Thursday 1 July 2010

La Cotte dé Saint Brélade


La Cotte de St Brelade
Chèrgi preunmiéthement par
declanfleming
According to the BBC, a team of 21 archaeologists will be digging, besides other places, at La Cotte dé Saint Brélade. They will be investigating Jersey's prehistory.

They needn't bother - Papa has explained it all already:

“Bein, man fistaud, j'm'en vais t'raconter coumme tchi qu'ou 'tait, la vie duthant l'Âge dé Pièrre en Jèrri.” Papa s'assiévit sus un rotchi et dessinnit la silhouette d'un êléphant laineux dans l'sablion. “L's hoummes des caves soulaient chasser l's êléphants laineurs, et les rhinocéros laineurs étout, et les hippopotames laineurs, et les girafes laineuses. Et viyant touos ches annimaux laineurs, un jour i' lus vînt à l'idée dé lus couvri d'laine d'êléphant à seule fîn dé lus garder bein cauds, et don i' c'menchîtent d'ouvrer des corsets d'oeuvre. Mais les St. Ouonnais prîntent du temps à arriver enfîn ichîn à St. Brélade - i' n'y'avait pon d'bouôns c'mîns entre les pâraîsses à chu temps-là - et don i' n'restait qu'les pus vièrs êléphants laineurs. Né v'là pouortchi qu'i' sont des Gris Ventres, pa'ce qu'il' ouvrîtent lus corsets d'oeuvres d'la laine dé gris êléphants.”

“Oh Papa! I' portaient des pieaux!”

“Ch'est bein vrai. Ch'est en tchi l'expéthiment auve les corsets d'oeuvre né marchait pon trop bein. Touos lus ôtis 'taient en pièrre dé feu. Lus coutchieaux 'taient en pièrre dé feu, lus haches 'taient en pièrre dé feu, lus tchulièrs 'taient en pièrre dé feu, et même lus sâsse-paines 'taient en pièrre dé feu.”

“Des sâsse-paines en pièrre dé feu, Papa?”

“Bein seu! Il' alleunmaient lus feurs en tapant ensembl'ye deux sâsse-paines. Ch'tait bein pratique - i' n'y'avait pon d'êlectricité dans les caves.”

No comments: