Saturday 30 May 2015

Le parapuie à Jean Fieuri

Né v'chîn l'texte d'aniet d'not' auteu du mais, Livonia:

Here's today's text by our author of the month, Livonia:

Le parapuie à Jean Fieuri
Un jour, quand le p'tit Jean Fieuri
Etait tout fraichement engagi,
Y s'en allait pour vaie sa fille,
Qui d'meuret tout près de la ville;
Et comme le temps avait l'air de pyie,
Y prins s'en tout bouan parapuie;
Y n'avait pon fait ben des pas,
Quand le temps vins diversément bas.
Enfin, y dit, je sis ben grès,
Car j'ai men bouan parapuie de soye;
Ne v'là la pyie qu qu'manche à thiés,
Y se dépèche vite dertroussé ses braies;
Y mins s'en chapé souas s'en bras,
Car il avait de l'enbarras;
S'en parapuie ne pouvait pon ouvri,
Et y s'en allait être tout moiyi;
Y ne savait pon tchiés qui le t'nait,
Mais chès que la manche était enfiet.
Il avait oubliait de l'sitchi,
La dernièthe fais qui le fis servi.
A forche d'êprouvé, y parvint à l'ouvri,
Mais seulement jusqu'à la maintchi;
Y ne voulait pon avé l'air d'un paite,
Et de même' y min s'en 'pork pine hat';
Y n'voulait pas qui fuse moiyi,
Car la qui l'éret tout trébuchit.
Enfin il arrive à la porte
De sa chérie petite Charlotte;
Y n'iavait pon moyen d'entré,
Le parapuie ne pouvait pon freumé;
Et comme y n'voulait pon s'mâri,
Y tape desus et le d'pichi.
Ah! comme y dis, nen, jamais
J'ene racate de parapuie d'soye.

No comments: