Wednesday 22 July 2015

1911: L'Morning News n'peut pon Navidgi sans nous - The Morning News can't manage without us

S'nou-s'est pouor craithe d'ité, Piteur Pain n'avait pon 'té à s'dêbaûcher auve des pataches ni à s'pronm'ner à maîntchi nu à trais heuthes du matîn...

Consorting with sluts and going around half-naked at 3 a.m.? Piteur Pain denies any such thing:

L'Morning News n'peut pon Navidgi sans nous
Pépée reste oquo au liet à cause dé sa machouethe teurque, et j'soumes, mémée et mé, a couôtre niet et jour a lis met' des habits en t'nanche. Y'eut divers bri ichin oquo hier quand l'Bos fit du train pour chu papi qu'est èsdgéthée nou n'sait yiou, et touos les sous qu'pépée a dèspensé pour né rin rapporté. Pépée a bieau y'explytchi qu'les sous fûtes pérdus ov sa casaque lé jour qu'il aidji a èsteindre chutte chapelle, lé Bos tempète oquo pus. Des men'ties tout cheunna, qui dit: ou pérdites mes sous la niet qu'ou vos dèsbauchites siez chu ouedre la vos fit crethe qu'il 'tait comte! et j'cré ben qu'ous 'taites raide perdu sous et qu'ou vos souv'nez d'rin! Ch'est honteux pour un forgeux d'vot' âge, ov eunne fomme si bouonne mainagière et eunne si charmante fille - ch'est coumme j'vos l'dit; le Bos dit qué j'tais eunne charmante fille - d'vos etre laissi plieummé par des affrontées hérpies!

J'n 'érmetchi pon d'herpies dans la chapelle, s'fit pépée; et si y'en avait, j'vos asseuthe qu'j'ôti ma casaque et man veste pour aidji a èsteindre le feu!

Shut up! rèspounni l'Bos, et rouogissis d'honte! Et chutte lettre qu'ou nos envietes de France et qu'a té publiyée sus not gazette, ou-ès qu'ou dites qu'ous avaites passé la niet a joué ès cartes, a béthe, et je n'sai tchi oquo; et qu'eunne cab vos ram'ni quasi nu a très heuthes du matin a votre hôtel! Et les siex louis qu'vot' femme vos envyi pour accaté un drécheux en vier tchène: Y'ou qu'il est, chu drécheux la?

Mé, avé èscrit eunne telle lettre! rèspounni pépée. Mais chutte lettre la n'est pon d'mé; ch'est tchiq' pamphèque dé la bas qui vos envyi cheunna pour mé faithe tort! J'n'ai pas veu d'comte, j'n'ai pon dîné ov des pataches, j'n'ai pon 'té r'ammé en cab a maîntchi nu a très heuthes du matin! Ch'est tchiq' jaloux d'la bas qui vos a fait crèthe pour tâchi dé m'faithe met' a la porte et avé ma job sus vot' gazette!

Y continuîtes a t'vîsé haut coumme cheunna eunne bouonne pôse, et quand pépée eut fini par dithe qu'après tout si n'tait pon content n'y'avait qu'a l'dithe et j'nos en rîthèmes forgi, l'Bos eut si grand peux d'nos perdre qui s'r'adouochi tout-d'un-co, et dit a pépée qu'enfin ch'tait fini pour chutte fais, qu'la perte d'un tounné d'papi et d'quarante et des louis n'tait pon grand chose pour lé "Morning News," et qué j'réstéthaimes pour chutte fais, mais d'n'avé pon a r'quémanchi. Souv'nous qu'ous avez eunne femme dé capacité et qu'ous ètes péthe d'ieunne des pus naïce filles de la ville - y dit ieunne des pus naïce filles - et qu'si tout va bin, et qu'man fils en sait d'avis, j'pouôraimes etre pus tard bieau-frethes et vous parchounnyi d'vant long!

V'la tchi m'fit rouogi d'entendre d'vîsé d'même, et j'mé scoddi dans ma chambre èscrite des lettres a tchiques boutiques pour savé combin y faudrait d'verges de cotton pour faithe douze douzaines de qu'minses: vaut aussi bin etre prète en temps.

Miss Lonôre Paine
Morning News 29/9/1911

No comments: