1952: Une exposition d'mousses

 Une exposition d'mousses.

Ou s'avez tait a d'expositions d'animaux, de flieurs, de machinnenie et ainsi d'suite, mais avous jamais tait a une exposition d'mousses. Nonnin! V'nez don avec mai dans vot imagination et j'm'envais vos raconté.

 

Ah! mon p'tit creton, mon p'tit poulet. Sapre p'tit salope. Tait té. Lizzie! Lizzie! vin t'en conté tes scenes. Et comment tu'est. Ah, pas du tout bein, chez mon bouan homme y ronfle comme un ketto. Tu devthais l'y dithe de freummer sa bouche. Mais j'ai dit, mais y ma dit : freumme ta bec, tait. Fourre l'y du sé ava la gorge. Tu sait bein Flip et Merrienne, qui lus mathiétes y'a traies s'maines, as-tu oui les nouvelles? Nonnin, ch'est tch'est. Le dit pas, car la sienne qu'i m'la dit avait promi a la sienne qui y'avait dit de ne le dithe pas. Ah, bah … dit-le a ta soeu' mais … l'y dit pas chez mé qui t'la dit. Nonnin, mais ch'est ch'est. Soudisant ils ont des p'tit lapins.

 

Né v'chin l'recteu, est t'y charmant, dit. Ah! salut Mrs. Tracas. Oh! ches chiers petits, donnez m'nen yun j'vos en pris. Chi beau temps n'estche pon? Oh! ne v'la une achie d'puie. Prennez don votre ballot. Il a roublié l'temps qu'il tait sus les g'nors a sa memée. Pense qu' j'fus a l'égise dismanche matin et j'mins deux sous dans la collecte, j'ny irait pas. Chez tu peux t'attendre pour deux sous. Ne v'la la damme de Grouville, crai-tu qu'oulle en fait d'son chou, ch'nez pas d'p'tit biethe.  Mais ergarde sa belle casaque. Ma fille, ma laveresse va a yi, ou' ma dit que le d'sous, ch'est des chiques. Son bouan homme creve d'la faim, ou' n'pourrait pas seulment bouilli un oeuf d'cuckoo. N'ou m'a dit qua la piece de nett isa maison ou' s'abuse a peindre les ongles de ses ortées.

 

Tu vait la sienne au pi d'tait, as-tu ouit. Nonnin, et bein soudi ou' met des combinations. Chez elle ch'la. Tu n'sait pas. Non, n'y mé n'tout. Ch'est p'tetre bein ch'la qu'i' appelle braies et veste, tu l'as ma fille.

 

Et vous, Madame Sait Tout, ou'est vot' homme va au sait, vais sa methe d'pis qu'ou etes si chuthieuthe. Ou bein, dans chu cas-la, je sis sa methe. Oh! la catte, quant j'menvais v'nin siez nous, j'menvais t'y y'en bailliyi, et mé qui l'tait a l'y donné d'soeufs d'battus, chez du vinaigre qui l'y faut. Ne v'chin l'juge, fait l'y bouanne mine. Salut Moussieu l'juge. Vot' mousse est comme un lanchon, chez qu'ou l'y donnez a mangi. Du bouan lait d'vache. Oh! bein, donnez-l'y du lait d'pigeon. Veurs-tu gagi qui s'en va donné le preumié pris a chu p'tit laid neigre la. Ah, tu prins avis, il a un frouet drièthe l'outhielle. Y n'y connais rein, y n'pourrait pas seulement jugi des p'tits cats. Quant t'chi j'y pense, vin siez nous d'main. J'allons tué l'co. Ah, j'ten prie, me pale pas d'autre d'assuthance. Si ou voulez être amusée allez s'y pour vous meme, ou s'en ouithez pour vos quatre sou. Hélas! Hélas!

 

S.P.Le Ruez.