Tue: aubèrge/pub 5h30-6h30
- Mêc/Wed: poésie, CCA Galleries 1h
- Jeu/Thu: National Poetry Day; poetry in the streets; café 10h30-11h30
- weekend: La Faîs'sie d'Cidre
Sunday, 2 October 2016
La Pathol'lie - Festival of Words
"Scouotre coumme eune hître" - cunning as an oyster: eating my words for dinner after poetry workshop @Jo_Bell @JerseyWordFest @loveheritage pic.twitter.com/GSHooLmo52— Geraint Jennings (@GeraintJennings) October 2, 2016
Enjoyed taking part in poetry workshop today with @Jo_Bell at La Hougue Bie @JerseyWordFest @loveheritage pic.twitter.com/5gxffmQPzG— Geraint Jennings (@GeraintJennings) October 2, 2016
Saturday, 1 October 2016
Jèrriais - it's Electrifying!
A snap of @tswgb and @GeraintJennings from @le_jerriais, after their event earlier today. #jerseywordfest @JerriaisWord pic.twitter.com/6qQUCsdYRy— JerseyWordFest (@JerseyWordFest) October 1, 2016
Learning so much from @tswgb & @GeraintJennings from @le_jerriais @JerseyWordFest pic.twitter.com/d6XKSzbDtv— Jennifer Bridge (@JennBridge) October 1, 2016
— Jane Creaton (@janecr) October 1, 2016
Monday, 26 September 2016
Eune câsaque dé langue
Eune poésie pouor la Journée Ûropéenne des Langues:
A poem for European Day of Languages:
Eune câsaque dé langue
J'sommes habilyis, nous, en Latîn et souaie,
frandgis en Français ès boutons d'Bréton;
épis, dans nos c'mînses, des triliaches d'Angliais
r'couôsues d'Rumantsche et rabdachies d'ditons;
nos gants sont grées en Gallouais et en v'lous;
j'sommes caûchis en chabots dé Catalan
et d'Cornouaillais, bottés en bliûtes à clious,
bliouques Bastchaises et bliussés Russes dé ribans;
nos drâses en Scots d'Ulstèr et chiquetaillons,
êchiqu'tés d'Tchèque en gambe dé veste Gallo;
des manches en Manx ès ouôlets en Ouallon;
en bouôn Dînmanche dé d'vis, en lîn d'lîngo.
J'nos entré-caqu'téthons, cliai comme d'la viope,
toutes les vailes déhors, vêtus d'langues d'Ûrope.
Saturday, 24 September 2016
Un but d'la Bibl'ye - Bible snippet
La Bouonne Nouvelle s'lon Luc, Chapitre 13, vèrsets 6-9:Saint Luke's Gospel, 13:6-9:
Et i' lus racontit ch't' histouaithe: "Y'avait un houmme tch'avait un fidgi dans san gardîn, et i' vînt en tchilyi du frit, et i' n'y'avait pon d'frit. Et i' dit à san gardîngni, 'Vai-tu, d'pis trais ans j'ai 'té à espéther du frit dé sus ch't arbre-chîn, et j'n'en ai rein ieu. Abat-lé don; pouortchi lî laîssi du run?' Et i' rêponnit, 'Seigneu, laîsse-lé pouor acouo eune année: j'm'en vais froutchi tout l'tou et y mett' eune graîssie. Et si auprès chenna i' bâle du frit, v'là tchi s'sa bein, mais s'i' n'bâle pon d'frit, qu'nou l'abatte.'"
Thursday, 22 September 2016
Un Êléphant
Un Êléphant
Un êléphant
est gris et grand
par driéthe, par d'vant,
et par dédans.
Un êléphant
n'fait pon d'san tchian,
mais pâsse san temps
paîsibliément.
Un êléphant
n'est pas au d'sans.
Nan-dgia! Il en
a l'tou d'san lian.
Et l'êléphant,
tch'est hardi b'sant,
va sus san lent
à ch't adgèvement.
Tuesday, 20 September 2016
Eune Douzaine dé Mithacl'yes - A Dozen Miracles
Eune poésie auve sa traduction Angliaîche:
A poem with English translation:
A poem with English translation:
Eune Douzaine dé Mithacl'yes
Quand nou vèrra les cats et tchians
danser ensembl'ye en souaie et gants;
quand plieunmes craîtront sus les brébis;
quand les ouaîsieaux éthont quat' pids;
quand chîn fais quat' f'thont deux fais ieune;
quand nou f'tha crêpe dé la plieine leune;
quand un homme soûl es'sa d'adèrt;
quand paîssons s'craûl'lont dans des bèrs;
quand l'grand picot dé Jeann'ton l'Dain
juqu'tha sus l'nez d'Moussieu l'Douoyen;
quand j'apprendrons à liéthe ès vieaux,
les fil'yes laîss'sont les hommes en r'pos.
Mais criyiz-mé, mes chièrs êfants:
i' s'sont les mêmes acouo longtemps.
Coumme un touauthé dans eune boutique à porcélaine
Coumme un touauthé dans eune boutique à porcélaine
Coumme un touauthé dans eune boutique à porcélaine,
nou fait des rouaux, nou bute et bueûle, nou-s'est monté;
mais sans pouver y prendre l'avant, nou pèrd sa peine,
et dêliêment nou s'trouve acouo bein ahonté.
Nou r'mue san pid - tchi pataflias! Tout est d'pichi:
coumme un touauthé dans eune boutique à porcélaine,
nou bûche des tâsses, des mogues, des pliats - acouo mârri
assez pouor mett' en miettes les meubl'yes jusqu'ès ôsaines.
Nou-s'atchule... las! Nou met l'pid bas... Tchi pilvâqu'sie!
Et tout s'adonne au pilôsi hardi quédaine,
épis tout l'tou dans l'aithe y'a raîque des vieillâqu'sies
coumme un touauthé dans eune boutique à porcélaine.
Subscribe to:
Posts (Atom)