La Fraide Rue a 'té caude aniet! - The cold road was hot today! #jerriais #experiencejersey pic.twitter.com/co7pMfXnAe— L'Office du Jèrriais (@le_jerriais) August 29, 2016
câniche = kennel; caûmine = cottage; Vouêt = West; mouaie = pile of stones (a.k.a. "moye") #jerriais pic.twitter.com/rga1zfV3ee— L'Office du Jèrriais (@le_jerriais) August 29, 2016
Coumme les louêmes aboulent, lus lanchent sus l'galot,
nos minnutes lus amouochèlent pouor mînniet,
veinnent paque-à-coue lus affliotchi à fliot,
trique-pâssant, tic tac, vèrs not' grande mathée.
La jannèche, à flieur d'l'ochéan lithant,
s'êcaloppe en montant; un co jutchie,
r'est dêtrônée par d's êclyipses en bêclian,
et l'temps passecrit lé présent qu'i' t'baillit.
Lé temps dêpique la jouaie d'nos jannes minnutes
et sa tchéthue ladgie touônne nos belles jaues.
La bieauté d'la natuthe, véthe, i' l'embliûte
et tout chein tch'a grandi tchait souos sa faux.
Tout coumme à l'av'nîn mes vèrsets s'sont grands
assez pouor té louangi en d'pit du temps.
Mais, Moussieu, ch'n'est pas seulement chonna tchi garde ma bouonnefemme êveillyie présque toute la niet. Ch'est étout la peux qu'oulle a des r'vénants, ayant liut dans la "Post" de chein tchi s'est arrivé à La Ville au Neveu, ichin à Saint Ou. Ou se r'souveint de chein tchi s'arrivit à Vînchelez y'a bein d's années, quand de niet les clioches sonnaient, des portes et des f'nêtres ouvraient et freunmaient avec grand brit, et personne n'put jamais dêcouvri la cause. À ch'teu', la niet pâssée, ou s'est mînse à faithe des brais têrribles, et quand j'l'avais bein châtchie pour la calmer ou m'dit qu'oulle avait veu chu mauvais balloque là, san grand'pèthe, crouâisi la chambre, et qu'oulle 'tait seuze que ch'tait li parcequ'il avait ocquo sûs san vîsage les merques données par un vaisîn tchi l'avait trouvé faîsant la cârre à sa femme. Par conséquent de tout chonna j'garde eune veue dans la chambre toute la niet, et j'si forchi d'dormi de jour.
J'éthais voulu vos pâsler d'élections, mais, comme de couôtume, i' n'y a rein d'nouvé et i' faut attendre ocquo pour en saver pûs long. Dans les vièrs temps y'éthait yeu des vouaix à accater, comme ichîn à Saint Ou, ouèsque y'avait des vieaux en mâsse. Mais l's électeurs d'agniet n'se vendent pas, ou, au mains, ch'est chein qu'nou crait. À la s'maine tchi veint, Moussieu.
Ph'lip
Tu'es aussi tyrannique sus tan jutcheux
qu'ches braves picangnérêsses pouôrries d'ordgi.
Ch'est en tchi tu sai bein qu'pouor man pouôrre tchoeu
tu'es la pus couôtageuse d'la bijout'tie.
Y'en a tchi t'vaient, dévrai, tchi dithent d'amors
qu'ta fache n'a pon d'chu pouvé tch'enchorchèle.
J'n'ôse nément aviser qu'ches'-là ont tort,
ouaithe qu'à mé-même jé juthe qué tu'es bein belle.
Pouor m'asseûther qu'ch'est vrai, jé l'juthe acouo
mille fais, viyant en té mille chorchéthons
tchi veinnent en têmouongni, à m'tchaie sus l'co.
N'y'a rein pouor mé pus blianc qu'tan nièrmiton.
Tu n'es pon néthe, nan-dgia: tu'es eune niêthole
tchi n'nié pon par ta pé mais ta pathole.
J'étais, Mêcrédi à m'promener sur l' "front" à West Park et quand j'vins au but d'la promenade de m'accosti sus les balustres à contemplier les dames qui ramontaient de lus bagner.
Ous allez dithe sans doute que che n'tait pas là une pliaiche ni une otchupation pour le Caouain.
"...sans oublier l'humour de la Jerriaise Amélia Perchard.
De Jersey justement, après Haro et le Maôdits Maunchots, « iun, da, tré », voilà le jeune groupe pop-folk Badlabecques, les bavards en jerriais, la langue normande encore parlée sur l'île.
(...)
Cinq musiciens issus d'un collectif dédié au renouveau de la langue jerriaise, sur des musiques actuelles, et menés par Kit Ashton, qui nous chante avec une belle énergie aussi bien les ballades et les chansons traditionnelles de l'île qu'une version en normand de Dance me to the end of the world de Leonard Cohen..."
J'happ'thai tan mâtchîn;
ches hardgieaux êbézouis
tch'ont fait mêché
sus mes fielles dé parchémîn.
Your shapely machine,
shiny, huge, and busy,
chuffing a mixture
of muffled persimmon.
Y'a ches plieunmes-chîn;
chenna clioge en bliâsant
à tchu-faithe en êmoûqu'sie,
à m'calfaîter b'samment.
I'll chase both choices,
in-between ways;
together we'll have
half a love to amaze.
J'cach'chai tan tchoeu
lé tou des bouais
atout ma have,
sans l'happer janmais.
I'll catch, you'll chew
these two dazed boys
who have misbehaved
in leafed pyjamas.
J'happ'thai tan mâtchîn;
ches hardgieaux êbézouis
tch'ont fait mêché
sus mes fielles dé parchémîn.
....Festival chairman Jennifer Bridge said: ‘Festivals that thrive have a number of common factors, including an authentic sense of place, the involvement of the local community and a purpose. Events in Jèrriais are an important part of our festival as they help define the sense of place and they showcase a unique aspect of Jersey’s cultural life, giving a unique Jersey dimension and a distinctive character.’....
Entréchîn qu'tu m'sgorne - s'tu t'en vas m'sgorner -
et faiche laie minne en viyant ma laiduthe,
quand tchi qu'tén amour étha cartchulé
san drein compte, ladgi sa dreine m'suthe;
entréchîn qu'tu m'pâsse en m'dêconnaîssant
sans m'èrgarder d'tan yi ensolilyi,
quand tchi qu'l'amour, chutte mathée en r'tchiyant,
étha dêlachi l'rotchi d'mén affit;
entréchîn chu temps-là, jé m'fique ichîn,
en pliaidgant acouo combein p'tit qué j'vaux,
et, atout ma main à mé, j'sis attînt
si trop longtemps j't'ai r'tînt - v'là tout man d'faut.
Tu m'fais ferre-pliaie en r'nonchant man pouôrre corps;
té faithe m'aimer s'sait dé t'aimer à tort.
M'n amour extchûth'tha man bidet pièrcheux
tchi m'emporte bein douochement quand j'tchitte siez té.
Pouortchi m'prêssi d'aller à pèrte d'ta veue?
Ch'est pouor èrv'nîn qué j'dévthais galoper.
Mais tchille extchûthe qu'i' trouv'tha, man hîngnot,
tchi sembl'ye s'landrer en allant ventre à tèrre?
J'ai à l'cachi, ouaithe qué j'scodde en scouâlot,
sîlyant lé ciel sans janmais r'mèrtchi dg'ièrre.
Lé pus parfait amour a grée man d'si:
n'y'a pon dé j'va tchi pâsse lé d'si tchi vole.
J'y vol'lai sus man d'si êtchèrfroutchi -
m'n amour tout coumme extchûth'tha ma quédole:
depis qu'i' s'êlouongnit d'té à la naque,
j'èrcouôrrai siez té, en dithant qu'i' s'paque.
Les cheins tchi m'disent: Seigneu, Seigneu, n'entréthont pon tous dans l'rouoyaume des cieux; mais ch'tîn'na seulement y'entrétha tchi fait la volanté d'man Péthe tch'est dans les cieux.
Il y'en a bein des pièches tchi m'dithont chu jour-là: Seigneu, Seigneu, n'avons-je pas prophétisé en vouot' nom? N'avons-je pas cachi les démons en vouot' nom? et n'avons-je pas fait bein des mithacl'yes en vouot' nom ?
Et là j'lus dithai franchement: Jé n'vouos ai janmais connus; hors dé ma vaie, vous tchi faites des oeuvres d'innitchité.
Pour Pierre Boissel, ancien professeur de linguistique, spécialiste de la dialectologie normande, et d’histoire de la langue à la Faculté de Caen, aujourd’hui à la retraite, ce qui est certain c’est qu’« il n’y a pas une seule et même langue normande mais plusieurs pratiques dialectales sur un même territoire ». Il n’est donc pas question d’un seul et même « patois » mais bien plutôt d’une « langue normande » qui diffère selon le « pays » sur lequel elle est parlée et véhiculée.
J'dithais qu'un jour d'Êté lit dans ta fache,
mais tu'es pus balanchi et bein pus bé.
