Ouroboros
Nou tchil'ye des brîns dé lueu tchi tchaient et tcheuthent;
y'a un rouôlot êtînchélant en l'air,
eune lisiéthe tchi pétil'ye par la carre;
eune balle dé yi tch'est douothée coumme du beurre.
Lé bel à balle est mèrtchie par des lîngnes
êssoûffliées souotre un riban tchi s'allouongne;
les lîncheurs boulent dans eune chambre achéthinne;
nou cache eune êmânue horte dé haleine
par touos les bords, à codpîser lé ciel;
l'Ouroboros sé teurque en un solé
et d'goutte d'en haut en achies dé vèrte chithe
à seule fîn d'êtouper sept fais m'n yi ch'lé.
Les blianches blyînqu'thies aboulent pouor m'aveuglier;
les tigres rîlyis lus palment ès dents et grîns
pouor êtrilyi les bords d'la bliête en clius;
la leunmiéthe bouort abouon gré à gré.
6/10/2011
No comments:
Post a Comment