Tuesday 24 February 2015

Mentez tréjous!

Né v'chîn l'texte d'aniet d'not' auteu du mais, Henry Luce Manuel:

Here's today's text by our author of the month, Henry Luce Manuel:

Mentez tréjous!
Si y-a chiq-un à qui 'ou z-en voulez,
Seul'ment mentez !
Nirchissez-lé,
Pourchassez-lé ; -
Entendu,qu'ou z-avez l'pouver
De l'fair' sans trop vot' carcasse exposer. -
Mentez ; - Mentez tréjous!

O, chest si aisi qu'est haï ternir
... Seul'ment mentir !
N'est nécessaire
Pour bain le faire,
Que fraid'ment t'né su but nou z-a :.
Public est à-main, ... et menteux aid'ra.
Alors! Mentez tréjous !

Oui ! idée trist' !- nou' n'a, pour homrn' couler
Qu'a Calomnier!
Peuple aval'ra
Tout c'qui s'dira ;
Car anien, dans nos queurs, vertus
Coumm' duocheur, charité, n'existent pus :
Pourqui, - Mentez tréjous !

Si autou d'vous 'ou prom'nez l'yi, viyis
Suos herb' cuochis
Que d' queurs crévés,
Par ment'rie tués!
Ah! i' compt'nt coumm' sablions cheux-là!
- Mais, qu'import' - tant qu'ov vous tout flieurira?
Hé donc! Mentez tréjous !

No comments: