Y'étha êlection!

• Ch'est la grande êlection, et j'proposons tchiques buts d'l'amas d'littéthatuthe êlectorale en Jèrriais: 
• We've got some selections from the wealth of election-related Jèrriais literature to accompany Jersey's elections:

Maîte Jean Dangnié sue l'Zélections

Piès y me dit, "Vechin Janvi
Qui bain vite s'apreche,
Y nos faudra bétôt choisi
Qui j'allons mettre en plièche.
De nommé nos réprésentants,
Je cré qu'il en est betôt temps,
Nos gens."
Oh! ho! ho! ho! Ah! ha! ha! ha!
Prépazous tous pour chu jour là,
La, la.


"J'envions," di-ti, "dans les Etats,
Depie bain des annaïs,
Une vraie racachie d'ingrats
Qui nos ont rit au naïs.
J'avons, et j'en fais les aveux,
Mins la quezue devant les beux,
Messieurs."
Oh! ho! ho! ho! Ah! ha! ha! ha!
Pâle ti bain chet homme-là.
La, la.