1969: "Parlers et Traditions Populaires de Normandie"

 Lé Bulletîn d'Quart d'An dé L'Assembliée d'Jèrriais

La St. Miché et Noué 1969, Vol 3, Nos 18 et 19:

Parlers et Traditions Populaires de Normandie

 

J'èrchévons rédguliéthement lé Bulletîn trimestriel de la Sociêté "Parlers et Traditions Populaires de Normandie". Ch'est eune hardi întérêssante publyicâtion entouor, comme lé dit l'titre, la langue Nouormande et les traditions, et cétéra, cont'nant étout d's articl'yes et des poésies, en Français et en Nouormand, sus toutes sortes d'sujets.

 

Les gens tchi contribuent à chutte publyicâtion sont tous des savants d'Nouormandie bein connus, tels qué Moussieu Fernand Lechanteur, Messieurs André Dupont, Yves Nédélec, André Louis, l'Abbé Marcel Le Légard, l'Abbé Lohier et bein d'autres. Lé Directeur est Moussieu L'Chanteux du Lycée Malherbe, Caën, et l'Trésôryi et Ségrétaithe Moussieu Dupont, s'n adresse étant 224, Rue Robert Schuman, Saint-Lô. L'abonnement annuel n'est qu'5 Frs.

 

Jé voulons répéter qué ch'est d'tchi raide întérêssant qué nou trouve là-d'dans et la variêté dé chein tchi y'est est vraiement r'mèrquabl'ye. Jé saluons bein respectueusement, et auve admithâtion, toutes ches bouonnes gens tchi sont responsabl'yes pouor produithe chu bulletîn et j'lus env'yons nouos miyeu complyîments, tout en lus souhaitant un grand succès pour l'av'nîn.