Monday 16 January 2012

L'Aube gélée - Frost




L'Aube gélée
Lé jet dg'ieau 'tait à jopînter dans la vallée,
et tout l'tou i' lus arronnîtent, les bouais d'Janvyi;
lé malzard vînt dorer les brantchettes argentées
par l'aube gélée à rabilyi chutte fraide bouaîs'sie.

Lé blianc et jaune lief d'la Maîson du Gouvèrneux
'tait l'manté rouoya d'blianche bélette tch'embliûte les bouais.
Les bouais 'taient blianchis et fardés par chutte fraideu;
lé jet dg'ieau jouait coumme un jouéyau tch'ornait un rouai.

Dans la vallée, i' volait d's êtînchelles dé blianc;
les bouoillons dans la mathe halepliourdaient l'tou du jet;
lé solé d'valit coumme des russieaux dé dgiamants;
et tout 'tait rouoya car il avait haute gélé.

No comments: