Pollock with Jersey Royals - Du vidan auve des Rouoyales

Lé Guardian couque:

Angela Hartnett's pollock with watercress mayonnaise and Jersey royal potatoes recipe

A fabulous fish dish that works wonderfully with these tasty potatoes. Serve this dish with Jersey royal potatoes. They are perfect with lamb or fish, and this watercress mayonnaise ties it all together beautifully. Take advantage now – Jerseys are only around for another few weeks.

Et la v'chîn en Jèrriais:

• 500g dé patates Rouoyales
• un touffet d'cresson
• 200g dé mayonnaise
• 50ml d'hielle d'olive
• 4 filets d'120g dé vidan auve lus pé, sans héthèques
• 10g dé beurre
• du sé et du paîvre

Lavez les patates et m'ttez-les dans eune sâsse-painnée dg'ieau fraide auve eune pînchie d'sé. Caûffez jusqu'à en bouoilli épis rêduithe dêliêment l'feu et mitonnez pouor eune vîngtaine dé minnutes.

Quandi qu'les patates sont à bouoilli, hadgiz la maîntchi du cresson bein finnement et dêmêlez-lé d'auve la mayonnaise.

Asseûth'-ous qu'les patates sont bein bouoillies épis êputhez-les et laîssiz-les dans l'sâsse-paine couvèrt du couèrcl'yes pouor garder caudes.

Vèrsez la maîntchi dé l'hielle d'olive dans eune câssetrole non-cliut'rêsse et caûffez-la sus un feu mouoyen. Assaîsonnez les filets et pliaichiz-les adentés sus lus pé dans la câssetrole, en les chôlant un mio à seule fîn qu'i' n'cliutent pon. Rêduithez jusqu'à un feu bas/mouoyen et fricachiz pouor dans les quat' minnutes dé châque bord.

Vilyiz qu'les filets saient bein tchuits et sèrviz-les auve les Rouoyales et la mayonnaise au cresson. Parfénez l'restant du cresson du bord et ajouôtez un brîn d'sé d'rotchi et d'beurre.