Sunday 17 May 2015

Le Pot à Thée

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Le Pot à Thée
Ches là l'ammein de toutes les lav'resses,
Quand ils l'vais sus la jô du grés y sont à lus aise ;
S'ou voulais qui faiche lus d'vé d'vant la traie,
Donnais lu d'vaut qu'menchi eune bouanne tasse de thée.

Et à onze heuthes quand ils ont bein travaillyi,
Et que ou lus donnais eunne bouochie a mangi,
Donnais lu le frico qu'on voulais, mais -
Donnais lu étout eunne bouanne tasse de thée.

Si au dîné ou les avais par malheur oubliais,
Ou f'thont rein pour toute l'arlevais;
Et à la piéche de yieunne y lus en faout treis,
Quand veindra le temps pour baithe le thée.

Mais si dans l'mitan de l'arlevais,
Ou lus en donnais eunne tasse bein chucraie;
Pas du randuinait, mais fait tout frais,
Y travailllont avec couothage jusqu'au thée.

Et quand y sont finies et qu'on les paithais,
Donnais lus-en occouo eunne raide bouanne tassais,
Es ou verrais qui r'veindront vos r'vais,
Car ès lav'resses y lus faout du thée.

Mais ch'nest pas seulement ès femmes qui vont lavé,
Mais acheteu. ches toute la mode dans l'gentry;
Souvent quand ou zentrais à vais des amis,
Y vos donne tout d'un coup eun afternoon tea.

L'aoutre jour en me promenant je rencontrais
Daeux anciennes dames qui lus entre tchitais;
Yieunne dis good-bye ma Julie, vein don me vais,
Et j'éthons ensemble eunne bouanne tasse de thée.

Nou dit que pour connaître l'humeur des gens,
Ch'nest pas seulement de les vais en passant;
Mais nou peut les connaître dans eunne fais,
Si nou za ensemble eunne bouanne tasse de thée

Eunne tasse de thés est bein rafraîchissante
Et en même temps étout bein dailassante
Mais autant comme il est sain et bon,
Y faout tout de même en usé à discrétion,
Et ne pas baithe trop de thée.

Car yia le trop et le trop p'tit.

No comments: