Chest Triste

Né v'chîn l'texte d'aniet d'not' auteu du mais, Henry Luce Manuel:

Here's today's text by our author of the month, Henry Luce Manuel:

Chest Triste

N'avé qu'un p'tit d'butin, et l'vais suôl'ver,
Chest assez triste:
Mais suos l'mêm' coup vais queur quéru s'créver, -
Chest bein pus triste;

N'avé qu'un p'tiot; - ses yeux muôrants freumer,
Chest chla qu'est triste;
Mais, en long' veill's de faux espé, guetter -
N'êch' pas pus triste?

N'avé qu'amitié, et la vais ernier,
Ah! que chest triste;
Mais ouesq' ya amour, le vais sec renvier, -
Vla qu'est pus triste -

N'avé qu'houneur pour tout bein vo's rester,
Ah, dam! êch' triste?
Mais n'avé pus âm' d'homm' sus qui compter, -
Chest mêm' pus triste.

N'avé qu'un but, et l'vais vo's écapper.
Chest vrêement triste;
Mais vais vot' travas contre vous tuôner, -
Quêq' ya pus triste?

N'avé que p'tit d'temps dévant tout quitter,
Chest peut-êtr' triste:
Mais - ov drein' lerm' - de tout et tous douter -
Chest pus que triste!