skip to main |
skip to sidebar
L's Êtailes - Stars
Les milles êtailes là-haut - tchi fliotchet d'bieaux p'tits lampions!
La leune et sans pilote sé sîllant à travèrs lé ciel;
La Canitchule, la Pouochinniéthe et les Trais Rouais, -
Les leumiéthes du Royaume pour touos les corps mortels.
L'Homme dé d'dans la Leune a la vie bein belle :
Chaque sé, faithe l'amour à toutes les ételles
Sans bésoin dé craindre la botte à tchique péthe,
Ou la langue bein affilée d'eune fichue belle-méthe !
Ptetre qou contai l'z etails illes les contes ach nou dit
Jen sais rain! mais je sai queje tais fierment fiqui
Ergardant sa leu et s'nombre - y fallai
Que sa leu fut eteinte, pour k je peusse men allé
Et a la fin des fins, ove paine j'em trainais
Siez me...
Dévant qu'tu n'vînsses lé gardîn 'tait sans flieurs,
L'êtaile en haut n'êcliaithait pas les cieux,
Les chants né v'naient pas rempliaichi les plieurs
Ni l'espéthance mett' la jouaie ès yeux.
O, flieur, restes êpannie et tout souôrrit,
Ecliaithes, êtaile, et la niet dispathaît,
O, chant si doux, continnues à m'rêjoui;
Flieur, Etaile, Chant - ch'est l'Amour, l'Amour à janmais!
Ou brillera comme unne belle ételle;
Tous ses flianflins, ses bagues, ses guiamants,
F'ront dire à tous: Oh, la belle hardelle!
Admirons la pour ses biaux ornements.
La leune s'est levaie bein des fais,
Et lé solé étout,
Et les aietelles ont aiecliaithi,
Sus l'ruissé et sus l'dout.
No comments:
Post a Comment