J'y chantons not' hodgîngnolenot' hodgîngnole, not' Noué;
j'y couothons par les chénoles
dé La Rocque à Grosnez!
Jouaie et amour à té
et étout à ta santé!
Qu'Dgieu té bénisse et t'env'yie eune bein bouonne année
et qu'Dgieu t'env'yie eune bein bouonne année.
Not' dgichon est faîchonné
en bouon bouais d'la bouaîs'sie.
Prans du cidre épis vèrse-y
d'ta miyeu bathilyie!
Jouaie et amour à té
et étout à ta santé!
Qu'Dgieu té bénisse et t'env'yie eune bein bouonne année
et qu'Dgieu t'env'yie eune bein bouonne année.
Jé n'sommes pon des tchaîmands
à tcheûter par les c'mîns,
mais j'sommes dé tes connaîssants,
les mousses à tes vaîthîns!
Jouaie et amour à té
et étout à ta santé!
Qu'Dgieu té bénisse et t'env'yie eune bein bouonne année
et qu'Dgieu t'env'yie eune bein bouonne année.
Apporte-nous un mio d'podîn
épis d'la gâche sus l'ais,
d'la pitchette et tchiques pénîns;
j't'èrmèrcions bein des fais!
Jouaie et amour à té
et étout à ta santé!
Qu'Dgieu té bénisse et t'env'yie eune bein bouonne année
et qu'Dgieu t'env'yie eune bein bouonne année.
No comments:
Post a Comment