V'là les flieurs du mais d'Mai qu'les vents égdachent,
coumme nou s'en va trilyi l'contrat d'l'Êté.
Parfais l'èrgard du solé nos embliûte
et souvent sén yi êcliaithant veint couèrt,
et châque bieauté d'un bieau but, véthe, dêroute
mais qu'la mathée d'Natuthe la couothe à tèrre.
Mais t'n Êté êtèrnel n'étha pon d'tchête:
ta bieauté reste tréjous à l'embelli.
La Mort n'en craqu'tha pon qu'tu'es souos la bliête,
quandi qu'tu pouss'sas dans ma poésie.
Lé monde vivthont et vèrront, entrétant
qué t'n or lithe ichîn d'dans en nièr et blianc.
La branquechèrgiecahuche;la gŷnmnasteêcanche sescalipettes;la brîsettepique les poummesà pliat tchu;les hardellesbonnetchulent entchêtinnes.
Acouo eune fais à la brecque... - Once more unto the breach... #jerriais pic.twitter.com/zb6MWBGoue
— L'Office du Jèrriais (@le_jerriais) August 14, 2016
Ch’est un failli tchian tchi n’peut rester à sa brecque - it's a poor dog that can't stay at its entrance #jerriais #proverb
— L'Office du Jèrriais (@le_jerriais) August 14, 2016
I’ faut r’garder la brecque dévant la sauter - Look at the gap before jumping it (look before you leap) #jerriais #proverb
— L'Office du Jèrriais (@le_jerriais) August 14, 2016
J'vînmes un tas d'vaques dé Jèrri à La Fèrme - We saw lots of Jersey cows at the farm fun day #jerriais pic.twitter.com/yCcJTL022k
— L'Office du Jèrriais (@le_jerriais) August 14, 2016
Nou chantit en #Jèrriais à La Fèrme hièr - singing yesterday @Kit_Ashton @DeputyTadier pic.twitter.com/gVpOzHVobM
— L'Office du Jèrriais (@le_jerriais) August 14, 2016
La chîntchième plianète 'tait bein tchuthieuse. Ch'tait la pus p'tite dé toutes. Y'avait justément assez d'louga pouor mâter eune veue d'rue et un alleunmeux d'veues. Lé p'tit prînce n'arrivait pon à s'explyitchi à tchi bouôn pouvait êt' eune veue d'rue et un alleunmeux d'veues tchique bord dans l'ciel sus eune plianète sans maîson ni monde. Tout coumme i' s'fit à lî-même: "Ch't houmme-chîn est ofûche un nioleux. Tout coumme i' niole mains qu'lé rouai, qu'lé cratcheux, qu'lé marchand et qu'lé pînteux. Du mains san travas a un r'êffet. Quand il alleunme sa veue d'rue, ch'est coumme s'i' griyait acouo eune êtaile ou eune flieur. Quand i' dêteint sa veue d'rue, v'là tchi endort la flieur ou l'êtaile. Ch'est un bieau djobbe; véthe, ch'est utile viyant qu'ch'est bé."
Quand i' d'valit sus la plianète i' saluit l'alleunmeux respectueusement, "Bouônjour! Pouortchi qu'tu'as justément dêteint ta veue?"
"Ch'est l'ordre," qu'l'alleunmeux rêponnit. "Bouônjour!"
Gard'ous bein dé donner les choses saintes ès tchians, et n'fliantchiz pon vouos pèrles ès quétots, d'peux tch'i' n'les pilvâquent, et qué s'èrtouônnant sus vous, i' n'vouos égdachent.
D'mandez, et nou vouos donn'na; chèrchiz, et ou trouv'thez; tapez à l'us et nou vouos l'ouvritha.
Car tout homme tchi d'mande èrchait; et tchi chèrche trouve; et nou-s-ouvritha au chein tchi tape à l'us.
Et y'a-t-i' un homme d'entre vous tchi donne eune pièrre à san fis quand i' li d'mande du pain?
Ou s'i' lî d'mande un paîsson, lî donn'na-t-i' un sèrpent?
Aniet ch'est la Journée Mondiale d'l'Êléphant:Un êléphant
est gris et grand
par driéthe, par d'vant,
et par dédans.
Un êléphant
n'fait pon d'san tchian,
mais pâsse san temps
paîsibliément.
Un êléphant
n'est pas au d'sans.
Nan-dgia! Il en
a l'tou d'san lian.
Et l'êléphant,
tch'est hardi b'sant,
va sus san lent
à ch't adgèvement.
J'n'sais pas tchi sorte de temps qu'ous avez yeu siez vous chais jours, mais j'vos asseuthe que par ichin il a fait, et fait ocquo, une fraid d'tchan, avec un vent tchi vos donne toutes sortes de maux, partitchulièthement un ma dans l'dos. Nou-s-entend que les patates tchi perchaient la têrre à Rôzé, ichîn à l'Etâ et à d'autres bords, ont 'té brûlées, mais ch'est mûs d'aver d'laubegelée à ch'teu' que pûs tard.
Ouaithe qué j't'aie êmoûtchi pouor m'înspither,
et r'chu t'n înspithâtion dans chein qu'j'êcris,
ch'est auve d'aut's langues étout qu'tu veins pâler
et t'êtrueûler sus un scrit êtrangi.
Tan r'gard a fait des muets à chanter haut,
et ma b'sante huthe à fliotter jusqu'ès cieux,
a êcrit ès nouages auve des plieunmes d'ouaîsieaux,
et fait l'pus haut jutchi deux fais grâcieux.
Mais chein qu'tu'amende lé mus, ch'est ma poésie
tch'est dêcrannetée horte l'esprit qué tu'înspithe.
Les vèrsets d'aut's plieunmes sont raîque appouaintchis;
tu'apprends à chu boucranneux d'bein êcrithe.
Sai tout chein qué j'sai: dans tchique avolée
ma cranne viède s'sa remplyie pouor tan musée.
Pouortch'est-che étout qu'ous vouos gênez des hardes? R'gardez don comme tchi qu'les lis des prés craîssent; i' n'travâlent pon, i' n'filent pon:
Et pouortant j'ouos asseûthe qué même Salomon dans toute sa glouaithe n'a janmais 'té attînté comme autchun d'ieux.
Où'est qu'la bourde chuche, j'chuche étout:
couochi dans du jaune coucou;
J'm'y couoche quand lé cahouain crie.
j'vole sus l'dos d'eune caûque-souothis
souotré l'Êté bein heutheux.
Bein heutheux, bein heutheux j'vivthai achteu
souos la branque flieuthie d'un bouais bein ombreux.
À la belle Pâraisse d'La Trinneté - In the beautiful Parish of Trinity #jerriais #experiencejersey pic.twitter.com/S2wGN7SWr2— L'Office du Jèrriais (@le_jerriais) August 8, 2016
— L'Office du Jèrriais (@le_jerriais) August 8, 2016
Tch'est qu'ch'est? Ch'est un dou à laver - What's that? It's a lavoir #jerriais pic.twitter.com/sxQANHZF1t— L'Office du Jèrriais (@le_jerriais) August 8, 2016
Né vouos aguenez pon dé trésors sus la tèrre, à roui et à mangi ès vèrs, et où'est qu'les voleurs les d'sentèrrent et les volent.
Mais ramâss'ous des trésors au ciel, où'est tchi n'y'a ni roui ni vèrs à les mangi, ni voleurs à les d'sentèrrer et les voler.
Car là où'est tch'est vouot' trésor vouot' tchoeu s'sa étout.
Chaque vendredi, une région française est à l'honneur et plus particulièrement sa langue régionale. Aujourd’hui, cap sur une île !
Né vouos pliaisiz pas à faîthe dé longues priéthes, comme les païens, tchi s'înmaginnent qu'à forche d'patholes i' s'sont êcoutés.
Né vouos laîssiz don pas lus r'semblier; pa'ce qué vouot' Péthe sait dé tch'est qu'ous avez bésoin d'vant qu'ou li'ayiz d'mandé.
V'chîn don comme tchi qu'ou priethez:
Eune tâne à menthe
du bord d'la f'nêt'
d'la chambre où'est qu'j'nos tânons
êmatinn'na à l'air
adguchi et radouochi.
J'm'èrtouônn'nais à té dans man dormi
à maîntchi rêvacheuse
en murmuthant, "À tchi qu'est la tâne
tch'a un r'lais d'menthe?"
"La nôt'," qué tu m'chuchot'tas.
Épis j'nos èr'rouôl'lons
coumme les louêmes et nos dêtan'nons
pouor haler du thée du bouoillon
tchi bourgeonne du bord d'la f'nêt',
la menthe tch'y d'meuthe et j'nos ent'-radouochithons.
Lorna Goodison
A Bed of Mint
Vèrsion Jèrriaise dé Geraint Jennings
La lavande bourdonne aupi du louothi
et l'roumathîn dgêpe à l'entou d'la m'thoûque;
un touffet d'bourdons êssèment à flieuthi;
un solé d'myi mithe à faithe lithe les moûques.
Lé thŷmbre attînfé d'însectes sé dêhale
souos l'olivyi tch'alloue un brîn d'abri
au brit heuné des bordeûthes tchi brîmbalent
en feuntchant les fieillets des moûques à myi -
et tout l'gardîn tressonne en harmonnie:
les flieurs tch'y fliottent d'auve les bêtes tch'y hèrmonnent;
lé chuchet chuche l'ambron d'la bourdonn'nie;
la menthe môle et la marjolaine entonne...
Les ailes à la lavande sont baîsies d'brîns:
ches m'sagièrs meûthis tch'êmoûquent lé gardîn.
Ous avez apprîns tch'il a 'té dit: Ous aim'thez vouot' préchain, et ou hai'thez vouot' ennemîn.
Mais mé j'vouos dis: Aimez vouos ennemîns, faites du bein ès cheins tchi vouos haîssent, et priez pouor les cheins tchi vouos pèrsétchutent et tchi vouos calomnyient;
A seule fîn qu'ou séyiz l's êfants d'vouot' Péthe tch'est dans les cieux, tchi fait l'ver san solé sus les bouons et sus les mêchants, et fait pliôre sus les justes et sus l's înjustes.
Car s'ou n'aimez qué les cheins tchi vouos aiment, tchi rêcompense en éth'ous? Les publyicains étout n'font-i' pon la même chose?
Maurice Fichet (...) est l'auteur de plusieurs ouvrages en normand (avec traductions): Mes Gens (1998), Cllémence, le vilan à pépère (2002) Bouone et Bouonotte (2013). Il propose une conférence sur le normand le jeudi 29 septembre 2016, de 18h30 à 20h00, à la médiathèque, rue de l'Église à Épron (tel 06 01 93 42 62). Tarif : Gratuit.
Il a 'té dit étout: Tout homme tchi veurt tchitter sa fanme, tch'i' lî baille un êcrit par où'est tch'i' dêcliathe tch'i' la dêmathyie.
Et mé jé vouos dit qué tout homme tch'étha tchitté sa fanme, si ch'n'est à cause d'adultéthe, la fait dév'nîn adultérêsse; et tout homme tchi mathyie la cheinne qué s'n homme étha tchittée, commet un adultéthe.
Ous avez apprîns étout tch'il a 'té dit ès anciens: Ou n'vouos parjuth'thez pon; mais ou vouos atchitt'tez au Seigneu des sèrments qu'ous éthez faits.
Et mé jé vouos dis dé n'juther d'autcheune maniéthe, ni par lé ciel, pa'ce qué ch'est l'trône du Bouon Dgieu;
Jersey’s only Jèrriais singing pop-folk band are the cover story of this month’s Air Berlin in-flight magazine.
The German airline Air Berlin flies constantly all over the globe and its monthly in-flight magazine has a summer readership of 3 million people per month. The August edition has just been released and it features Badlabecques’ lead singer Kit Ashton on the front cover. He’s standing on a step-ladder at Corbière, shouting into a megaphone, accompanied with the headline ‘Der letzte Schrei’. This literally translates as ‘The Last Cry’, but also has a double meaning as it is a common phrase in German meaning ‘the latest craze’.
The article itself, published in German and English side-by-side, tells the story of the band so far as they promote and popularise our local language Jèrriais.
Ous avez apprîns tch'il a 'té dit ès anciens; Ou n'tueûthez pon; et tout homme tchi tueûtha méthit'ta d'êt' condamné par lé jugement.
Mais mé j'vouos dis qué tout homme tchi s'mettra en coléthe contre san fréthe, méthit'ta d'êt' condamné par lé jugement; et qué l'chein tchi ditha à san fréthe, Raca, méthit'ta d'êt' condamné par lé conseil. Et l'chein tchi lî ditha: Ous êtes fo, méthit'ta d'êt' condamné au feu d'enfé.
Ous êtes lé sé d'la tèrre. Mais si l'sé pèrd san r'lais, atou tchi qu'nou l'sal'la? I' n'vaut pus tch'à êt' fliantchi hors, et à êt' pilvâtchi par les hommes.
Ous êtes la leunmiéthe du monde; eune ville pliaichie sus eune montangne né séthait êt' muchie;
Et nou n'alleunme pon eune chandelle pouor la mett' souos un bouossé, mais nou la met sus un changlyi, à seule fin tch'oulle êcliaithe touos les cheins d'la maiethon.
