Thursday 10 September 2015

L'Hainitcheux

Né v'chîn l'texte d'aniet d'not' auteu du mais, Joan Tapley:

Here's today's text by our author of the month, Joan Tapley:

L'Hainitcheux
Toute not' fanmille s'assied à tablye
Et j'bouffons touos nos r'pas!
Mais, man grand fréthe - il êpinnoque - Et dit qu'i' n'en veurt pas!
L'hainitcheux!

Not' méthe ou dit qu'oulle est à but
D'prépather des fricots -
I' r'lève lé nez quand ou li donne
Des fliottes ou bein des bourdelos -
L'hainitcheux!

D'la soupe d'andgulle, des crabes grégeaises,
Du maq'sé ou du m'lon
'N'y a pas moyen dé l'faithe mangi
Car i 'dit tréjous "Non" -
L'hainitcheux!

I' mang'gea bein du lard au fou,
Des patates, des pais ronds;
J'sommes pas ravis qué not' grand fréthe
Est maigre comme un chent d'cliou -
L'hainitcheux!

Achteu qué l'gas a vingt-tchieune ans,
M'mée s'est minse à trouver
Eune campagnarde, bêtasse assez
D'l'aimer et dé l'mathier,
Car j'en sommes tous sept fais enn'yés -
D'l'hainitcheux!

No comments: