12,000 bouochies d'son - 12,000 soundbites

Ouaithe qué nou n'eusse pon peu pâler à des gens à ches drein, nou-s'a peu pâler à des microphones. Nou-s'a don mênagi d'enr'gîstrer un tas d'bouochies d'son (sustout d's exempl'yes dé phrâses dé d'dans l'Dictionnaithe). Achteu nou-s'a justément pâssé les 12,000 bouochies d'son en lîngne

Nou-s'a étout arreuné des bouochies d'son à seule fîn qu'nou piêsse trouver d'tchi pus aîsîment. Parmi les dreines listes d'èrjouôthie y'a eune liste dé bouochies d'son sus les crianches et tout chenna, épis la vraiqu'thie et les m'suthes.

À seule fîn d'trouver d'tchi nou peut faithe sèrvi l'èrchèrche en tapant dans la boête, par exempl'ye "vaque Jèrriais" pouor trouver des bouochies d'son auve le mot vaque (mais il est d'mêtchi d'chèrchi étout pouor "vaques" et "d'vaque"). L'èrchèrche sus Soundcloud n'èrmèrque pon l's accents, don par exempl'ye "bate Jèrriais" trouv'tha baté, bâté et bâte (mais pon batés, l'baté ni d'baté). Don s'nou trouve un mot ou eune expression dans l'Dictionnaithe ou d'aut' bord et nou veurt saver comme tchi qu'ch'est prononchi ou qu'des mots sont prononchis, nou peut faithe sèrvi Soundcloud, épis étout la mâjorité des dôssièrs audgo sont dêchèrgeabl'yes.


Although it hadn't been possible to speak to people recently, it's been possible to talk to microphones. It's been possible to record a load of soundbites (especially of phrases from the Dictionnaire). The 12,000 soundbite mark has just been passed online.

The soundbites have also been organised so that they can be found more easily. Among the latest sets are a playlist of folklore & beliefs, and vraicking and quantities, weights and measures.

The search function can be used to find words and expressions. For example to find the pronunciation of the word "vaque" type "vaque Jèrriais" into the search box (but to find all phrases containing "vaque" one also has to search for "vaques" and "d'vaque"). Accents don't matter in the search, so "bate jerriais" will find baté, bâté and bâte (but not batés, l'baté or d'baté). So if you find a word or expression in the Dictionnaire or elsewhere and you want to know how it, or words in it, are pronounced, you can use Soundcloud, plus the majority of the sound files are downloadable.

Jèrriais