Monday 22 December 2014

Par les chénolles crève-tchoeu - Byla cesta, byla ušlapaná

Par les chénolles crève-tchoeu
Eune vèrsion Jèrriaise du cantique dé Noué Tchèque "Byla cesta, byla ušlapaná"


Par les chénolles, par les chénolles crève-tchoeu,
par les chénolles, par les chénolles crève-tchoeu
tchi qu'y marchit? tchi qu'y marchit?
La méthe dé not' Seigneu.
Tchi qu'y marchit? tchi qu'y marchit?
La méthe dé not' Seigneu.

Ou rencontrit là la sainte Lîzabé,
ou rencontrit là la sainte Lîzabé
"Ioù qu'tu vais, té, ioù qu'tu vais, té,
ma couôsinne, à ces sé?
Ioù qu'tu vais, té, ioù qu'tu vais, té,
ma couôsinne, à ces sé?"

"J'm'en vais, couôsinne, j'm'en vais à la chapelle,
j'm'en vais, couôsinne, j'm'en vais à la chapelle,
ouï les vêpres là, ouï les vêpres là;
où'est qu'la chant'tie est belle;
ouï les vêpres là, ouï les vêpres là;
où'est qu'la chant'tie est belle."

"Nou-fait, couôsinne, n'va pon à la chant'tie!
Nou-fait, couôsinne, n'va pon à la chant'tie!
J'm'en vais té dithe, j'm'en vais té dithe,
qué tu'éthas un p'tit fis.
J'm'en vais té dithe, j'm'en vais té dithe,
qué tu'éthas un p'tit fis.

Tu l'éthas quand l'monde en s'sont touos rêjouis.
Tu l'éthas quand l'monde en s'sont touos rêjouis.
Mais i' gèle dû, mais i' gèle dû,
touos les fontaines et pits.
Mais i' gèle dû, mais i' gèle dû,
touos les fontaines et pits.

Tchi qui créthait en ouïyant chutte nouvelle,
tchi qui créthait en ouïyant chutte nouvelle
qu'y'étha un fis, qu'y'étha un fis,
né d'eune vièrge, d'eune hardelle?
Qu'y'étha un fis, qu'y'étha un fis,
né d'eune vièrge, d'eune hardelle?

Duthant les fêtes, duthant les fêtes dé Noué,
duthant les fêtes, duthant les fêtes dé Noué
quand les fontaines, quand les fontaines
et les pits sont touos g'lés,
quand les fontaines, quand les fontaines
et les pits sont touos g'lés."

N'y'a pon d'ouaîsé, ni mouosson ni raîté,
n'y'a pon d'ouaîsé, ni mouosson ni raîté;
raîque la néthe fraid, raîque la néthe fraid,
raîque eune touothâle dé né,
raîque la néthe fraid, raîque la néthe fraid,
raîque eune touothâle dé né.

Y'a eune seule ieau tchi n'avait pon tout g'lé,
y'a eune seule ieau tchi n'avait pon tout g'lé,
où'est qu'la Mathie, où'est qu'la Mathie
s'en fut qu'si eune bouqu'tée
pouor san Jésû, pouor san Jésû
pouor douochement lé laver.

No comments: