D'la gâche picotée Gallouaise - Bara brith

 Aniet ch'est la Saint Dâvi, l'jour nâtionna d'Galles

Today is Saint David's Day, the national day of Wales

D'la gâche picotée Gallouaise

(Bara brith)

 

îngrédgeins:

 

• 450g dé flieu
• 7g dé sé
• 20g dé frais l'vain
• 75g dé beurre (et un mio d'extra pouor graîssi la lachefraie)
• 50g dé jaune chucre
• 2 tchullées à thée d'êpices
• 350g d'corînthes et raisîns
• 1 oeu
• 225ml dé caud thée (fort comme un j'va)

 

èrchette:

 

Dans eune bolle, dêmêlez la flieu, l'sé et lé l'vain, épis frinner l'beurre dans la flieu. Ajouôtez l'chucre, l'êpice et l'frit, et dêmêlez tout bein. (Nou peut laîssi l'frit à trempé d'l'avant dans du thée)

 

Ajouôtez l'oeu épis l'thée et faites-en eune pâte. Pêtrissez la pâte, et r'mettez-la dans la bolle et laîssiz à r'penti au mains pouor eune heuthe jusqu'à ch'qu'ou sait l'vée.

 

Caûffez l'fou à 200°C et graîssiz eune lachefraie à pain. Tapez la pâte et m'ttez-là dans la lachefraie. Laîssiz acouo trente minnutes. Fouôngniz pouor vîngt minnutes d'vant d'couvri la gâche (atout d'la fielle dé méta) et laîssiz dans l'fou pouor acouo vîngt minnutes.