The First and The Last

Phil Bridgieaux a bliodgi:

“I have always spoken it from the cradle,” she says. “When I first started speaking, it was in Jèrriais, and my maternal grandfather — who was a great speaker — he was a Renouf, and he spoke nothing else but Jèrriais all his life. He wasn’t interested in English. Even though he was a good churchman, and went and read lessons at church, when he was speaking to anyone he always spoke in Jèrriais. My father, my grandfather, my mother and my grandmother, they were all Jèrriais people. Therefore we spoke Jèrriais all the time. My father-in-law spoke very good Jèrriais, but it was Jèrriais from La Rocque. And it wasn’t the same as the Jèrriais that we used to speak at St. John’s.”

Y'a êlection! - There's an election!

Aniet, y'a eune êlection pouor Sénateu aniet (la vot'tie est en allant jusqu'à 8h à ces sé). Avaû l's années nou-s'a êcrit un tas entouor d's êlections en Jèrriais. N'en v'chîn tchiques exempl'yes:

It's election day today (voting for a Senator continues until 8 o'clock this evening). A lot has been written in Jèrriais about elections over the years. Here are some examples:

• Les Elections
• Eune bouanne êlection!
• L'Histoithe de l'Élection Pour La Pièche De Connêtable Qui Eu Lieu En La Paraisse De La Trintai Le 29 Juillet 1877
• The Election For Senators
• Aux Electeurs de l'ile de Jerri
• Les Suffragettes
• Pourtchi vouler être membre d's États?
• Peter on forthcoming elections
• Une êléction mémothablye
• Electioneering campaign
• Madame L'Election
• Electioneering secrets
• Le Jour de l'Élection
• Electioneering topics
• Élie à l'êlection
• Piteur discourses on elections
• Les d'vis du Bouan'homme George

1935: L's'Enfuntchis

Eune lettre à la Gâzette du Sé en 1935 entouor eune pièche dé thiâtre en Jèrriais:

A letter to the Evening Post in 1935 about a Jèrriais theatre play:

L's'Enfuntchis

Au "Rédacteu d'la Gazette."

Moussieu, - Vos pliaitha-t-i' m'donner un mio d'run dans vot' papi à ces sé pour enrégistrer deux-trais patholes d'èrmèrcîment ès Enfuntchis d'la part des St. Ouonnais.

Les Rotchais lus présentîtent à St Ou mardi au sé et nouos donnîtent eune séthée en jèrriais comme y'avait longtemps qu'nou n'avait ouî dans la Salle Pârouaissiale.

Sonnet 117 dé Shakespeare

Sonnet 117

Atchûthe-mé coumme chennechîn: qu'j'ai néglyigi
dé t'èrpayi tes grandes oblyigâtions;
oublié dé t'sommer pouor t'n amour si chi
ouaithe qué j'fûsse amathé à tan paîsson;
qu'j'ai vaîthinné siez d's esprits înnouothants,
et fliaûné d'man temps au run d'êt' siez té;
et, toutes mes vailes déhors à touos les vents,
qu'j'ai 'té hors bardgîngni l'travèrs d'la mé.
Di l'enditement don d'chein qu'j'ai fait d'travèrs,
et, à l'amas d'mes fautes, châque preuve ajouôte.
Né m'bliouque pon à portée dé ta pathe dg'ièrs:
ouaithe qué tu m'bliaûme, né m'mithe pon dans ta jouôte.
Né v'chîn ma d'fense: j'ai tréjous fait d'man mus
d'prouver t'n amour louoya et pliein d'vèrtu.

1934: Cory

Dry cleaning in Jèrriais: an advert from 1934

Reading in a World of Wonderlands

Rebecca L. Walkowitz a fait eune èrveue dans la Los Angeles Review of Books: ch'est la publyicâtion entouor L's aventuthes d'Alice en Êmèrvil'lie tch'a du Jèrriais d'dans:

To honor the 150th anniversary of Lewis Carroll’s Alice’s Adventures in Wonderland, first published in 1865, a group of 250 translators, scholars, and literary historians banded together to produce Alice in a World of Wonderlands: The Translations of Lewis Carroll’s Masterpiece. This three-volume, 2,656-page compendium, heroically edited by Jon A. Lindseth and Alan Tannenbaum, has all the trappings of rigorous scholarship — Three heavy volumes! Lists and charts! An entire volume devoted to bibliography! — but it also contains many unexpected and quirky delights. Since this is a book about the work of Lewis Carroll (né Charles Dodgson), inventor of the Mad Hatter, the Queen of Hearts, and a host of other seriously absurd and absurdly serious characters, it is only right that the learned enterprise has a bit of playfulness around every corner.

Sonnet 41 dé Shakespeare

Sonnet 41

Tu fais du mêché d'mousse en libèrté
quand j'sis liain d'té, fitchi dans tchique aut' pièche.
La tentâtion veint tréjous souotré té
par cause dé ta bieauté et d'ta jannèche.
Tu'es brave, ch'est en tchi tu'es pouor êt' gângni;
tu'es bé, ch'est en tchi nou té f'tha la carre.
Quand eune femme affliâtre, y'a-t-i' d'femme un fis
tchi la lâqu'thait d'vant d'aver prîns sa part?
Ah mais, tu pouôrras r'nonchi mes parties,
faithe fouah dé ta jannèche et ta bieauté
tchi t'mènent dé travèrs à la foutot'tie
où'est qu'tu oubliêthas ches deux véthités:
ou t'tente atout sa bieauté d'tchi qu'tu'es d'hait;
tu m'trompe atout ta bieauté sans fèrre-pliaie.

Par les c'mîns - Round and about

La Fraide Rue a 'té caude aniet! - The cold road was hot today! #jerriais #experiencejersey pic.twitter.com/co7pMfXnAe

— L'Office du Jèrriais (@le_jerriais) August 29, 2016

câniche = kennel; caûmine = cottage; Vouêt = West; mouaie = pile of stones (a.k.a. "moye") #jerriais pic.twitter.com/rga1zfV3ee

— L'Office du Jèrriais (@le_jerriais) August 29, 2016

Sonnet 60 dé Shakespeare

Sonnet 60

Coumme les louêmes aboulent, lus lanchent sus l'galot,
nos minnutes lus amouochèlent pouor mînniet,
veinnent paque-à-coue lus affliotchi à fliot,
trique-pâssant, tic tac, vèrs not' grande mathée.
La jannèche, à flieur d'l'ochéan lithant,
s'êcaloppe en montant; un co jutchie,
r'est dêtrônée par d's êclyipses en bêclian,
et l'temps passecrit lé présent qu'i' t'baillit.
Lé temps dêpique la jouaie d'nos jannes minnutes
et sa tchéthue ladgie touônne nos belles jaues.
La bieauté d'la natuthe, véthe, i' l'embliûte
et tout chein tch'a grandi tchait souos sa faux.
Tout coumme à l'av'nîn mes vèrsets s'sont grands
assez pouor té louangi en d'pit du temps.

1970: Au Mangni d'La Trin'té

Rêunion mensuelle au Mangni d'La Trin'té

A bein près nénante membres lus rêunîtent vendrédi, l'29 dé mai, au Mangni d'La Trin'té pour la rêunion mensuelle. lé rapport du mais d'avri fut liu et accepté, chînq nouvieaux membres fûtent êlus et la correspondance fut liue.

D'vant qué Mde. Joan Stevens c'menchit san discours, l'Mâjeur J.R. Riley adréchit la rêunion en disant qu'san péthe et grand-péthe avaient fait d'lus mus à garder l'mangni. La propriêté est fèrmée d'eune manniéthe moderne et touos les travailleurs sont des Jèrriais. Un tribut fut payi à san jardîngni pour les bieaux gardîns qu'les membres vîtent quand i' fîtent lus c'mîn en d'vant d'la maîson pour lé discours à Mde. Stevens.

Les preunmié maîsons du mangni 'taient probabliément d'l'aut' côté d'la route à cause qué les clios sont applés Les Vieux Manoirs. L'êtchusson des dé Carteret et Lemprière qu'avaient héthité le fief et la maîson du mangni des dé St. Martin 'tait sus l'sud r'cordant lé mathiage dé Âmice dé Carteret à Catherine Lemprière en 1578.

1964: Lé lion au Bouôlay (2)

L'adgèvement d'eune articl'ye d'la Gâzette du Sé du 12/3/1964 (à noter: la mention d' "vieaux" ès êlections):

Here's the conclusion of a Ph'lippe & Merrienne article from 1964 (with a notable mention of the bribability of voters at elections in the past):

(siette et fîn)

Mais, Moussieu, ch'n'est pas seulement chonna tchi garde ma bouonnefemme êveillyie présque toute la niet. Ch'est étout la peux qu'oulle a des r'vénants, ayant liut dans la "Post" de chein tchi s'est arrivé à La Ville au Neveu, ichin à Saint Ou. Ou se r'souveint de chein tchi s'arrivit à Vînchelez y'a bein d's années, quand de niet les clioches sonnaient, des portes et des f'nêtres ouvraient et freunmaient avec grand brit, et personne n'put jamais dêcouvri la cause. À ch'teu', la niet pâssée, ou s'est mînse à faithe des brais têrribles, et quand j'l'avais bein châtchie pour la calmer ou m'dit qu'oulle avait veu chu mauvais balloque là, san grand'pèthe, crouâisi la chambre, et qu'oulle 'tait seuze que ch'tait li parcequ'il avait ocquo sûs san vîsage les merques données par un vaisîn tchi l'avait trouvé faîsant la cârre à sa femme. Par conséquent de tout chonna j'garde eune veue dans la chambre toute la niet, et j'si forchi d'dormi de jour.

J'éthais voulu vos pâsler d'élections, mais, comme de couôtume, i' n'y a rein d'nouvé et i' faut attendre ocquo pour en saver pûs long. Dans les vièrs temps y'éthait yeu des vouaix à accater, comme ichîn à Saint Ou, ouèsque y'avait des vieaux en mâsse. Mais l's électeurs d'agniet n'se vendent pas, ou, au mains, ch'est chein qu'nou crait. À la s'maine tchi veint, Moussieu.

Ph'lip

Sonnet 131 dé Shakespeare

Sonnet 131

Tu'es aussi tyrannique sus tan jutcheux
qu'ches braves picangnérêsses pouôrries d'ordgi.
Ch'est en tchi tu sai bein qu'pouor man pouôrre tchoeu
tu'es la pus couôtageuse d'la bijout'tie.
Y'en a tchi t'vaient, dévrai, tchi dithent d'amors
qu'ta fache n'a pon d'chu pouvé tch'enchorchèle.
J'n'ôse nément aviser qu'ches'-là ont tort,
ouaithe qu'à mé-même jé juthe qué tu'es bein belle.
Pouor m'asseûther qu'ch'est vrai, jé l'juthe acouo
mille fais, viyant en té mille chorchéthons
tchi veinnent en têmouongni, à m'tchaie sus l'co.
N'y'a rein pouor mé pus blianc qu'tan nièrmiton.
Tu n'es pon néthe, nan-dgia: tu'es eune niêthole
tchi n'nié pon par ta pé mais ta pathole.