Sonnet 51 dé Shakespeare

Sonnet 51

M'n amour extchûth'tha man bidet pièrcheux
tchi m'emporte bein douochement quand j'tchitte siez té.
Pouortchi m'prêssi d'aller à pèrte d'ta veue?
Ch'est pouor èrv'nîn qué j'dévthais galoper.
Mais tchille extchûthe qu'i' trouv'tha, man hîngnot,
tchi sembl'ye s'landrer en allant ventre à tèrre?
J'ai à l'cachi, ouaithe qué j'scodde en scouâlot,
sîlyant lé ciel sans janmais r'mèrtchi dg'ièrre.
Lé pus parfait amour a grée man d'si:
n'y'a pon dé j'va tchi pâsse lé d'si tchi vole.
J'y vol'lai sus man d'si êtchèrfroutchi -
m'n amour tout coumme extchûth'tha ma quédole:
depis qu'i' s'êlouongnit d'té à la naque,
j'èrcouôrrai siez té, en dithant qu'i' s'paque.

Dictionary addenda

Two plant names in forms not given in the dictionaries came up during conversation at the café yesterday:

• la corps-nu (f) = Jersey lily (Amaryllis belladonna)
• du glièrru = ivy

Corps-nu (evidently feminine, with some doubt as to how to spell it: should there be an e on the end?) is an alternative to the more generally used belles-toutes-nues. Same idea: that the flowers and leaves appear separately.

Ivy has a number of variations. The Dictionnaire gives dgèrrue, hierru, lierru, hierrue, but gives as mainland Norman cognates éru, gliéru, glleru (Trésor de la langue normande gives eru, glléru, hière, lierru, lléru, lyéru, yéru)

Jèrri - Nordfriesland

Eune rencontre à La Société Jersiaise, Mardi, entre des Jèrriais et des gens d'Nordfriesland. Enid de Gruchy raconte "Raîque pouor chenna j'eus l'sa" d'Eileen Le Sueur, et Audrey Lucas présente "Lé Côti dans la vallée" d'Joan Tapley (extraits)

On Tuesday, there was a get-together at La Société Jersiaise between a visiting party of Northern Frisian-speakers and some Jèrriais speakers. There was a presentation on Jèrriais and some Jèrriais literature, and discussion of minority-language issues. Frisian is a Germanic language closely related to English: Nordfriisk Instituut.

Lé Sèrmon sus la Montangne (10)

Tenth (and concluding) part of a Jèrriais version by Frank Le Maistre of the Sermon on the Mount (as published in the magazine The Pilot). Read by Geraint Jennings.

Les cheins tchi m'disent: Seigneu, Seigneu, n'entréthont pon tous dans l'rouoyaume des cieux; mais ch'tîn'na seulement y'entrétha tchi fait la volanté d'man Péthe tch'est dans les cieux.

Il y'en a bein des pièches tchi m'dithont chu jour-là: Seigneu, Seigneu, n'avons-je pas prophétisé en vouot' nom? N'avons-je pas cachi les démons en vouot' nom? et n'avons-je pas fait bein des mithacl'yes en vouot' nom ?

Et là j'lus dithai franchement: Jé n'vouos ai janmais connus; hors dé ma vaie, vous tchi faites des oeuvres d'innitchité.

Boujou la langue normande !

La Voix Le Bocage rapporte:

Boujou la langue normande !

Pour Pierre Boissel, ancien professeur de linguistique, spécialiste de la dialectologie normande, et d’histoire de la langue à la Faculté de Caen, aujourd’hui à la retraite, ce qui est certain c’est qu’« il n’y a pas une seule et même langue normande mais plusieurs pratiques dialectales sur un même territoire ». Il n’est donc pas question d’un seul et même « patois » mais bien plutôt d’une « langue normande » qui diffère selon le « pays » sur lequel elle est parlée et véhiculée.

Sonnet 18 d'Shakespeare

Sonnet 18

J'dithais qu'un jour d'Êté lit dans ta fache,
mais tu'es pus balanchi et bein pus bé.
V'là les flieurs du mais d'Mai qu'les vents égdachent,
coumme nou s'en va trilyi l'contrat d'l'Êté.
Parfais l'èrgard du solé nos embliûte
et souvent sén yi êcliaithant veint couèrt,
et châque bieauté d'un bieau but, véthe, dêroute
mais qu'la mathée d'Natuthe la couothe à tèrre.
Mais t'n Êté êtèrnel n'étha pon d'tchête:
ta bieauté reste tréjous à l'embelli.
La Mort n'en craqu'tha pon qu'tu'es souos la bliête,
quandi qu'tu pouss'sas dans ma poésie.
Lé monde vivthont et vèrront, entrétant
qué t'n or lithe ichîn d'dans en nièr et blianc.

• Acouo eune vèrsion Jèrriaise: Es-tu, ma belle, coumme eune journée d'Êté!

Tchu-lŷmpiques

Tchu-lŷmpiques

La branque

                 chèrgie

                            cahuche;

la gŷnmnaste

                  êcanche ses

                                   calipettes;

la brîsette

                pique les poummes

                                             à pliat tchu;

les hardelles

                 bonnetchulent en

                                             tchêtinnes.

La brecque

brecque = gap, breach, field entrance

Acouo eune fais à la brecque... - Once more unto the breach... #jerriais pic.twitter.com/zb6MWBGoue

— L'Office du Jèrriais (@le_jerriais) August 14, 2016

Ch’est un failli tchian tchi n’peut rester à sa brecque - it's a poor dog that can't stay at its entrance #jerriais #proverb

— L'Office du Jèrriais (@le_jerriais) August 14, 2016

I’ faut r’garder la brecque dévant la sauter - Look at the gap before jumping it (look before you leap) #jerriais #proverb

— L'Office du Jèrriais (@le_jerriais) August 14, 2016

La Fèrme

J'vînmes un tas d'vaques dé Jèrri à La Fèrme - We saw lots of Jersey cows at the farm fun day #jerriais pic.twitter.com/yCcJTL022k

— L'Office du Jèrriais (@le_jerriais) August 14, 2016

Nou chantit en #Jèrriais à La Fèrme hièr - singing yesterday @Kit_Ashton @DeputyTadier pic.twitter.com/gVpOzHVobM

— L'Office du Jèrriais (@le_jerriais) August 14, 2016

La Lettre Jèrriaise

La Lettre Jèrriaise:

Du P'tit Prînce, Chapitre 14:

La chîntchième plianète 'tait bein tchuthieuse. Ch'tait la pus p'tite dé toutes. Y'avait justément assez d'louga pouor mâter eune veue d'rue et un alleunmeux d'veues. Lé p'tit prînce n'arrivait pon à s'explyitchi à tchi bouôn pouvait êt' eune veue d'rue et un alleunmeux d'veues tchique bord dans l'ciel sus eune plianète sans maîson ni monde. Tout coumme i' s'fit à lî-même: "Ch't houmme-chîn est ofûche un nioleux. Tout coumme i' niole mains qu'lé rouai, qu'lé cratcheux, qu'lé marchand et qu'lé pînteux. Du mains san travas a un r'êffet. Quand il alleunme sa veue d'rue, ch'est coumme s'i' griyait acouo eune êtaile ou eune flieur. Quand i' dêteint sa veue d'rue, v'là tchi endort la flieur ou l'êtaile. Ch'est un bieau djobbe; véthe, ch'est utile viyant qu'ch'est bé."

Quand i' d'valit sus la plianète i' saluit l'alleunmeux respectueusement, "Bouônjour! Pouortchi qu'tu'as justément dêteint ta veue?"

"Ch'est l'ordre," qu'l'alleunmeux rêponnit. "Bouônjour!"

Lé Sèrmon sus la Montangne (9)

Ninth part of a Jèrriais version by Frank Le Maistre of the Sermon on the Mount (as published in the magazine The Pilot). Read by Geraint Jennings.

Gard'ous bein dé donner les choses saintes ès tchians, et n'fliantchiz pon vouos pèrles ès quétots, d'peux tch'i' n'les pilvâquent, et qué s'èrtouônnant sus vous, i' n'vouos égdachent.

D'mandez, et nou vouos donn'na; chèrchiz, et ou trouv'thez; tapez à l'us et nou vouos l'ouvritha.

Car tout homme tchi d'mande èrchait; et tchi chèrche trouve; et nou-s-ouvritha au chein tchi tape à l'us.

Et y'a-t-i' un homme d'entre vous tchi donne eune pièrre à san fis quand i' li d'mande du pain?

Ou s'i' lî d'mande un paîsson, lî donn'na-t-i' un sèrpent?

Un Êléphant

Aniet ch'est la Journée Mondiale d'l'Êléphant:

Today is World Elephant Day:

Un Êléphant

Un êléphant
est gris et grand
par driéthe, par d'vant,
et par dédans.

Un êléphant
n'fait pon d'san tchian,
mais pâsse san temps
paîsibliément.

Un êléphant
n'est pas au d'sans.
Nan-dgia! Il en
a l'tou d'san lian.

Et l'êléphant,
tch'est hardi b'sant,
va sus san lent
à ch't adgèvement.