Man p'tit fréthe

Né v'chîn l'texte d'aniet d'not' auteu du mais, Florence Mary Hacquoil (FMH):

Here's today's text by our author of the month, Florence Mary Hacquoil (FMH):

Man p'tit fréthe

Man p'tit fréthe s'appelle Roger;
Ch'est un vilain p'tit avé!
Il a d'pichi mes poupettes
Et a prîns toutes mes belles jouettes.

Si ch'est qué jé l'èrprimande,
Il est comme un p'tit démon;
I' tape du pid et grînche des dents
Et plieuthe et crie à pliein ponmon.

I'n'a pon un moment d'arrêt,
Et même à tabl'ye né peut rester,
Mémèe lî donne dé tchi chouaîsi,
Mé, faut qué j'mange chein qu'est sèrvi.

Auve eune brioche y'a tchiques sémaines,
Dans not' êtabl'ye i' s'faûfilit
Où'est qu' i' fit un tas d'saccage
Et la coue des vieaux coppit.

I'mînt la jument à banon;
Ou galopit parmi les flieurs;
Ou gavachi touos les boutons
Des anémônes presque êpannies.

I' s'êmancipit dé chasser
Les canards dans not' vivi;
I tchulbutit dans l'pité
Quand san pid sus l'bord drissit.