La Gamme dé Kubb

La séthée d'gammes pouor la Section de la langue Jèrriaise d'La Société Jersiaise proposée pouor à ces sé a 'te annulée par cause du temps, mais né v'chîn des règl'yes pouor la gamme dé kubb qué nou-s'éthait joué.

This evening's planned games session in Jèrriais with La Société Jersiaise has been cancelled due to the weather, but here are rules for the game of kubb which would have been played:

La Gamme dé Kubb

 

1 rouai

10 c'valièrs

6 batons

4 mèrs

 

 

 

Lé tèrrain est mèrtchi atout les mèrs à dans les dgiêx engambées d'long par chîntch' engambées d'laîze (ou comme nou veurt s'accorder)

 

Lé rouai est pliaichi au mitan du tèrrain et mèrque les deux maîntchièrs du tèrrain. Chîn c'valièrs sont mâtés pouor châque êtchipe ès buts du tèrrain.

 

Nou pique un bâton pouor patter. L'êtchipe tchi pique lé bâton l'pus près du rouai (sans l'adèrchi) c'menche.

 

D'lus but du tèrrain (driéthe lus c'valièrs "au but") les joueurs d'la preunmié êtchipe piquent lus bâtons pouor adèrchi les c'valièrs d'l'aut' êtchipe (nou dait pitchi à la boule ou arriéthe-couêsé, janmais bras-d'ssus au moulîn' à vent ni horizontalement, ou en hélicoptéthe). Quand la preunmié êtchipe a pitchi ses bâtons, la deuxième êtchipe ramâsse les c'valièrs adèrchis et les pique à la maîntchi d'tèrrain d'la preunmié êtchipe. Les c'valièrs "au clios" r'sont mâtés où'est qu'il' ont tchée.

 

Achteu y'a des c'valièrs "au but" et des c'valièrs "au clios". L'êtchipe dait adèrchi les cheins au clios d'vant d'mither les cheins au but.

 

Quand la deuxième êtchipe a pitchi ses bâtons, les c'valièrs adèrchis sont pitchis dans la maîntchi ès opposants.

 

Ouaithe qué nou daive pitchi ses bâtons dé driéthe les c'valièrs, si l'aut' êtchipe n'a pon adèrchi touos les c'valièrs dé but, les pitcheurs peuvent avanchi jusqu'au ras du preunmié c'valyi au clios. Quand lé c'valyi au clios est adèrchi, nou r'va driéthe les c'valièrs (ou la lîngne) début.

 

Quand eune êtchipe étha adèrchi touos les c'valièrs d'l'aut' êtchipe, i' peuvent mither l'rouai. S'il' adèrche lé rouai, i' gângnent.

 

Si un joueux adèrche lé rouai sans aver adèrchi les c'valièrs dé l'opposition, s'n êtchipe pèrd la gamme.