Friday 29 March 2013

La Bouonne Nouvelle s'lon Jean - Gospel according to John

Saint Patrick's Roman Catholic church Jersey 2
La Bouonne Nouvelle s'lon Jean
Chapitre 19, vèrsets 16-22

Épis don i' l'us d'livrit pouor êt' crucifié. Et il' emm'nîdrent Jésû. Et i' s'en fut bâté d'sa crouaix au lieu tch'a nom La Cranne (en Hébreux, Golgotha) où'est qu'i' l'crucifyîdrent auve deux aut's, l'iun d'un bord et l'aut' d'l'aut' bord, et Jésû au mitan.

Et Pilate affichit un avis sus la crouaix tch'avîsait: "Jésû l'Nazarétchien, Rouai des Juis". Y'en avait des Juis tch'èrmèrtchîdrent ch't avis viyant qu'la pliaiche où'est qu'Jésû 'tait crucifié 'tait d'amain d'la ville, et ch'tait êcrit en Hébreux, en Latîn et en Grec.

Et les grands prêtres des Juis dîdrent à Pilate, "I' n'est pon d'mêtchi d'mett' 'Rouai des Juis', au run d'chennechîn: 'I' dit, "Mé, j'sis l'Rouai des Juis"'."

Mais Pilate lus rêponnit, "Chein qu'j'ai êcrit, j'n'm'en vais pon l'changi."

No comments: