La Tête-nue à Chewed-ear
Quand Chewed-ear Jenkins sé fit marier à Guinneyveer McGee,
I l'avait unn' belle têtèe sé qu'veux - pas un seul n'était
gris,
Mais ov lé temps, les soins du maînage, ou tchiq' aût'
chose, jé cré,
Les firent touôs disparaître, coumme d'la nai au r'nouvé;
Et i n'y'ièn resti pas pus sus sa tête, pour vos l'dire en
un mot,
Qu'ou n'en trouv'rêtes au plien, sus un gros blianc galot!
Guinneyveer et Chewed-ear étaient unn' bein aimable pârre.
Jamais entré yieux i n'y'i'avait d'brit, ou autchun
tintamarre,
Mais quand les vaîsins vinrent à s'motchi dé s'n'houmme, et,
disaient qué ch'tait l'yi
Qu'avait pliummè d'maîme lé pouôre Chewed-ear, Guinneyveer
sé mârrit!
Et chutt' nièt-là, ou dît à Jenkins, quand ils 'taient en
lus couôchant:
"Man vieux, j'm'en vais tè faire tout bé, pour cliôre
la bec ès gens,
J'ai achatè douze boutillyies d'"Baûme," pout
faire ercraître les qu'veûx,
Et tu verras qué dans p'tit d'temps, tu pouôrras té fichi
d'yieûx,
Jé t'aîme occouo hardi bein, et jé n'veurt pon té vais
d'maîme,
Lé "Baûme" les f'ra pousser ossi vite, coumme
pliantes dé m'lon souôs frême
La douzaîne y pâss'ra, bein seûre, et pour qué rien
n'dèsroute
J'té frott'rait tout sus ta bénite tête, jusqu'à la derniè
goutte!" -
V'là tchi fît lé bouon houmme rire tout haût, et lé mint dé
bouanne humeur,
- "Bouann femme," qu'i dit, "sitôt qué j'en
verrai yieun perchi, j'té dounn'rai mille dolleurs!"
Etait-che l'idèe des sous tchi la poussait, ou bein étaitche
l'amour?
Car dédpis chutte niè-là, Chewed-ear n'eût pas dé r'pos -
Quatre fais par jour
La bouann' femme v'nait l'trouver ov sa bouteille, et y'ièn
enviait unn' esclyichie
Drait sus l'haût d'sa tête toute nue, et c'menchait sa
frott'tie;
Voire, maîme ès ès r'pas.our montrer coumme oull 'tait
aîmable,
Ou y'ièn r'pitchait unn' raide bouônne dose, dévant sé
mettre à table,
Et toutes les ny'its ou l'resvillyiait pour l'arroûser
accouo,
Mais les fichus qu'veux né s'montraient pon, maûgré san
tripôt!
(à siéthe...)
No comments:
Post a Comment