La Chanson d'Noué (Y'a des mârrons à rôti sus l'feu)

 La Chanson d'Noué (Y'a des mârrons à rôti sus l'feu)

(eune vèrsion Jèrriaise dé "The Christmas Song" (Chestnuts roasting on an open fire))

 

Y'a des mârrons à rôti sus l'feu
l'ouaîsé à rouoge bé est d'houors
y'a des cantiques chantés par un tchoeu
et l'monde sont abriés d'amors
 
Tout l'monde sait qu'un picot et du dgi
font la saîson jouaiyeuse et cliaithe
et ches p'tchiots tch'ont l's ièrs bein rêvilyis
à ces sé n's'endormithont dgéthe
 
I' savent qu'i' veindra, Papa Noué
il a chèrgi un tas d'jouettes sus san traîné
et châque pétchiot s'en va rester au dget
pouor vaie si les chèrs pouor lé vrai peuvent voler
 
Don j'vos propose chu sîmpl'ye pétit souhait
ès mousses, ès vièrs et à tous
Ouaithe qu'nou l'ait dit partout l'monde bein des fais
un raide Bouan Noué à vous
 
Don j'vos propose chu sîmpl'ye pétit souhait
ès mousses, ès vièrs et à tous
Ouaithe qu'nou l'ait dit partout l'monde bein des fais
un raide Bouan Noué
un raide Bouan Noué
un raide Bouan Noué à vous