Quarante jours et quarante nyits
tu fis un jeun dans lé d'sèrt;
Quarante jours et quarante nyits
sans êt' êgalué d's ordgièrs.
Chârons étout ta mînséthe,
en r'nonchant les jouaies d'ichîn,
en jeûnant sans cêsse en priéthe,
suffâtchant l'ma du Malîn.
Et si l'Dgiâbl'ye, d'un mârrisson,
assâle la chai ou l'esprit,
Té tchi l'couochis tout san long,
arme-nous contré tout dangi.
La paix divinne don j'éthons;
auve les saints jé s'sons rêjouis;
des anges, tout l'tou d'nous, lithont
comme les cheins tchi t'ont sèrvi.
Garde, oh garde-nous, chièr Saûveux,
tréjous fidèles au ras d'té;
pouor qué j'séyons là ès cieux
à ches Pâques d'l'êtèrnité.
No comments:
Post a Comment