Y'étha êlection!

• Ch'est la grande êlection, et j'proposons tchiques buts d'l'amas d'littéthatuthe êlectorale en Jèrriais: 
• We've got some selections from the wealth of election-related Jèrriais literature to accompany Jersey's elections:

Les Elections

A ch'teu, pour r'venin à nos Sénateurs, y'a p'tit-d'temps nous avait bouonne espéthance que y'éthait chinq ou six candidats, mais à ch'teu, accordant à la "Post" et chein qu'nou ouait ichîn et là, i' semblye tchi pouôrrait y'en aver une multitude. La Merrienne dit tant pûs tant mûs, mais quant à mé j'ai grand r'gret que dans l'nombre i'n'se trouve pas un seul vrai Saint Ouennais de la trempe du bouonhomme Jean Priaulx tchi fut dans l's Etats siez ans sans dithe un mot sinon quand i' tait forchi d'voter et tchi disait "Contre"! Nou n'les trouve pas chais hommes-là à ch'teu, tchi n'avaient pas d'peux dé faithe les sous cirtchuler dans la paraisse pour être seux d'y v'nin.